الفصل الاخير
خبط علي الباب .... عبد الله و ندي بيفتحوا بيلاقو بنتهم فيروز لوحدها قدام الباب.
فعلا دي اول حاجه عملها مدحت بعد ما لقي صاحبه زياد مشنوق في الاوضه . مدحت فكر كتير انه يلحق الطياره الي نازله مصر لكن قرر في الاخر انه مش حيمشي من هنا من غير ما ينتقم من عبد الله وقرر انه حيرجع البنت لامها دلوقتي ويروح يدفن صاحبه من غير ما يبلغ البوليس عن الي حصل.
فعلا الساعه واحده بعد نص الليل مدحت نزل زياد من علي المشنقه وطلع مفاتيح عربيه زياد من جيب البنطلون وحط زياد جوه سجاده ونزل بيه وحطه في العربيه وراح لمكان بعيد و وقف العربيه وفضل يحفر في الارض وهو بيعيط لكن طول ما هو بيحفر كان بيعيط ويقوله سامحني يا صاحبي مكنش قدامي حل تاني!!!!
بعدها مدحت دفن زياد وردم فوقيه وخد العربيه و رجع علي البيت .
مدحت منامش يومها مكنش مسيطر علي دماغه غير فكره الانتقام من عبد الله لكن في نفس الوقت خاف انه يروح يقتحم بيته وبنته هناك بس مدحت قرر انه لازم يواجه عبد الله
قبل ما يقتله ويعرف منه خانه ليه وخد منه مراته وبنته و قتل امه ليه .
وفعلا مدحت اتصل بعبد الله وقاله ان هو في فرنسا و وصفله العنوان الي دفن فيه زياد وطلب منه يجي لواحده وعبد الله وافق.
مدحت فرح ان عبد الله وافق و حضر مدحت المسدس بتاعه ونزل و اخد عربيه زياد وراح علي المكان.
وصل مدحت قبل عبد الله و وقف العربيه عند المكان الي دفن فيه زياد ونزل و بعدها بشويه مدحت لقه عربيه عبد الله جيه من بعيد وجت وقفت قدام عربيه مدحت .
عبد الله نزل من العربيه لكن مكنش لواحده مدحت لقي بنته و ندي نازلين من العربيه
مدحت: انا مش قولتلك تيجي لوحدك جايبهم معاك ليه ؟؟
عبد الله: بالنسبه لندي فا انا جي عشان اعرفها عليك جوزها القديم الحقيقي يبقي مين اما بالنسبه لفيروز فا انا مش عبيط يا مدحت انا عارف انك جايبني هنا عشان تقتلني وانت الصراحه من زمان يا صاحبي وانت مبتحبش تتفاهم بالهدوء وانا جي هنا عشان اكلم معاك فا عشان اضمن اني حرجع البيت زي ما جيت جبتلك بنتك معايا عشان انا عارف انك حتفكر الف مره قبل ما تقتلني قدام بنتك بس متقلقش انا مش حخليها تسمع حاجه انا حرجعها العربيه و اعلي الكاسيت
و فعلا عبد الله رجع فيروز العربيه وقفل عليها
عبد الله: كده بقي احنا ممكن نكلم ممكن اعرف انت جايبني هنا ليه !!؟
مدحت: انا جي عشان اعرف حاجه واحده بس اخد مني مراتي وبنتي ليه , قتلت امي ليه , انا طول عمري بعتبرك اخويا و معملتش فيك اي حاجه وحشه.
عبد الله : لا عملت يا مدحت وانت عارف انت عملت ايه انت كنت عارف اني بحب ندي من زمان وهيه كمان كانت بتحبني كنت كل يوم بحكيلك عنها وقد ايه انا مقدرش اعيش من غيرها بس انا الي غبي مفهمتش من كلامك طول الوقت ليه انك بتحاول تكرهني فيها من غير سبب وتقولي ابعد عنها ولما خلاص قلتلك اني حروح اتقدملها و اجوزها خلتني اجي معاك الكباريه الي كنت بتسهر فيه وشربتني خمره بالعافيه و جبت بنات يقعدوا معانا علي الطرابيزه بالعافيه وروحت صورتني وبعت الصور لعم ابراهيم ابو ندي عشان لما اروح اتقدملها يطردني وخطتك مشت بنجاح و اجوزتها واخدتها مني .
أنت تقرأ
رسائل الموت
Misteri / Thrillerلم يعد المعنى الوحيد للموت هو الرحيل عن هذه الحياة، فهناك من يمارس الموت بطرق مختلفة، ويعيش كل تفاصيل وتضاريس الموت، وهو ما زال على قيد الحياة.
