ابن الشيخ واليتيمة

18

ابن الشيخ واليتيمة
الكاتبة:-سما حمد
البارت الثامن عشر
................👑

محارب: گضيت عشاي وشربت جاي
عادين طلعت مثل كل نوبه اتعلل يم بشار
جاي اتمشى ولن فيصل جدامي 😳
الوجه والثوب كلو دم تخبلت
فيصل شبيك
يول منهوو عامل بيك هيجيان
فيصل: تكاونت
محارب: يول منهو الي تكاونت وياه
فيصل: مابيه حيل اسولف خلني امشي
محارب: يول تعال جاي
هاذ شبي تخبل
هزيت ايدي ومشيت للمضيف
سلمت وگعدت
مالگيت غير جم ازلمه والگهوجي
مشوار وجان يجي غسان
جيت والله جابك
غسان: هيج مشتاگلي
محارب: يول عليش المضيف مابي احد
غسان: والله لوتدري اليوم شصار
محارب: يول تراك وريتني
ماتسولف عاد😡
غسان : شيمه
محارب: اني سمعت اسمها لو وگفت على حيلي
يول شبيها😳😳
غسان: امش غادي
ان سولفت هينه انت تفضحنه
محارب: انت علشش ماتسولف 😡😡😡
غسان: يول شجرالك
تخبلت
تاگولك امش انسولف برا
محارب: امش
غسان: اليوم شيمه فشخت فيصل
محارب: يول شلوووون 😳
غسان : وما كفاها الفشخه
راده انوب مترفسته اترفس
محارب: يول علش
غسان: خلني اكمل يخوي
محارب: اي
غسان: گوم يفيصل وتعال لبوي وگلو على الي صار
هي شيمه شافتو وتخبلت
بنت عمك وتعرفها لسانها اطول منها
عادين بشار تايكسر فتنه ضربها
ضربها لو تخبلت وجان تهد على الزلمه وابوي وبشار وماگدرولها
محارب: يول الي ارد اعرفوو علش شيمه اضربت صخمان
غسان: لن فيصل گايللها خطيبتي
محارب: شنهووو شنهووو
منين جتي خطيبتو يابه
غسان: عاد هاذ الصار
محارب: عمي وين
غسان : غادي بالبيت
محارب: امش جدامي ارد اعرف شصار
غسان : يله امش
محارب: طبيت لبيت عمي وهمه يسولفون واني وار (محترك)
وفيصل لو الزمو الا بالحرام اطلع روحو
وعگلي كلو يم شيمه ارد بس اعرف شلونها
اااااااخ يفيصل النذل 😡😡😡
ضرغام: اگول غيرو السيره اخير
يصبح الصبح واني اعلمو
محارب: عجل آٌني اترخص
گمت واني مورث 🔥
جان المح شيمه بالمطبخ هي ورهف
عاد انداريت من باب المطبخ وسلمت عليهن واني حيلي يرجف لمن شفتها
سلامتج يبعد عيني
شيماء: الله يسلمك يمحارب
محارب: شلون صرتي
شيماء: بخير لوجنت طيب
محارب: لاتضايگين يبعد الگلب
وفيصل اني اعلمو
شيماء: فيصل كلو على بعضو مايهمني
يولوو الي ذابحني سوايه بشار
محارب: ساعه غضب لاتخلينها بالج
شيماء: عجل يول اني شيمه
عزيزه گلبو يضربني
ولجل من
لجل فيصل الي مايسوالو نوايه بسوگ الزلم
محارب: يصير خير يصير خير
اني اترخص
رهف: يولي ماتعرفين تسكتين
مادحجتي علي شلون تضايگ
شيماء: عجل اني شگول
يولي وحگ الله لو ابوي ضاربني ولابشار
رهف: هو خبل ومايتحكم بعصابو
اي قابل جديد عليج
لاتگدرين وانا اختج
يولي زعل الحبايب جذاب
شيماء: خلنه نگعد يم امي
رهف: يولي هاذ بشار اجه
شيماء: امشي ماريد اشوفو
بشار: شيمه
شيماء: يله رهيفه
سولفت وجزيت
وجان يگضبني من ايدي
بشار: يولي انتي جثير غاليه على كٓٓلٍٰــْـٍْـٍْـ♥ــبْْي وهالشي تعرفينو
والي سويتو اليوم داحتعينه اسكت فيصل بي
شيماء: الي صار صار وگضه بوكتو
هد ايدي وخلني امشي 😒
عفتو ومشيت وادحج علي ضل يسولف هو ورهف
بشار: انتي الاخرى شعندج طايره
رهف: 🤨🤨
بشار: يولي هالنظرات ماتلوگلج بطليهن
وخلني اسولف وياج
رهف: وشنهو بينه داحتعينه نسولف بي
بشار: دحجي يولي
سولفي ويه شيمه
تراها عايله
عجل منهو يرضى مره تجطلو وتطلع دمو
وفوگ هاذ لسانها الي ينگط سم
يولي هدت على الزلمه من بيناتنه وتيد تكتلو
رهف: ههههه
وفيصل هم عايل
عجل ترضاها وين مالاگاها وگال خطيبتي
بشار: هالسالفه باجر تفض مالج لازم
رهف: ان شاءالله
عجل ارخصلي
بشار: وين تيدين يولي 😌
رهف: وشنهو هالسؤال
بشار: بعدج مجايده
رهف: عليش يابه اجايد
بشار: لاتغشمين روحج وتعرفين اني شقصد
رهف: هاذ الشي مايخصك
بشار: گضبتها من ايدها
وتدنيت عليها
يخصني ونص
وهالنوبه سولفتيها نوبه الاخرى لاتلومين غير نفسج 😡🔥
رهف: هد ايدي تراك تخبلت
وان تجرأت وعدتها انت الي ماتلوم غير نفسك
وعفتو
شيماء: ضليت بمكاني واگفه واتاني برهيفه
مگدر اطب يم امي لن راح ينشدوني عليها
شويه وجان تجي رهيفه واره
رهف: يولي هاذ اخوك موصاحي
ارد اعرف هو شلو غرض بيه
شيماء: مو يجوز بشار ايريدج
رهف: غدي غدي وبره
شيماء: امشي دانگعد
عاد گعدنه شويه سولفنه وجان يمشون
رديت فرشت وتمددت بفراشي وغفيت من التعب ماحسيت على روحي الله الصبح طالع
هد حيلي الله يهد حيلو هالنذل
گعدنه تريگنه وتونه شلنه الريوگ ولن هاي عمتي
هاشميه: يولي ماخجلتي من ضربتي خطيبج
شيماء: دحجي يعمه ابنج هو الي ماخله لنفسو مهابه
ويتساهل الي جرالو
وان عادها مايلوم غير نفسو
هاشميه: ان ماربيتج من جديد يشيمه اني موهاشميه
شيماء: والله يعمه اني شيمه شييييخه البنات اربي مااتربه
هاشميه: هين يشيمه هين
المازفيتج هالاسبوع لفيصل اني مو هاشميه
شيماء: ههههه
دحجي يعمه خلني اگولج سالفه
لاتعبين نفسج وفيصل لويضل اخر ازلمه ماخلي يلزم ذيالي (طارف الدشداشه) موعاد ياخذني
هاشميه: مالي سالفه وياج
وين اخوي
ابوضرغاااام يخوي
وينك
عجل ترضاها اخيتك تنهان
ووليدها دمو بطولو
ضرغام: گولي ياالله عمتي
ومايكون خاطرج اله طيب
الشيخ: ياهلا ياهلا
هاشميه: علش هيجيان
يسوون بوليدي 😭😭😭
فيصل يتيم ومالو غيرك
الشيخ: وحدي الله
هسعينه فيصل وين
هاشميه: بالبيت
الشيخ: دزولنه علي خلو يجي
ضرغام: تامر يابه
شيماء: من جتي عمتي وتلاغينه واني ايدي ماتاخذ على شي كل ماالزملي شغله اعوفها
شيخلصها اليوم
شويه وجان يجي فيصل
اني شفتو لو تخبلت تمنيت اگضبو واطلع روحو بيدي
عادين گعدو تايسولفون ولن هاذ محارب
الشيخ: فيصل انت خوش ازلمه وماشفنه منك غير الخير
بس هالنوبه انت عايل
فيصل : لا يخالي ماني عايل
كل الي سويتو گلتلها اليوم نقره الفاتحه
الشيخ: الي سمعتو غير هالحجي
هاشميه: فيصل مايجذب يخوي وانت تعرفو
الشيخ: لا هالنوبه جذب😡
يول انت موگايل لشيمه اخذج غصبا عنج
فيصل: لنها اغلطت علي
الشيخ: دحج يابه اني من يوم الي امك حاجتني على شيمه گلتلها رضي واخذي
ماگلتلها گبعي واخذي
والي سويتو اگدر اكسر اظهرك علي
عجل يول وين ماتمشي تسولف شيمه خطيبتي 😡😡
ورغم كلشي وهسعينه اگولها جدام الكل ان رضت شيمه الخميس الجاي ازفكم
محارب: ارخصلي يعمي
الشيخ: تفضل يوليدي
محارب: يعمي شيمه محد يتدنالها غيري وخشمي يشم الهوا
اني وليد عمها واحگ الناس بيها
الشيخ: وهي الك
هاشميه: هيج يخوي لمحارب تنطيها ولفيصل تخيرها
الشيخ: محارب ولد عمها
وجدام الكل طلبها
ماتختل مثل النساوين
هاشميه: مشكور يخوي
ومن هينه انتهى كلشي بينه
ضرغام: يابه شلون انطيت شيمه
منهو يگول ترضى
الشيخ: مالك غرض
شيمه مايروضها غير محارب
ضرغام: امشي عليك الله يايابه ان مارضت لا اتغصبها
الشيخ: ان شاءالله
جاي نسولف وسمع صايح بالباب
يولووو شنهو هالصوت
محارب: من سمعت حجي عمتي تخبلت ونوب ادحج على عمي ارتخى
گلت هاي فرصتي ان ماسولفت شيمه تضيع مني
ولمن رضى عمي اهجس ملكت الدنيا
عاد عگب ماطلعت عمتي طلعت دابشر امي ولن هاذ فيصل
فيصل: يول انت منهو وتاخذ شيمه مني
محارب: اگول اخيرلك اتلصم وتجافيني شرك
فيصل: ان ماكسرت فرحتك يمحارب اني موفيصل
محارب: شلون بله اتكسرها
فيصل: شييييمه الي وماتصير لغيري
محارب: لزمتو من زياگو
وضربتو كله فوگ فشختو
وخليت دمو سايح
جان يسحبني بشار وضرغام
والله اني نويت اكتلو خلاص
ضرغام: يول تخبلتوو
محارب: ان ماذبحتك يفيصل اني مو محارب
ضرغام: خلو يولي ويله كلمن لهلو يمشي
شيماء: آٌنـي بالمطبخ وماسمع غير الصايح شويه واسكتو
وطلعت عمتي وجهه مايتفسر
توني جاي اسولف واگول همزين مشت ومانهجس اله الصايح بالدير من طلعنه ولن محارب وفيصل متلازمين
عادين ضرغام حاجزهم وكلمن مشاه لهلو
وجان يصيحني ابوي
الشيخ: يابه شيمه محارب حاجاني عليج وگتلو هي الك
شيماء: الي تشوفو يابه
ضرغام: يولي وحگ الله اني حاط ايدي على كٓٓلٍٰــْـٍْـٍْـ♥ــبْْي
اگول اليوم شيخلصنه منها
تاليج تگولين الي تشوفوو
يولي طلعتي خوش واحنه ظالميج ههههه
شيماء: هو مايعرف لوماالمستحاه جان رگصت من الفرحه
الشيخ: عجل يابه بالخير عليج
محارب ازلمه والنعم منو ماتلگين اخير منو
خوله: كللللللللللللللوش يبعد عيني بالخير عليكم
الشيخ: يولي شهرتينه
خوله: يعمي هاذ وحيدنه
الشيخ: ههههههههههه
شيماء: امشي واراگص بروحي من الفرحه
ماتحملت جان ادور على رهيفه
رهف: يولي اليشوفج البارحه مايگول انتي
شيماء: يولي محارب مشه عليه وابوي انطاه
رهف: يبعد عينبالخيييير عليج كلللوش
يولي راح تصيرين مره
بس تعاي جاي
وسولفيلي شلون انطوج
شيماء: وحگ الله ماعرف
كل الي اعرفو ابوي گال محارب طلبج ونطيتو 😍
رهف: وهاذ المهم
يولي وبشار
شيماء: مايطخ لساني لسانو عگب الي سواه
رهف: الشهاده لله هو يعزج وهجستو متندم
لاتطرخينها
ويولي انتي هم الله يهداج لسانج متبري منج
شيماء: تلصمي وخليني فرحانه
رهف: الله يتمم عليج هالفرحه
شيماء: آاإمـيـ ᎯᎷᏋᏋᏁ ـن
عجل خلني امشي مادامني علمتج
رهف: جايه وياج لني اريد اعرف شصار ماتحمل ههههه
شيماء: ههههه يله امشي
رديت للبيت آٌنـي ورهف وبدينه ننشد بأمي
ههههههه
بس هي الاخرى مابرت گلوبنه
رهف: يولي لاتعبين نفسج
لوشفتي محارب انشدي وهو يسولف اخير
شيماء: وين الگه محارب اني 🤨🤨
گومي گومي عاونيني اليوم ماشتغلت
رهف: عجل خلني اغسل المواعين
شيماء: لااا اگضبيلج مكناسه وگشي البيت مادام الجهلان نامو
رهف: جاي اكش بالربعه ولن هاذ بشار
بشار: الگوه رهوفه
رهف: هلا
بشار: سولفي عدل
رهف: 😒😒
بشار: يولي مواني الي يتباوعلي هيج
😡
رهف: اني جاي اشتغل الي جابك هينه منو
بشار: يجي يوم واكسر هالخشم العالي
رهف: هههههه ضحكتني
بشار: ان مابجيتج بدل الدمع دم هينه يرهف😡😡
رهف: يول ماصدگ انت ابن شيخ
بشار: علش يابه
رهف: لن ماتحمل ولاذره من اخلاقهم
بشار: شنهووو 😡😡
وجان اكفخها على راسها كل قوتي ومشيت
رهف: وحگ الله خبل وماعندك ذره مستحاه 😭
شيماء: يولي شبيج
رهف: هاذ تخبل اخوج
عجل يول يصگعني ويمشي
شيماء: اتحجين صدگ انتي 😳😳
رهف: خلني امشي ماتحمل اضل هينه بعد
طلعت واني صايره بركان
جان يلاگيني فيصل الوجه مورم وراسو ملفوف
دخيلك يربي شكلو مگلوب
فيصل: شلونج رهف
رهف: هلا هلا
سلمت وجزيت
شيماء: عگب الي صار ماشفت ولاسمعت شي عن فيصل
صار اكثر من اسبوع
ومحارب جاب امو وخوالو وكل خواتو وقرو الفاتحه وعدو اسياگي
والديره كلها عرفت محارب خطبني 😍😍
يوم من الايام طلعت وره المغرب جاي احدر (الم) الهدوم من الحبل
واني منداره ماهجست اله واحد ضربني على راسي

..................لازال للقصه بقيه ولازلت اكتـ✍ـب
غلسوو اذا شفتو سحگات 😉😉