مرحبا اسمي براء عمري ١٩ وراح ادخل بال٢٠ ادرس مرحلة ثانية ادارة واقتصاد قسم محاسبة مواصفاتي وجهي حنطاوي ع بياض ( يعني مو سمرة كلش ولابيضة كلش بس سماري ينطي ع بياض ) عيوني بني او يسموهن نرجسي خشمي حلو (كلها دكول بس اني مامقتنعة بي هو ياهو بالشعب العراقي مقتنع بخشمة 😁) شفايفي ناعمات وزغار وزني ٦٠ وطولي ١٦٧ (عااا والله هذا طولي شسوي اهلي كلهم اطول ليكول طناطل 😂)اسكن ابغداد وي عائلتي متكونه من بابا وماما واخ اكبر مني عمرة ٢٥ اسمه علي خاطب بت خالي وعندي اخت واخ توم هذول بعدهم صغار وهمه اخر الانتاج عمرهم ٥ سنين الابنية اسمها جوان والولد جان طبعا احنه شوي منقطعين ع عمامي لان صار خلاف قديم بيناتنه هذا كل شي على عائلتي وهااا نسيت اعرفكم ع صديقة عمري واختي الي مجابتها امي نور هي بكدي ونفس المرحلة وياي .
........ .......
مرحبا اسمي امير من البصرة اني شيخ عشيرة الشيخة جدي اطاها لابوي قبل لاينطيكم عمرة وابوي انطانيها لان تعب وميكدر يتحمل مشاكل العشيرة المتعبة عمري ٣٠ سنه بعدني مامزوج مع العلم عمري جبير بس مااكدر انساها واخذ غيرها بعدين تعرفون مني هي الي اخذت كلبي وملكته اني لون بشرتي اسمر حلو وعيوني سووود وشعري اسود بسواد الليل جسمي معضل لان دائما العب حديد عائلتي متكونه من ابوي وامي وخواني ٣ واني رابعهم وعندي خوات ٢ مزوجات اولاد عمي الجبير من اخواني اسمه حيدر عمرة ٣٧ مزوج وعدة جهال ٣ وطالع وحدة بيت والاصغر منه احمد عمرة ٣٥ وهم مزوج بس عايش ويانه وعدنه ٢ ولد وبنية واني وانوب تجي اختي الجبيرة نهى وراها اخوي كرار عمرة ٢٥ واختي عمرها ٢٠ اسمها روى وانوب اخوي اصغر واحد اسمه ايهاب وعمرة ١٥ وهاي عائلتي هسه اعرفكم ع الي اخذت كلبي وعقلي براء بت عمي محمد اووف يمه بت كلبي وعشكي هاي بس للاسف بسبب الخلافات بين العائلتين بعد مااجونه بس اني دائما اروح اشوفها من بعيد لمن تروح للدوام بالجامعة ومن جانت متوسطة واعدادية كل اسبوع انزل لبغداد علمود اشوفها بس ان شاء الله راح احل الخلاف وارجع العلاقة بينه بحول الله وقوته
هاذ انتهى بارت التعريف
.........
اتمني الدعم هاي اول مرة اكتب
الكاتبة هند
