ابن الشيخ واليتيمة
الكاتبة:-سما حمد
البارت الثامن
..................👑
ها ياكلب ليش انت حبيـــت
واني ادري بمحبتك من طرف واحد
كتلك مايحبك افهم شبيــــك
وتعــــرف مايريدك لكن تعاند
اه ياكلبـــي الجرح بين عليك
اه ياطعنات غدرك من محب حاقد
أحبـــك والكلب مايكدر يبوح
وانت تدوس حبي بدمك الجامد
حيل اتعذبت بس انت ماحسيت
لان بنـــــار كلبي وكلبك البارد
جنت بس انت اشوفك ماشفت ناس
وصافن بس افكر والذهــــن شارد
انتــــ تعيش صافي وهادئ البال
وتشلع باب كلبي بصمتك الجاحد
اه شكد صعب من تعشكـ انســان
وتحسه بمحبتك يجهلكـ قاصـــد
اه شكد غشيم وهيــــج حبيت
وادري هواي كلبك للعشكـ جارد
اه من الدمـــع شككلي الخدود
اه من الألــم وي همي متواعد
اه شكد صعب من تحب بأخلاص
وتعرف تالي حبك من طرف واحد
&&&&&&&&&&&&&&
محارب: نار وشبت بيه بسبب شيمه
عاد صحت على بشار
بشااااار يوووول هناااااااا
ام ضرغام : علش واگف غاد وتصيح ما تطبلوو
محارب:گواج الله عمتي
ام ضرغام :هلاا هلاا
محارب: بشار هينه
ام ضرغام: اي هينه فوتلوو فوتلوو
محارب:عجل ارخصيلي يعمه
امشي واصيح بشااار يول وينك
تقصدت من افوت آطُـلع صوت د انبه الي هينه
بشار: يول حدر حدر اني هين
محارب: الگوه
بشار: الله يگويك
يول منين جايتك هالمستحاه علش ماطبيت
محارب :وعلش يابه استحي بس ضنيتك مو هينه اعرفك غاوي دياحه
بشار: لاا ياناقص
ومن تعرفني غاوي دياحه ماتعرف ماديح الا وياك
محارب: اگول ماتگوم نحدر على الشط
بشار: مالي خلگ
محارب: عجل واني زهگان ومالي خلگ اجابل وجهك
بشار: يول شبيك
محارب: ياالله اني اترخص
بشار: يول تانيني جااي وياك
محارب:طالع جدامك الحگني
بشار: لبست ثوبي تالحگ محارب لن هجستو اليوم موطبيعي
واني كلها ولا محارب هَََاذ اخوي
توني فتحت الباب ولن مسره بوجهي
مسره : شَـلونك بشار
بشار: هلا بيج تفضلي
وجزيت جان تصيح علي
مسرة:گالي تفضلي ومشه لو اهجس وريت (احترگت)
عاد گلت اليوم لازم اعلمو
بشارر
بشار: صديت عليها😒
مسره: اريد اگولك شي ماعد اگدر اتحمل
بشار: وشنهو هالشي بله 😠
مسره: بشار انت تعرف اني اريدك ...
بشار:گبل لاتكمل سكتتها
اواش اواش
يولي احشمي روحج وخلج ثگيله وهالسوالف ماتلوگلج وهالنوبه صارت وراح اعديها لخاطر اهلج لنو اني اهجس بالمستحاه شگول لهم بنتكم تخبلت وتلاحگ الزلم وحگ الحگ ان تگررت هالسالفه الا بالحرام اگص السانج
يولي ماصارت عنده مره مثلج
مسره: ماتصورت بشار هيج ايحاجيني هو يسولف واني الدموع تگت
عاد گتلو
وشنهو ذنبي تكص الساني لنو عشگتك ؟
عجل يابن الشيخ وهاذ شلون اطيبو وضربت گلبي
بشار:انتي تخبلتي وماتخجلين ويله امشي من جدامي لاتخليني اسوي شي اتندم علي
مسره: شنهو الي تسوي ازود من الگلتوو
بشار: يوولي انتي ماتفهمين اگلج ماريدج ولايوم اريدج يولي وعلى عملتج هاي يلو يصبوج ذهب مااتدنالج لنو مااحب الخفيفه
مسره:جزاك الله خير يابن الشيخ ماقصرت
عفتو ومشيت حدرت على الزرع مگدر ادر البيت وهاذ حالي 😭😭💔
أنت تقرأ
ابن الشيخ واليتيمة
Romanceمساء الخير اجيتكم بقصة حلوة وغريبة للكاتبه سما حمد كل تصرف يصدر منا هو عباره عن رده فعل لصفعه تلقيناها من شخص قريب وعزيز على قلبنا لانه لو لم يكن ذلك الشخص عزيزآ لما صدر منا هكذا تصرف ، وقبل ان ابد بسرد احداث قصتي يجب ان اُلفت انظاركم لشيء سبق وتحد...
