ابن الشيخ واليتيمة

13

ابن الشيخ واليتيمة
الكاتبة:-سما حمد
البارت الثالث عشر
..................👑

شيماء : مرت الايام وماهجست اله واني بالثالث
وهالمرحله مصيريه
بطبعي مااعرف اقره اله بشار يقريني تعودت علي من واني زغييره هو يقريني
المعلمه ماتفهمني مثلو
لكن هالسنه بشار متغير جثيير مهو اخوي الاولي اسمو يگاون كل من يمر جدامو
واحنه نخاف ننشدو على السبب
والي صدمنه يوم عرفناه متكاون ويه محارب
الديره بكبرها تنشد على السبب بس لامحارب ولابشار سولفو

يوم من الايام جاعدين انتريگ ومانهجس اله بشار واگف فرگ روسنه
بشار: اسمعن زين منا وغاد مدارس ماكو
الشيخ : بالاول الناس تصبح يبوك
بشار: صُباح الخير
الشيخ: علش تيد تبطل البنيات
بشار: يابه الي وصلنه خير وبركه
ومالو لزوم يكملن
لنو اول وتالي مبطلات
ماعدنه بنيه تفوت الكليه
الشيخ: دحج يابه سالفه الكليه انت الي خليتها براس اخياتك
وكل احنه ايدناك ماعترضنه
لكن هسعينه جاي وتيد تبطلهن
لا يبشار اني الي اريد تفسير
بشار: يابه احنه هينه على طيبه گبل
كلمن ساد بابو ولام جهالو وساكت
لكن يابه خارج هالمحيط الي شفتو شيب شعر راسي
ومارضى وحده من اخياتي اتلوث لو على گص ارگبتي
شيماء: بشار يخوي لاتگولها
امشيه عليك الله
يوم الي حبيت المدرسه تبطلني
علش مابطلتني گبل 😭
بشار: دحج يابه هاااي تالي المدارس
الشيخ : اواشكم اواشكم كلشي بالهداوه ينحل
شيماء: اي يابه گلوو
وحگ الله اتخبل 😭
بشار: دحجي يشيمه مازولج هيج
كلمه ومااثنيها من هسعينه تنسين شي اسمو مدرسه
شيماء: يابه علش ساكت ماتحاجي
بشار: احمدي ربج ابوي واگف
الا الجان هبدتج اصواب ينسيج اسمج 😠😠
الشيخ: يبعد عيني هونها وتهون وجلمتك ماتصير ثنين وخشمي يشم الهوا
لكن خلها تمتحن وتگعد ماضل غير الامتحان
بشار: على امرك يابه
جلمتك سيف وعلى ارگبتي
الشيخ : عجل يابه يشيمه تمتحنين وتجعدين
وانتي اخير خواتج بالعلام
شيماء: يابه انتم ماترضون بالظلم
الشيخ: گتلج هالسالفه سديها
واحمدي ربج من رضه تمتحنين
ويبنيتي عسى ان تكرهو شي وهو خير لكم
شيماء: 😭😭😭😭😭
ام ضرغام: تلصمي علش اتبجبجين موهاي بسمه وياج مافكت حلگها
شيماء: يمه سولفي الحگ
هو شبقالي واگضي
علش مابطلتوني من الاول جان ماتضايگت
وهاذ ابنج ماتحاجو علش هيجيان متخبل
وان جان ماتعرفين حتى ويه محارب متكاون
ولسه انتم تمشون بشوره الي يشوفكم يگول هو جبيركم
ام ضرغام: ان ماتلصمتي يشيمه لگوم اجف ارگبتج
يولي عليمن طالعه هيج گويه عين
ماصارت ولاتصير مثلج
ماينلام بيج بشار
انتي لو طبيتي هالمهجومه (الكليه) تخزينه
ربج مايذب حجر اله بگدر
شيماء: علش يابه اخزيكم
لو الي يگول الحگ
طاگيتو مزروفه
ام ضرغام : تعاي جاي تعاي
اليوم اعلمج على هاللسان الطويل
بسمه: يمه لاتضايگين يبعد عيني
حگها شيمه اتضايگ لما اوصلت تبطلوها
ام ضرغام: يولي انوب انتي
بسمه : علمتيني اگول الحگ وماسكت
ام ضرغام: يولي يمصگوعه ماسمعتيها شلون تلاسن اخوج
يولي هاذ بشار ماتعرفنه
احمدن ربجن ابوج واگف
يولي جان ذبحها
اني امو لو حجه اسكت
وشيمه تناطحو كلمه بكلمه
شيماء: عگب الطلايب الي صارت وماكو فايده
استسلمت للامر الواقع
وماگول غير الله على الظالم
عادين امتحنت وگضيت والحمدلله الله مافشلني ونجحت ومن يومها گعدت بالبيت
ام ضرغام: شيمه يمه تعاي جاي
شيماء: امري يمه
ام ضرغام: لاتكدرين يبعد امج
وان قسينه عليج
لكن ييمه كلشي مقدر ومكتوب وهاي قسمتج من ربج
شيماء: الحمدلله يمه
ام ضرغام: عفيه بنيتي السبعه
يله گومي اغسلي وبدلي اليوم رهيفه تجي
شيماء: صدگ يمه
ام ضرغام : وحگ الله
شيماء: گمت غسلت وبدلت وحدرت على بيت عمي رافع
تلگتني تحرير
تحرير: ياهلا بشيمه
شيماء: هلا بيج ام ورده
تحرير: يولي صدگ بشار مبطلج
شيماء: منهو گالج
خطيه هو زعلان علي جيفن بطلت مارضى
تحرير: يااا عجل الي سمعتو هو مبطلج
شيماء: لا مالو صحه هالكلام
اگول يولي هالنوبه هم بيج بنيه
تحرير: هاااا اي
شيماء: شحلاتهن البنات راح يصيرن ثلاثه
الله يحفظهن
تقصدت اسولف وياها هيج لنها مسمومه ومثل ماغثتني غثيتها
اني شيمه اخلي هالمسمومه اتشمت بيه
عاد عفتها وجزيت على رهيفه تاسلم عليها
رهف: هلاا بصديقه عمري هلا باخيتي
شيماء: من تلگتني رهيفه اخنگتني العبره
مااهجس روحي اله اني حاضنتها وابجي
رهف: علش تبجين يخبله
شيماء: مشتاگتلج جثير
رهف: عزالله اني الاكثر
شيماء: يولي رهيفه بشار بطلني
رهف: فين الله حظو
علش يولي
شيماء: شدراني هو بهالسنه تخبل هينوب
حتى محارب ماسلم منو وتكاونو
رهف: شنهووو
يولي جاي تحجين صدگ
شيماء: اي والله
رهف: وهسعينه يولي
شيماء: اضنهم تراضو بعد مااعرف
ماعلينه بيهم
وسولفيلي يولي جديتي شلون هيج اوگعت (تمرضت)
رهف: تعرفين جديتي شلون گويه
ماهجسنه اله ولنها لاتحرك ايد ولارجل
تعمه العين عليها
يولي وحگ الله لو اعرف ايبطلوني ويحرموني النفس وجديتي تردلها عافيتها
لهجسها مثل العسل على كٓٓلٍٰــْـٍْـٍْـ♥ــبْْي
اخ يشيمه جديتي لو صار بيها شي اتخبل
لاتصدگين يحله شي بعيني عگبها
يولي هي امي موجديتي
وحگ الله ماهجست بيوم آٌنـي يتيمه
حضنها جان السور العالي الي حاميني من الكل
يولي بداعه عافيتج انخيلي ترد جديتي سالمه
شيماء: بحيل الله ترد يرهيفه
يولي لاتشيلين هم جديتي گويه
وصدگي ازمه وتعدي
رهف: الله يسمع منج يشيمه
شيماء: خلني ارد للبيت لا يرد هالخبل ويسويلي سالفه
رهف: انتي هم الله يسلمج لا اتلاسنين وياه
لاتنسين هو كبر ماعاد زغير
شيماء: ان شاءالله
اني هم ساكته مالي غرض بي
رهف: خلني ازتتج
طلعت ويه شيمه للباب
ولن بشار وعدنان
سلمت عليهم واني ادحج على بشار يخوزر بشيمه
گلت هسعينه ايتكاونون وشيمه اعرفها ماتسكت
ياهلا بيكم تفضلوو
عدنان : بالمهلي يرهيفه همزين جديتي تمرضت دانشوفج
رهف: انخيلها تطيب ونذرا علي اگابلكم وماطلع من الديره
عدنان : يولي علش خايفه هاي مواول نوبه جديتي اتمرض
بشار: شلونج رهوفه
رهف: ياهلا بشار
الحمدلله تفضل
بشار: تطمني تطمني جديتي گويه يومين ثلاثه بالجثير وتلگينها صاگره نسوان الديره
رهف: ههههه الله يسمع منك
طبينه للبيت
التمينه كلنه يم جديتي وذيج الگعده الحلوه و وره العشه حدر علينه عمي الشيخ وابو مزاحم
وجديتي تسولف وياهم وتضحك
ارهوج : يولو دامكم ملتمين
هاي دنيا ومحد ضامن روحو
ماوصيكم غير برهيفه 💔
يولو تحطونها بعيونكم
لنها عزيزه كٓٓلٍٰــْـٍْـٍْـ♥ــبْْي
رهف: جده يعيني شهالحجي هاذ 😭
ارهوج : يولي علش تبجين كل نوبه اوصي عليج لن محد ضامن عمرو
رهف: من عمري على عمرج يالغاليه
الشيخ: تطمني يعمتي من باجر اگضبها الحلال واخليها ترعاه ههههههه
ارهوج: مالي غرض بيكم
دحج علي يرافع اذا تيد رضاي
وصيتي ارهيفه
رافع: يمه الله يهداج شهالحجي هاذ
عمرج طول ان شاءالله وانتي تراعينه وعينج علينه وماتوصين احد بينه
رهف: عگب كلام ابوي الولد غيرو الموضوع وضلو ايتشاقون
لما نعسو عاد كلمن ترخص ومشه
شيماء: من رديت للبيت واني روحي لايبه
مدري على المدرسه مدري على حال جديتي مدري على محارب الي من يوم ماتكاونو ماعاد شفتوو
طبيت لديرنا وعيني على كل مكان جان يوگف بي محارب
دخيل الله شكثر مشتاگتلوو
مشتاگه لطولوو
يول اعرفك موالي
واعرفك عاشگ غيري
غير اتووب
ااااخ يمحارب
ماهجس اله وصوت يگول شلونج شيمه ومن اصد لنو فيصل
فيصل: شلونج شيمه
شيماء: هلا فيصيل
فيصل : همزين لگيتج عندي وياج سالفه
شيماء: ومنهو گالك اني ضايعه 😒

فيصل: اضن گتلج عندي سالفه وياج

شيماء:الدنيا غوربت يفيصل وسالفتك الها وگت ثاني تسولفها
لنو عيب عليك توگفني شتگول الوادم علينه
فيصل : وخلهم يگولون آٌنـي رايدج يبنت خالي
شيماء: شنهوووو
عجل اسمع زين يفيصل هالسالفه هينه وموتها
ولو تنطبگ السما على الارض ماصيرلك مره
فيصل : انتواجه يشيمه وهالخشم العالي محد يكسرو غيري
شيماء: يول اطم روحي وماخليج تمسني
فيصل: عودي روحج يشيمه على اني زلمتج
شيماء: والله يالله
تراك مو صاحي يول وامش من جدامي لااخليك تسحب النفس وماتطلعو
عفتو وطبيت للبيت مغثوثه
عاد سوينه عشا وتعشينه
وعگب العشا ابوي والولد حدرو على جديتي
واحنه كلمن مددت بفراشها وغفينه
للفجر وماهجسنه غير العايط ترس البيت ترس
انريد انعرف شكو محد يسولف والكل ايتراكض
.......................لازال للقصه بقيه ولازلت اكتـ✍ـب