براء :كعدت الصبح بلكوة كمت من الفراش ودخت للحمام سبحت وطلعت بدلت وخليت باودر وكحل وحمرة بناتي وشوي مسكارة هاذ مكياجي يومي و لفيت شالي ونزلت لكيت ماما محضرتلي الريوك اتريكت وطلعت للخط خطي سيارة سنتافيه ابن خالي الجبير مسوينه خط واني وصديقتي نور وبعد ويانه ٢ بنات رحت للجامعة وبدت محاضرات واووو تعبت ومتت من الجوع من الصبح لحد هسه يله كملنه محاضرة وراء ثانية وماكو ريست بس خمس دقائق حته منطلع من القاعة كملت محاضراتي ورحت اكلت متت من جوع من الصبح وهسه ب١٢ ونص احنه ب١ نطلع اكلت عسريع وطلعنه نتمشة للخط .رجعنه للبيت تعبانه بدلت ونمت كعدت المغرب صليت ونزلت سويت عشا خفايف وكملت صعدت لغرفتي كعدت اقراء محاضرات باجر وانوب لزمت التلفون وحاجيت نور ونمت هاذ روتيني يومي
امير :هذا الاسبوع ناوي اروح اني وجدتي ابوي وامي لبغداد حته نرجع العلاقة بين بيتنه وبيت عمي ابو براء بس اليوم صارت عدنه طلابة واحد مهدد بنية ينشر صورها وهاي البنية اهله عرفو بي وراحو اشتكو ع الولد ودخلو سجن واجوي اهل الولد يردوني الكالهم حل والله الحق ينكال الحق وي البنية وياهم ومو ياهم الحق وياهم لان الولد ماعدة غيرة وهددها بس الحق مو ياهم مهما كان البنية ملازم تدز صورها لولد تعرفت علي ع نت حتلو حبته واذا هو صدك يريدها ويحبها يتقدملها بس هي بعدهي طفله عمرها١٨ ومراهقة وطايشة وصوج اهلها لان مامراقبيها مو اقصد يراقبتها ان يخنكوها ويمنعونها من اقل شي بس لازم اشوي يراقبوها ويعلموها الصح من الغلط ..المهم رحنه لاهل البنية واعتذرنه منهم لان مهما يكون هذا شرف وهو هددها بشرفها وكلنالهم شتطلبون احنه حاضرين همه هم ناس اجاويد ومطلبو افلوس بس كالو اذا شفنا بمنطقتنه او هددها لاتصير عشاير ودمه حلال احنه هدئنه النفوس وكلنالهم هذا هو التردو يتنفذ بالحرف حليناها وراحو اتنازلو وطلع من السجن وراها رجعت للبيت هلكان كبل سبحت ونمت بدون عشه لان بالغدة اكلنه مفطح ممتلي من الغداء نمت وان شاء الله باجر بعون الله نطلع لبغداد ...
.....
ثاني يوم
براء : كعدت ونفس الروتين رحت للدوام ورجعت لكيت سيارة جكسارا سودة اباب بيتنه استغربت منو عدنه اعرف خوالي محد عده هيج سيارة وسياراتهم كلها سنتافية وسبورتج وسوناته دخلت للبيت لكيت احذية كومه باب الاستقبال دخلت من المطبخ منتبهت ع الاستقبال جان بابة مفتوح ويبين الي يدخل ع المطبخ المهم لكيت امي كاعد تصب جاي وجدورة الغدة ع الطباخ مبينه مسوية غذاء مال عزومه لان جدورة كبار كتلها خير يمه من عدنه
الام (احلام ):بيت عمج ابو امير وجدتج روحي بدلي ونزلي سلمي عليهم عيب جدتج وعمج ومرته سئلو عليج
براء : صار ماما صعدت واني بداخلي والله مشتاقة لبيبي صالي كومة مشايفتها احبها وتحبني وعمو وعمه وامير اوف هذا حب الطفولة بس محد يدري بيه احبة 😊المهم بدلت ع السريع ونزلت طبيت اووف اول مطبيت صارت عيني ع واحد شاب طول وضخامة وحلاوة انوب انتبهت عليه يباوعلي اني استحيت بعدني مااعرفة منو لان صالي كومه مشايفتهم المهم كلت السلام عليكم ردو وعليكم السلام ورحمة الله وبركاته
الجدة (نبيهه):هله هله بريحة العزيز هاي براء موو
محمد :اي يمه هاي بتي براء
ابو امير :هله بيج عمو شلونج
براء: الحمدلله عمو انت شلونك
ابو امير :الحمد لله بشوفتكم صرت احسن
ام امير :هله بجنتي
براء:اني من كالت جنتي احس نار ضلت تطلع مني وخدودي صارت حمر من الخجل سلمت عليها وكتلها شلونج عمه
ام امير :الحمد لله بخير بشوفتج حبيبتي
امير :ثاني يوم كعدنه من الصبح وطلعنه لبغداد وصلنه وي اذان الضهر نزلنه بالفندق صلينه واني منطي خبر لعمي راح نجي اني متواصل وي عمي مع العلم الخلاف بس ابد مكطعت بي دائما اروح اشوفه بشغله يلح عليه اجي ويا للبيت بس اكله لازم ارجع عدي شغل المهم طلعنه لبيت عمي وصلنه خطي عمي من شاف ابوي وجدتي ضل يبجي دخلنه للبيت لنوب اجت مرت عمي سلمت علينه ورحبت بينه كعدنه واني ع نار شوكت اشوف بت كلبي وعشكي ضليت كاعد والاعب ب جوان وجان لحد مااجت بت كلبي استوها من الدوام طبت وفاتت من باب المطبخ اني من شفته كلبي ضل يدك بالدقيقة الف شكبرني ومااكدر اصيطر علي كلبي كدامها راحت شوي واجت دخلت صفنت علي وانوب سلمت اووف صوتها يرد الروح انوب انتبهت عليها من امي كالتلها جنتي صارت طماطة (طبعا امي تدري بيه احبها واريدها وهو ع ساس وراء هاي زيارة نجيهم نطلب ايدها )سلمت عليهم كلهم وضلت تباوع علي جان ابوها كاللها سلمي ع ابن عمج أمير بوية
براء : السلام عليكم شلونك امير
امير :الحمد لله (بكلبي اكوب اووف شوف اسمي بلسانها صرت احب اسمي )انتي شلونج دراستج شلونها
براء:الحمد لله زينه
امير:ان شاء الله دوم اي شي تحتاجي كوليلي اني اشرحلج (نسيت اكولكم اني خريج إدارة وإقتصاد )
براء:ان شاء الله يله من رخصتكم اروح اساعد ماما اووف طلعت واني كلبي يسوي بوم بوم بوم هههه من حجيت ويا مدري منين طلع الكلام مني جنت كلش مستحية (بكلبي اكول معقولة هذا الصاك حب الطفولة امير )الله شكد محضوضه😊
ورى شوي اجه اخوي من شغلة يمكن جان يدري بيهم لان متفاجئ من دخل سلم عليهم مثلي المهم صبينه غداء وكعدنه كلنه نتغداء سواء وصارت كعدتي كبال امير اووف احسه طول الغداء يباوع علي وكلما ارفع عيني الكا يباوع بلكوه اكلت كم لكمه وكمت سويت جاي وحضرته وراء شوي طلع امير يغسل واجه بالمطبخ يغسل اجه وصار بصفي لان سنك يم الطباخ وكال شلونها برائي هو من جنت صغيرا يسميني برائي مدري ليش 😕 المهم احبه من يكول برائي احس روحي ملكة من يكليا
امير :صبو الغداء واتقصدت اكعد مقابيلها حته اشوفها عن قرب هيه خطية كلما ترفع راسها تنتبه علي بس اني ابد ولاانزل عيني لان الكل يدري بيه اريدها حته ابوها مفاتحة اني بالموضوع وكال ان شاء الله خير خل تكبر وهي الك انت اولى بيها من الغريب بس لازم ناخذ رئيها اول اني وافقت لان شاك بيها تحبني هم لان جانت دائما تسمع كلامي وتطلب كلشي تريد مني ودائما تلكي اميري انته هههه انوب كامت تسوي جاي وراها بشوي كملت رحت اغسل بالمطبخ وكتلها شلونج برائي تحب اسميها بهذا الاسم من هي وزغيرا تكلي احب هاذ الاسم وجانت تسالني تكلي ليش تسميني هيج اكللها تكبرين وتعرفين
براء :من سمعته كال برائي راستن اتذكرت من جنت صغير وجنت اسمي اميري لان هو صدك اميري الاحلم بي 😊المهم كتله الحمد لله اميري هو ضحك اضاهر ماناسي
امير :فرحت من كالت اميري لان اكيد ماناسيتني وبعدها متذكره انو اني اميرها ..غسلت ورحت كعدت شوي وجابت الجاي ونطتني اني مااتحملت غمزتلها بس ضاهر بيبي شافتني خزرتني خزرة ست نبيهه صدك من سموها نبيهه بساع تنتبه ههههههه هي برائي خجلت وراستن طلعت وبعد مااجت شربنه جاي وكلنه لعمي احنه رايحين للزيارة ومناك نطلع هو مقبل وكال لاابد تباتون كلناله منكدر والله عدنه شغل ولازم نرجع احنه اجينه نصلح العلاقة والحمد لله صلحناها وان شاء الله النا غير جية بس انته هم تعاللنه
محمد :ان شاء الله بالعطله نجيكم
امير:ودعنه عمي وعمتي وعلي بس برائي ماكو ضاهر انهزمت مني هههه طلعنه للزيارة زرنه وطلعنه للبصرة بنفس اليوم لان باجر عدي كعدة ولازم احضرها ...
انتهى البارت اتمنى يعجبكم وانطوني رئيكم اكمل لو لا
الكاتبة هند
