ابو امير : امري يمه
الجدة :خابر ع محمد كله الجمعه احنه يمكم ونجيب ويانه سيد يعقد
ابو امير :صار يمة تدللين
امير : من سمعت حجي جدتي وانو الجمعه راح تصير من نصيبي طرت من الفرح ترخصت منهم عدي فصل ولازم اروح قبل العصر للجماعة علمود نجهز اروحنه للفصل صعدت سبحت وبدلت الزي العربي وتعطرت ولبست ساعتي ومحابسي ونزلت وطلعت للجماعة
براء : بعد ماخابر ابوي لعمي وبلغة بالموافقة صعدت لغرفتي وحجيت وي نور كتلها ع امير وانو خطبني وافقنه وسولفت الها وانوب ترخصت اخوها يصيحها سديته منها ونمت شوي وكعدت وي صلاة المغرب كعدت صليت وسويت عشة وتعشينه وخابر عمي ع ابوي اني عفتهم وصعدت لغرفتي
ابو امير :السلام عليكم خوية شلونك
ابو براء :وعليكم السلام ورحمة الله وبركاته الحمد لله انته شلونك
ابو امير :الحمد الله خوية ان شاء الله الجمعة احنه يمكم ونجيب ويانه سيد يعقد بعد عليمن نتاخر
ابو براء :هله بيكم باي وقت
ابو امير :وبيك اكثر يله اني اترخص بس ردت انطيك علم
ابو براء :مرخوص خوية الله وياك سديت التلفون من ابو امير وبلغت ام براء تكول لبراء علمود تجهز روحها
ام براء :صار راح اكللها واخذها للسوك الخميس نشتريلها فستان واحجزلها عد صالون
ابو براء:هاي بعد شغلتج
ام براء :صعدت لبراء وكتلها انو الجمعة راح يجون يخطبوج ويعقدون هم الخميس اخذج للسوك نشتريلج فستان
براء :تمام ماما نزلت ماما واني خابرت نور وصديقاتي المقربات علمود اعزمهم سويت مكالمة جماعية وخبرتهن اكو بيهن اعتذرن ميكدرن يجن واكو لا١٠٠ ب١٠٠ يجن ومنهن نور اهم شي تجي لان هاي اختي الماجابتها امي شوي واجتني فرح امي كايلتلها واجت تباركلي وكلتي
فرح :الف مبروك حبيبتي ولو اني شوي ضايجة لان وسام راح يضوج بس هاي حياتج وادري بيج متحبين وسام ان شاء الله الموفقية
براء :شكرا حبيبتي لا موقصة مااحبة بس احبة كاخ كصديق مو كا زوج لو حبيب
فرح :ادري حياتي
براء :جنه كاعدين نسولف اني وفرح ودك علي رقم غريب اني مااجاوب ارقام غريبة عفته يدك انوب دز رسالة فتحتها كاتب اني امير جاوبي رجع اتصل كلت لفرح هذا امير
فرح :كالت جاوبي حبيبتي يله راح اطلع واخذي راحتج
براء :طلعت فرح جاوبت عليه كال
امير :وينج ليش اتاخرتي يله جاوبتي
براء :جانت فرح يمي بس انته منين جبت رقمي
امير :احم هااا عدي من زمان مو هذا موضوعنه سمعتي خطبتنه الجمعة
براء :اي سمعت ليش هلستعجال
امير :حبيبتي ترا اني مو صغير عمري ٣٠ سنه وهم اريد اشوف جهالي واريدج يمي بعد مااصبر ع بعدج
براء :عاااا يعني فرق بيناتنه ١٠ سنين
امير :هاا راح تبطلين
براء :لا العمر شعلي اهم شي ..
امير :اي شنو اهم شي
براء :احمم اهم شي تحبني وبس
امير :لج اني مو بس احبج اني اعشقج
براء :حسيت نار ضلت تطلع من وجهي
امير :مبين خجلت برائي
براء :احم لا ابد ليش اخجل
امير :لاخجلتي والدليل هسه خدودج طماطة
براء : وانته شمدريك مكاعد تشوفني
امير :بس احس بيج حياتي انتي
براء :امممممم
امير :اشتعلت عشيرتج ع هل اممم اسكتي لااجيج هسه وعلي
براء :هااا شعندك شجاي
امير :خرب شوف الفهاوة شعندي جاي مثلا اتفرج عليج يله حياتي اني رايح انام لان تعبان استوني اجيت من فصل وانتي هم نامي لاتسهرين مااحب البنية التسهر عود من تجين يمي سهري ع راحتج خوش
براء:اوك بس اني مااسهر وليش من اجي يمك اسهر لا مااسهر
امير :عود تجين يمي واشوف مني الماتسهر يله هسه تصبحين على خير
براء :وانته من اهل الخير سديت التلفون من اميري ودخلت اليوتيوب ضليت اتابع مسلسل الطائر المبكر مسلسل تركي كلش حلوو شفت نص حلقة ونمت حلقاته الوحدة ساعتين كعدت الصبح تريكت ونزل علي باركلي ومر اليوم عادي نفس الروتين مرت الايام واجه يووم الخميس رحنه اني وماما اشتريت فستان هذا 👇
