ابن الشيخ واليتيمة

24

ابن الشيخ واليتيمة
‎الكاتبة:-سما حمد
‎البارت الرابع والعشرين
................👑

‎رهف: رديت للبيت واني متحطمه
‎لن ماكو اصعب من هالشي
‎رغم اني الي عفتو وطلبت الطلاگ
‎لكن من سمعت راح يتجوز واني بعدني على ذمتو نار وشبت بيه
‎فعلا مثل ماگال سوه
‎بس اني اعرف شلون ارد اعتباري
‎خلو يتهنى بهالجيزه
‎تيسير: رهف لاتشيلين بگلبج على مسره
‎تعرفين الشيخ الي طلبها واهلي ماگدرو يردون الشيخ
‎رهف: وعلش اشيل بكلبي
‎سلميلي عليها وگليلها رهف تگول بالخير عليها ومهنايه
‎عفت تيسير وطبيت للغرفه
‎وافكر بشار
‎علش هيج سوه بيه
‎يعني من كل عگلو تجوزني بس حتعينه يكسرني
‎خسرني اغلى مااملك
‎بس حتعينه يرضي غرورو
‎واني اراجع ذكرياتي وياه
‎اهجس شي بداخلي يگولي
‎لاتستسلمين واجهي وقاومي
‎اتمردي على الكل
‎حققي الي ماگدرتي تحققي
‎وتذكرت كلام جديتي گبل ماتموت
‎يومن گالتلي
‎انتي تربيه ارهوج
‎صيري سبعه ولاتضعفين لن الضعيف ينداس
‎عاد گمت غسلت وجهي وگعدت اتفرج على التلفزيون ولاجن شي صاير
‎واني بداخلي
‎ثوره
‎هييين يبشار الما خبلتك
‎يول مو رهف الي تنكسر
‎الماخليتك اتندم على هالعمله
‎ومن اليوم رهف القديمه ماتت
‎بشار: اخذت مشيه لاهل مسره
‎واني متأكد مسره ماراح ترضى عگب الكلام الي سمعتوياها
‎وجنت اگول ان وافق ابوها بس نقره الفاتحه وعگب اعرف شلون افصخ الخطوبه
‎بس الي ماتوقعتو
‎مسره راضيه
‎والي صدمني يوم الشيخ گال خير البر عاجله وعقدولنه
‎تخبلت وريت
‎بس ماگدرت اسولف
‎ردت اور 🔥گلب رهف عگب الكلام الي گالتوو
‎تاليتني اني الي وريت 🔥
‎والي زاد الطين بله يوم گالو العرس عگب عشر ايام
‎ضليت ساكت ماسولفت هينوب
‎شلي اعملتو بحالي
‎طلعنه من يمهم وابوي واخوتي يباركولي
‎واني روحي لايبه
‎جنت اضن ماراح تصير هالمشيه
‎ومتأمل عگب هالحركه ترد رهف الي
‎تاليتني تورطت بمره
‎وضيعت حبيبه كٓٓلٍٰــْـٍْـٍْـ♥ــبْْي من ايدي 🥺💔

‎ابوي واخوتي ردو للمضيف واني طلعت للشط
‎واسمع محارب يصيح علي
‎محارب: يول مو جاي اصيح شنهو اطرشيت
‎بشار: ااااااااااخ يمحارب
‎محارب: خيرك
‎بشار: اول نوبه اهجس روحي خسران
‎محارب: رهف مْْـٍـٍ❌ـْْـْْـو؟؟
‎بشار: اني اختاريت مسره بالذات لن ضامنها ماترضى
‎محارب: يخوي لاتزعل مني انت طول عمرك مستعجل
‎وهاي تاليها
‎الف نوبه اگولك تأنه احسبها عدل
‎بس انت الله يهداك ماتسوي غير الي براسك
‎بشار: يول مادريت بروحي اعشگها
‎اله يومن عافتني
‎يول الغرفه من غيرها تخنگ
‎الله اكبرررررر
‎راااح امووت
‎يول شلون اطلع من هالورطه
‎الي ذبيت روحي بيها🥺
‎محارب: والله يخوي مادري شگولك
‎والمصيبه انك عقدت
‎بشار: اااااخ 💔
‎محارب: هونها وتهون يخوي
‎ربك كريم ومايخلي حمل مطروح
‎گول يالله
‎وامشي وياي بشار صالو يومين يدورك
‎بشار: يول انت عاقل يومن سميت ابنك بشار
‎محارب: يول وحگ الله ماعندي اغلى منك
‎بشار: ربي ايحفظك يخووي
‎محارب: ويحفظك
‎بشار: يول صدگ ابنك الاخر شسميتو
‎محارب: بشير
‎بشار: خبال يول
‎شنهي قله اسامي
‎محارب: ههههه مالك لازم
‎رهف: مرت الايام بسرعه البرق
‎واليوم عرس بشار والديره مگلوبه گلب
‎اجذب لو گلت مامقهوره
‎لاوالله النار تسعر بروحي سعر
‎فعلا مايكسر المره غير المره 💔
‎مارحت ولاوصلت ضليت بالبيت
‎لليل ردت تيسير واهجسها مستحيه مني
‎عاد اني ترخصت ورحت بفراشي
‎توني غفيت واسمع صوت الفشگ
‎عرفت بشار اخذ مسره 😭💔
‎بشار: طبيت للغرفه واني كاره مسره
‎مايوم حبيتها بحياتي
‎وهسعينه اهجس روحي حقدت عليها
‎السلام عليكم
‎مسره: وعليكم السلام
‎بشار: دحجي مسره المثل يگول الي تستحي منها خليها بالاول
‎واني بطبعي صريح
‎تعرفيني من زمان ماعندي اي مشاعر الج
‎ولاراح تكون
‎لكن تطمني هاذ مايعني اقصر وياج بشي
‎والشي گبل لاتطلبي يوصلج
‎انتي مرتي جدام الله وخلگه
‎لكن يبنت الناس كٓٓلٍٰــْـٍْـٍْـ♥ــبْْي ماگدرلو ولاهو الي
‎مسره: عجل علش تجوزتني ؟؟
‎بشار: وانتي علش رضيتي ؟؟
‎هااااا
‎ماتسولفين
‎مسره خلني اگولج شغله
‎من اليوم لاانتي تسأليني علش تجوزتج
‎ولااني اگولج علش رضيتي
‎هااااا
‎وشغله اخرى
‎رهف خط احمر
‎ولسه هي على ذمتي
‎وماناوي ولاافكر بيوم اطلگها
‎مسره: تعشگها يبشار 🥺
‎بشار: هاذ الشي مايخصج
‎مسره: شي واحد ارد اعرفو وعگبو مافتح حلگي
‎بشار: شنهو
‎مسره: اني من الاول اعرف رهف ماتيدك
‎بس عگب ما تجوزتو جانت على طول تسولف بيك والكل يدري شكثر حبتك
‎وفجأه هي تعوفك وترد لهلها
‎وانت اتجوز
‎شنهو السبب؟؟🥺🥺
‎بشار: الي بيني وبين رهف مالج لازم بي 😡😡
‎عاد عفتها وبدلت هدومي
‎ادحج عليها هي هم بدلت
‎شويه وامي دارت العشه
‎وعگب العشا طلعت من الغرفه
‎لن اختنگت
‎بعمري مامريت بهيج شي
‎ولاعشت هالاحساس
‎ماعرف شلون رجليه اخذتني على محارب
‎لن هو الوحيد الي ايعرفني واگدر اسولف وياه وارتاح
‎محارب: خيرك يبشار 😳
‎يول شبيك لاتخبلني
‎بشار: مخنوگ واهجس روحي تيد تطلع
‎محارب: والله يخوي حاس بيك وادريها موهينه
‎بس ماباليد حيله
‎الله يكون بعونك
‎بشار: يول مالي نفس بيها
‎ماگدر اتدنالها
‎گضيت العشا وهجيت
‎محارب: شلي عملتو بحالك
‎بشار: كلو مني
‎اني ضيعتها وضيعت روحي
‎محارب: هالحجي فات وكتو
‎والبنيه لازم تاخذها باجر الوادم لو درت تاكل وجهك
‎بشار: يول اگولك مگدر
‎محارب: طفي الضوه حتعينه ماتشوفها
‎بشار: يول محارب شلون راح اگضي عمري بدون رهف🥺🥺
‎يول اعرفها بعد ماتردلي
‎ااااااخ ينارج
‎يول هاذ هاذ صاير بركان من قهرو واضرب على كٓٓلٍٰــْـٍْـٍْـ♥ــبْْي