براء :صلينه ونزلنه جوى تعشينه وطلعنه اني واميري للمول اشترينه ملابس وكملنه كل التجهيزات وفتنه من محل ملابس داخلية هو وكف وعاين علي اني صرت بنص اهدومي خرب جان يكول
امير :برائي هاج هذن فلوس ودخلي شوفي شيعجبج
براء :لا لا ماكو داعي نجي اني وامي غير مرة
امير :شنو امج كاعد اكلج دخلي ولاا اكلج تعاي خل اني اختارلج سحبتها من ايدها ودخلنه ضليت اشر ع الملابس والبنية تنزلهن وهي ابد ماعاينت كتلها تعاي شوفيهن مقبلت كتلت لام المحل شكد الحساب ودفعت واخذتهن انطيتها الها
براء :من كتله اجي اني وامي غير مرة اميري سحب ايدي ودخلني والله شكد استحيت لو داخله وحدي اشرفلي وانوب شلون اختار ملابس فضيحة عود اني البسهن والله لو ماالبس احسن خرب شلون يلبسوهن انوب كمل ودفع الحساب ورحنه اكلنه موطة وشربنه عصير ورجعنه للبيت حضرت غرفة الضيوف لاميري ونزلت جان كاعد يم بابا كتله امير جهزتلك غرفة الضيوف فوك ثالث غرفة ع يمينك
امير :رحنه اكلنه موطة وشربنه عصير ورجعنه للبيت كعدت وي عمي كاعد اتفق وياا ع العرس بالقاعة هنا والزفة للفندق وثاني يوم نطلع للبصرة ماعدة اعتراض وكال اذا تريد نسوي العرس بالبصرة كتله لا لازم تتطلع من بيت ابوها هاي حلم كل بنية شوي ونزلت برائي كالتلي جهزتلك غرفة الضيوف اعرفها متقصده حته لان أبوها هنا مااكدر اعارض كتله تمام تعبتج وياي
براء :تعبك راحة يله اني راح اصعد انام تصبحون على خير
امير :وانتي من اهل الخير
ابو براء:وانتي من اهل الخير بنيتي
براء :صعدت دخلت لغرفتي وقفلت الباب ادري بي راح يجيني طفيت الضوة علمود يكول نامت
امير :من صعدت برائي ترخصت من عمي لان وراي كعدة من الصبح صعدت فوك رحت لغرفتها افتحها متنفتح بت الذينة قافلتها وضوءه مطفيته عرفتها كاعدة شبساع نامت استوها صعدت دكيت الباب ع كيف وكتلها تعاي فتحي لااكسره هي سكتت كتلها ادري بيج كاعدة تفتحي لا اكسرة
براء :اجه ضل يدك بالباب ويريدني افتحة اني سكتت بس كال راح اكسرة كلت خاف يكسرة وننفضح خل افتحة وشيسوي يسوي كمت فتحت الباب اول مافتحته دفعة ودخل كال
امير :عود شيسموها هاي ليش قافلته تجهيز غرفة الضيوف عديتها بس ليش قافله الباب يحجي ويرص على سنونه
براء :والله ماقصدي شي بس ردت اشاقيك وضليت ابجي لان ضل يرص سنونه ويصيح واخاف منه من يصير هيج
امير :من ضلت تبرر وضلت تبجي اني راستن سحبتها لحضني وكتله خلاص بس لاتعيديها بعد وبعدين انتي تعرفين مااكدر انام بعد الاع انفاسج وريحتج ليش ترديني ابقى سهران
براء :من شافني ابجي حضني وكلي الحجي الفوك☝️جرني ونومني بحضنه كال
امير :والله ماسويلج شي بس احضنج واشم ريحتج حته من هاي تردين تحرميني
براء :سحبني ونومني بحضنه وكلي الحجي الفوك☝️اني حضنته قوي ونمت كعدت الصبح يدغدغ بيه ويكلي
امير : كعدي سويلي ريوك اريد اطلع
براء: كعدت كتله صباح الخير
امير :صباح العسل يله كومي سوي لرجلج ريوك
براء :صار تدلل كمت غسلت وصليت ونزلت سويتله ريوك نزل هو سابح ولابس وكاشخ والعطر طك بخشمي كعد ع الميز بالمطبخ وكال
امير :شنو راح تريكيني
براء:كلشي كيمر بيض جبن عسل اشكال شتريد
امير :اريد العسل مالي 😉
براء :صار تدلل هسه اصبلك عسل (اني فهمته بس سويت نفسي مامفتهمته )جان يكوم ويكلي
امير :كمت اشرت ع شفتها وكتلها هاي عسلي وهاي ريوكي
براء:هااا لا اكعد هسه اسويلك ريوك دفعته وكعدته ع الكرسي وردت امشي سحب ايدي وباسني
امير :سحبتها وبستها وكتلها هاهيه شبعت مااريد ريوك بعت
براء :والله اذا طلعت بدون متاكل ازعل
امير :بيه حيل زعلج يله بسرعة سويلي تاخرت سوتلي ريوك تريكت ودعتها وصيتها تودع الاهل وطلعت
براء :سويتله ريوك وتريك وطلع صعدت رجعت كملت نومتي كعدت فرح كعدتني كالت
فرح :وين امير ماكو
براء :هاا راح الصبح
فرح :هاا صدك بارحة شجبتي ماجبتي شوفيني
براء:لج لو تدرين شصار بيه وكفني يم محل مال ملابس داخلية وكلي دخلي اشتري واني صرت بنص هدومي وانوب سحب ايدي ودخلني وضل هو يختار واني متت خجل خرب لج بس لا اخوي هم هو اختارلج ههههه
فرح :ياا هههههه لج اصلن كلي لاتشترين اني اجيبلج ع ذوقي وهو جاب بدون مااروح يااا وكلهن خلاعي ههههههه
براء :خرب هاي كلهم هيج هههههه تعاي خل اشوفج كمت طلعت الملابس وضليت اشوفها قطعه قطعه واسولفلها وهي تضحك انوب اجت ماما وشافت الملابس وكلتلي تلبسيهن بالهنا نزلنه وسوينه ريوك لان استوهم كاعدين ممتريكين وخلصنه وكلت لفرح خلي نسوي غداء دجاج شوي ومقبلات كالت
فرح :يله اني اسوي دجاج اسويها حامضة ومحمصة طيبه
براء :اوكي اني اسوي مقبلات كملنه سوينه غداء وكملنه اذن صلينه وصبينه غداء تغدينه ومر اليوم عادي نفس الروتين مرت الايام واجه يوم الحنه اني اجرت بدلات اخذت بدلة الحنه
