ابن الشيخ واليتيمة
الكاتبة:-سما حمد
البارت السادس عشر
..................👑
رهف: گعت ثاني يوم الفجر
الوكت الي كل نوبه نگعد بي اني وجديتي 🥺🥺
ادحج على فراشها خالي
عمت عيني عليج
گطعتي بيه يجده
نهضت من مكاني
ولميت فراشي
عاد طلعت تجددت (توضيت) وصليت وقريت قران لجديتي
لماتكشف الوكت
التمت الوادم علينه
واني ادحج ودموعي تجري
وسولف ويه روحي
شنهو الي ايتانيني عگب عينها
وشلون راح اتحمل هالحياه
اهلي الي عفتهم واني جاهل شلون راح اتأقلم وياهم
مدرستي شلون راح اغيرها
بليله ويوم تغيرر كلشي بحياتي
ااااخ يجده منهو الي يسولف وياخذ حگي بعد عينج
وجان اتذكر سالفتها يوم گالتلي صيري اقوه من زمانج
وبجيت 😭😭😭
مـو؏ـل المـشو والشـال والـما يلـوحـه
گـابلنـي گـلـبـي وگـام يبچـي ؏ـل روحـه
ام ضرغام : بنيته وحدي الله
الي جاي تعملينه مايفيد جديتج
كونج تحبينها ادعيلها صليلها
وانتي اتعرفين تقرين گومي تجددي واقريلها قران هاذ الي يفيدها يعيني
بهالشي تردين فضلها عليج
رهف: ومنهو الي گالج ماصليت وماقريت الها
وحگ الله يعمه
جديتي اغلى من حياتي
أنــتوا علش ماتفهموني يولوو كٓٓلٍٰــْـٍْـٍْـ♥ــبْْي واررر عليها
اااااخ ينارج يجده ماتخمد (تطفى)
شيماء: گعدت الصبح شارگه حلگي ولاجن عدنه عزاا
غسلت ومشيت للمطبخ احضر بالريوگ ويه البنوات
لما كملت عزلت ريوگ رهيفه واخذته الها
يله يبعد عيني تريگي
رهف: مالي نفس ولاتغصبيني امشيه عليج الله
ام ضرغام: يولي علش صايمه
ماتاكلين
شيماء: يمه وحگ الله حتى عشا ماتعشت
ام ضرغام: هسعينه اتريگين 😠
رهف: لاتغصبوني وحگ الله ماشتهي
ام ضرغام: اكلي شويه بس فكي ريجج
رهف: تدنيت حطيت لگمه بحلگي وشربت استكان الجاي
شيماء: عگب الريوگ كلمن اگضبتلها شغله
واني طلعت اخبز داتضل عيني على محارب
وهو الاخر هم عيونو علي
مگدر على روحي من اشوفو اضحگ عاد تلثمت
شتگول الوادم علي
فاتحه وتمضحك
فيصل : شلونج خطيبتي
شيماء: خطبك البين وخلصني منك
فيصل: ماضل شي وتنورين حياتي
شيماء: تنور الي يورك ويضيع حياتك
فيصل: هههه يولي عگب مانتجوز هاذ كلامج كلوو يتغيير واذكرج
شيماء: اني جاي اخبز والحر كاتلني
وهاذ مگابلني وسوالفوو مثل السم
جان اشيل اغطاوه التنور وهو كلو حطب سحبت احطبه نارها تلهب
ونشيته بيها
لو ماساحب روحو جان احترگ وجهو
فيصل: يولي انتي خبله 😡😡
جان حرگتيني
شيماء: اخبال اليخبلك
وان مامشيت من وجهي احطگ بالتنور
فيصل: هينه يشيمه هينه (بسيطه)
شيماء: گلعه التگلعك
گضيت خبزاتي عاد لميتهن وحدرت للمطبخ داندير الغدا
بالعاده يعاونونه الولد بالنگل
عادين محارب كل ماناوشو شي ويذبلي حجايه واني مثل الخبلة ماسكت لو ارده لو اضحك
ماهجس اله خوله تندسني
رهف: گضت الفاتحه ومشت الايام وكلمن رد لبيتو ولوضعو
الا اني تخربطت حياتي وماني عارفه راسي من رجلي
راحت الي جانت منظمه حياتي وعافتني 🥺🥺
أنت تقرأ
ابن الشيخ واليتيمة
Romanceمساء الخير اجيتكم بقصة حلوة وغريبة للكاتبه سما حمد كل تصرف يصدر منا هو عباره عن رده فعل لصفعه تلقيناها من شخص قريب وعزيز على قلبنا لانه لو لم يكن ذلك الشخص عزيزآ لما صدر منا هكذا تصرف ، وقبل ان ابد بسرد احداث قصتي يجب ان اُلفت انظاركم لشيء سبق وتحد...
