Asul na karagatan pilit mong dinurungisan,
Luntiang kagubatan ay nilalapastangan,
Mag-ingat ka o taong makasalanan,
Dahil pasensya ng kalikasa'y mayroon ding hangganan.
Makailang ulit hinaing sa iyo'y ipinarating,
Ng Abang Kalikasang iisa lamang ang hiling.
Mag-ingat ka o taong laging nakapiring,
Nagbubulag-bulagan sa kaniyang hinaing.
Huwag mong hayaang pasensiya niya'y maglaho,
Dahil hindi mo kakayanin ang ibibigay niyang delubyo.
Mag-ingat ka o taong ayaw magbago,
Baka dumating ang araw, lahi mo'y maglaho.
Kapag kalikasan na ang siyang gumanti,
Walang makatatakas kahit pa isang hari.
Mag-ingat ka o taong iwinaksi,
Uubusin ng kalikasan ang iyong buong lahi.
.=*=.=*=.=*=.=*=.=*=.
[[A/N: First posted on my WWO group as part of the 28 days challenge; 02.11.2019]]
Imaged used: from i.pinimg.com (credits to the owner of the picture)
YOU ARE READING
Songs of a Pretty Mystery (A collection of poems)
PoetryA collection of poems with different topics, different emotions and different language. "The words you cannot express, In paper, you put it all, Let your pen do the rest, And it'll turn into a beautiful song." ~Kanari
