رسائل الموت

الجزء الاول

مدحت

 مدحت هو بطل القصه شاب عنده 20 سنه اتخرج من كليه سياحه وفنادق بعد مجموع دمر  نفسيته في الثانويه العامه.  للاسف يوم تخرجه من الكليه كان يوم موت والده.  مدحت لقي نفسه مسئول عن امه  ومش لاقي شغل لحد ما جه صاحبه بيشتغل في كباريه اقنعه انه يبيع نوع من انواع الخمور جمب الكباريه وقاله ان ده النوع المفضل في. المكان وان الكباريه مستغل النقطه ديه وبيبيعه غالي اوي وان ده الحل الوحيد انه يبيعه بسعر اقل جمب الكباريه

مدحت مكنش عنده اي اختيارات غير انه يكلم صاحبه ويقوله يجهز الازايز كل يوم كان بيعدي عليه وهو مش قادر يجيب طلبات البيت ودواء امه  كان بيدمره كان كل يوم بيلوم نفسه، احساسه انه بيعمل حاجه غلط كان بيقتله احساسه انه بيجيب للامه دواء من فلوس حرام كان بيدمره كان بياخد ادويه اكتئاب كتير وحاول كتير انه يستفيد بشغل من شهادته الي تعب علشانها لكنه مقدرش

لحد ما حب واحده صديقه ليه اسمها ليلي ابوها موظف غلبان في السكه الحديد ولدتها متوفيه فضل معاهها حوالي 4 شهور لحد ما  حطته في اختيار صعب انه لازم يتقدملها وان ابوها ممكن يشوفله شغلانه في السكه الحديد 

مدحت رغم حبه لي ليلي انما كان فيه دايما دافع بيخليه يحاول يعمل اي حاجه ويسيب الشغلانه دي راح حكي لامه واتفق مع ليلي علي يوم يجي فيه هو و والدته علشان يتقدملها

راح مدحت هو وامه في الميعاد ابو ليلي رحب بيهم وجه وقت الاسئله الصعبه 

عندك شقه يابني؟
لا يا عمي انا حعد في شقه ماما بشكل مؤقت

طب بتشتغل ايه علشان يديك الثقه انك تقول انه حيبقي بشكل مؤقت

مدحت اتردد كتير علشان يقوله بس قرر انه حيقوله انا خالي شغل

والد ليلي في اللحظه ديه بمنتهي الهدوء قاله وانا معنديش بنات للجواز لامثالك 

الكلمه نزلت علي مدحت صعبه اوي كان عنده امل كبير متوقعهاش من والد ليلي خصوصا ان حالتهم تعتبر فقيره زي حاله مدحت

مدحت شكر والد ليلي وبهدوء خد امه ومشي 

روح امه ورجع تاني يفرش جمب الشارع الي في الكباريه الناس كلها حاولت تشتري منه لكن مدحت مكنش بيرد علي حد، لحد ما لقي نفسه اعد بيفتح في ازايز الخمره وبيشربها كان احساس صعب عليه بعد ما فاء انه لقي نفسه حيروح البيت  من غير ولا مليم في جيبه ومن غير ما يعرف يجيب دواء للامه المريضه 

وصل الحال بمدحت انه بقي كل الي بيعمله بيشتري ازازه واحده في اليوم ويرجع يبيعها ويروح البيت . مبقاش معاه فلوس يجيب ازايز اكتر من كده لقي نفسه بيبيع قطع من الشقه علشان يعرف بس ياكل

مدحت حب واحده تانيه اسمها ندي

ندي  والدها شغال مدير في شركه استثمار وهيه كانت شغاله في كوافير جمب الكباريه ومامتها مسافره فرنسا بعد ما انفصلت عن والدها