ابن الشيخ واليتيمة

4

ابن الشيخ واليتيمة
الكاتبة:-سما حمد
البارت الرابع

حبايبي بسب صعوبه اللهجه ولان اغلبكم گال مدنفهمها
فسويت توضيح لكل كلمه غريبه وخليته بين قوسين وتدللون ❤️
..................👑

رهف: عفتها وجزيت على جديتي
امري يجده گالو تيديني (تريديني )
ارهوج : شو تعاي جدامي وبحلگي (افتحي)عيونج
رهف : وحگ الله جده كلش ماحطيت دحجي (باوعي)
ارهوج : ماريد تجيج حجايه مازينه

يولي تيسير اگلطي اگلطي (تقربي) هااي اخيتج علش هيج عامله بروحها
تيسير : هاااا جده لااا خطيه گابه بوجهه حساسيه ومحومر (صاير احمر)
ارهوج : يولي اي حساسيه هااي امشي شو امشي خلها اتغسل وجهه
جان استحت على هالعمله شتگول الوادم علينه بنيه بنت بيت هيج عامله بروحها شخلت للمعرسات شو گومي يله 😠
تيسير : اصخام الصخمج يمصگوعه على هالدگه يولي خليتينه بحلگ جديتي شراح يسكتها
مسره: شعلامج اتلاطمين (شبيج )
تيسير : امشي جدامي اغسلي وجهج بالعجل گلتلها گبت بوجهج حساسيه
وماصدگت گومتي تاگلج اتغسلين وجهج
مسره : بَـس لا اتقصدين جديتي ارهوج
دخيل الله منين طلعتلي هسعينه (هالساعه)
رهف : يولي تيسير شو تحرير ماكو
تيسير : بالمطبخ توني (هسه) لاگيتها
رهف : عجل خلني اگول لجديتي لنها انشدتني (سألتني) عليها
ام ضرغام : يله يبنوات تهيرن (تحظرن) دانحني العروس
شيماء: يمه عدنان يحنيها لو احنه
ام ضرغام : يمصگوعه عجل منهو الي يحنيها غيرو
رهف : هههه فان حظج على هالسؤال
بشار : يمه فضنها عاد (كملو) ماصارت حنه هاي
ام ضرغام : من يمگ وصيح عليهن خلهن يطلعن
بشار: يله هناووو شوو يله امشن جدامي وراجن ليل مونهار😠

ضرغام : بشار يخوي انت حدر ويه النساوين لمايحنون العرسان داتردهم
لنو النساوين ينسن انفسهن
بشار : ابشررر يبو امزاحم
عدنان : گعدت بسياره البنوات وهنه يهلهن ويصفگن زرفن اذني عاد صديت عليهن
يمعودات تلصمن يولووو اني شلي خبلني وصعدت وياجن
ام ضرغام : يبعد عيني غير من فرحنه جاي انغنيلك
عدنان : يمه يبعد عيني يافرح اطرشيت
ام ضرغام : هسعينه من نصل بيت عمك وتوايج على مريتك تصحه ههههه
عدنان : هههه اي والله يايمه ريتها بعد الكلب ودكاتوو
بشار : وصلنه لبيت عمي تلگانه محارب عادين حدرت داوصي النساوين
دحجن علي تأخير ماريد وكلمن عينها على جهالها وتلمهم يمها مو تالي تظلم العين(يصير الليل )وتگومن اتصايحن جهالي وجهالي تعرفني زين شسوي
رجاء: ولايهمك يخوي تطمن اني وياهن ومايصير غير الخير
محارب: بالخير عليك
عدنان : الخير يصيبك يوم الالك
محارب : خلي اسويلك طريق
بشار : لا تبطي (لتتأخر)
محارب: يول بشار دحجت على عدنان شلون شارگ حلگوو (يضحك)هههههه
بشار : هههههه اي شفتوو
محارب : والمصگوعه خوله من رديتها (رجعتها) من الصالون هم شارگه الحلگ تهجسها ماخذه توم كروز موعدنان ههههههه
بشار: هههههههههههه
عدنان : حنيت خوله وطلعت لبشار وكتلوو يله شوف شغلك ههههه وطلع هالنساوين دانمشي
محارب : لاه لاه لاه يول جم حرمه ماتگدرلهن
عدنان : يول اني كٓٓلٍٰــْـٍْـٍْـ♥ــبْْي ارهيف
محارب : فان حظك يعدنان
بشار : هههههههه
عجل خلني اشوف شغلي على گولتوو
شيمه تعاي جاي
شيماء : گول يخوي
بشار : خلي البنوات ايتهيرن (يتحظرن) داروح
شيماء: صارر
يولن بشار يگول يله
نغم : يولن هسعينه وصلنه شفتهمنه
شيماء: انتي الاخرى شو امشي جدامي حاجيهن خلهن يطلعن اني ماگدرلهن ولو تأخرتن بشار ايتخبل علينه تعرفينوو
خوله : وحگ الله بعدها بأولها يولوو ماشفنه شي
رجاء: يولي انتي ميته علينه لا وحگ الله هههههه
الجميع : ههههههههههههههه
بشار : يولن ماتفضنهااا عاااد
نغم : اني طالعه جدامجن (قبلجن)
بشار : علش بله هيج تأخرتن 😠
وحگ الله ماتنطن عين
لنعل ابو النسوان الماتسمع الجلمه(الكلام) لابو اليرافجهن (اليرافقهن)
ماتگولن ورانه وادم تيد(ناس تريد) عشا لوعگولجن وگفت(عقولجن )
ارهوج : لا اتعصب يبعد عيني لايصير بيك شي خلهن يولن
عجل انت ماتعرفهن
وحدتهن لودگ هالمهجوم (dj)
تنسى ضناها وانت تيدهن (تريدهن)يذكرن خطارك
بشار : يجده مو وصيتهن
ام ضرغام : هدي هدي يبعد امك فرحانات لاتخرب فرحتهن
بشار : الدير(الحديقه)مليان زلم لاترفعن روسجن لاوحگ الله ابتلي بيجن