امير: بعد مافاتحت ابوي بالموضوع خطبتي من براء وافق مرت الايام وخلص الداوم طبعا اني حاجيت عمامي وراء ماكملت موضوعي وي ابوي رحت حاجيتهم وكالو ان شاء الله انروح وصار يوم حنة علي رحنه اني وعائلتي وعمامي واولاد عمي وزوجاتهم وبناتهم المهم طلعت بينه تقريبا ٩ سيارات وطلعنه لبغداد وصلنه واستقبلانه عمي محمد ورحب بينه وسلم ع اخوانه وبديت اجهز وي الولد للحنه الحنه تبدي العصر وتنهي باليل سوينه الحنه واحتفلنه بعلي وسوينه فقرة ركص الجوبي واني تراست الركصة المهم كملت حفله الحنه وكاعد نعزل بالكراسي مال الحنه وطبت برائي وياريتها ماطبت شلابسة هاي وفوكاها مالابسة عباية واشوف الولد ولد عمامي ولد خوالها وخصه وسام شلون كصوها كص واني اشتعلت ابدي اكضها اموتها بيدي شلون تطلع هيج والعيون كلها عليها خزرتها شافتني دنكت ودخلت واني متحلفلها
براء :من راحت جوان كاعدة بغرفتي وماحس الاالباب انفتح ودخل اميري مبين عصبي اجه سريع وكضني من زندي وضل يعصرهن حيل ويحجي بعصبية وعيونه حمر وشرايين ركبته طاكات
امير :انتي شلون طلعين بدون عباية
براء:وانته شعليك اني مالبس عباية وابوي واخوي قابلين انته مدخلك
امير:من سمعتها تكلي هيج واني بعد متحملت حجيت كتله مدخلني اصلن اني الي دخلني لج انتي مالتي مااريد اي احد يشوفج غيري فاهمه انتي ملكي انتي برائي الي وحدي ( بصوت عالي )
براء : من ضل يحجي وسمعته يكول انتي مالتي ضليت ارجف واحس نار ضلت تطلع من وجهي استحيت ودنكت كتله ان شاء الله من وجاي البس عباية بس بعد عني الله عليك
امير :حسيتها رجفت من سمعتني وخدودها صارن حمر خجلت واني متت بخجلها من كلتلي بعد عني انتبهت عليها خرب هاي شلابسة هسه يله انتبهت لابسة برمودة وبدي ربع ردن وطالعة الرجلين وطالع ال... من فوك ضليت اعرك اتقربت عليها وكتلها اووف وج شوكت تصيرين ملكي حلالي بعد مااتحمل برائي راح اخطبج من ابوج وراء عرس علي موافقة
براء :شفته ضل يباوع علي من فوك ليجوه وانتبهت وين صارت عينه انوب اتقرب عليه وكلي الحجي الفوك ☝️من كلي موافقة مدري شلون نطقت كتله القرار بيد بابا
امير :لااني اريد موافقتج
براء :اذا بابا موافق اني موافقه
امير :من سمعت موافقتها متحملت هجمت ع الشفايف وطلعت تعب السنين الفاتت كلها ماوخرت الحد ماحسيتها بحاجة للهوى وكتلها احبج يابت كلبي وعشكي
براء :من باسني حاولت ادفعه بس مكدرت هو ضخم وطويل واني كدامة بكد النملة مع العلم اني طويله لعد شكد طوله هو يمكن ب١٩٠ يمه كطع البوسة من حسيت روحي اختنكت
ومن كلي احبج ضليت اباوع بعيونه شفت الصدك بعيونه يعني مشاعره حقيقية كتله بدون وعي واني اباوع ع عيونه واني هم اميري
امير :وانتي هم شنو
براء:هااا
امير:احجي وانتي هم شنو
براء :بلكوه نطقتها وكتله واني هم احبك وهو مانطاني مجال بس كتله احبك رجع هجم علي
امير :من سمعتها تكلي احبك مكدرت هجمت ع الشفايف مرة ثانية الي مدوخاتني فصلت البوسة وكتلها ان شاء الله بس يخلص العرس وقبل لاارجع للبصرة اخطبج من ابوج
براء :ابتسمت وكتله ان شاء الله
امير :من ابتسمت حسيت براحة وكتلها يله هسه نامي ضاهر تعبتي وهاا بعد لاتلبسين هيج وعاينت ع سدرها وغمزتلهة
هيه صارت حمرة وركضت ع جرباية ولبدت جوه الغطة اني عفتها وطلعت همزين محد فوك كلها بالاستقبال نزلت واني الفرحة ماواسعتني بت كلبي تحبني اووف شوكت تصيرين حلالي
براء :ثاني يوم العرس كعدت الصبح وحضرت فستاني وغراضي لان راح اروح وي فرح للصالون نزلت وراح يوصلنه امير لفرح ومناك ناخذها ونروح لصالون دار الاناقة طلعنه طبعا لبست عباية حته ابوي اتعجب لان اني بس بزيارات البس عباية امير شافني وابتسم رحنه ع فرح وانوب رحنه ع الصالون نزلت فرح قبلي هي وخالتها واني ردت انزل جان يكلي امير لاتخلين مكياج قوي ومن تطلعين خطي روحج زين كتله تدلل ونزلت دخلنه للصالون وبدو بينه غسل وتشحيم هههه كملت اني اول شي لان طلبت مكياج بيجي خفيف لان بيج وي البنفسجي حلو وخليت حمرة حمرة طوخ لان مااحب اللون البنفسجي بالحمرة المهم طلع كلش حلوة حته الي سوتلي مكياج تعجبت لان خفيف وطلعت حلوة وراي بساعة كملت فرح وطلعت كيكة تخبل وهيه بيضة ثلج والمكياج سموكي اسود وحمرة حمرة والبدلة البيضة طلعت فد شي خابرت ع ابوي شوف ياهو يجي ياخذنه وراء شوي خابرني علي كال طلعو احنه بالباب جاي هو وامير بجكسارة مال امير هي سيارة العرس
امير :من كعدت الصبح عمي محمد وصاني اخذ براء وفرح وخالتها للصالون وراء شوي نزلت برائي من فوك ولابسة عباية اهلها تعجبو واني فرحت ابتسمتلها رحنه للبيت فرح واخذناهم ورحنه للصالون نزلن ورادت تنزل برائي صحتلها وصيتها ع المكياج واللبس من تطلع كالتي تدلل صدك من سمعتها شلون احترمت كلامي احترمتها لان ماعارضتني وراء كم ساعة خابرت علمود نجيهم رحنه اني وعلي وزينه السيارة مالتي وصلنه وعلي دك عليهم وطلعت اويلي هاي شطالعة خرب عشيرتج ع هالحمرة اووف لو الزمج اخذناهم ورحنه للقاعة العرس بالقاعة لان بس كرايب فسوينا بلقاعة مختلط وصلنه للقاعة ونزلنه طبينه اول ماطبينه العراريس راحو يجهزون لدخوليتهم وهي راحت للقاعة
براء :وراء ماطلعنه من صالون رحنه للقاعة وطبينه العرسان راحو علمود يجهزون لدخوليتهم واني رحت للقاعة اول مدخلت الانضار كلها صارت علي رحت يم امي وبيبيتي نزعت العباية وبقيت بفستاني البنفسجي واني مسوية تسريحة بسيطة وراء ماذبيت العباية بشوي دخل اميري للقاعة بزي العربي اوويلي طالع صاك هو شافني وماشال عينه مني ضل يعاين من فوك ليجوه اني صرت حمرة وضليت ارجف
امير :من دخلت برائي رحت بدلت لبست زي عربي ودخلت للقاعة وشفتها بفستانها طالعة تخبل انوب انتبهت شلون يباوعون عليها ولد عمي واني شطتت رحتلها ونزعت عباتي ولبستها الها وكتلها لاتذبيها هي ضاجت عافتني وراحت كعددت ع الطاولة
براء: من دخل وضل يعاين علي وراء شوي اجاني ولبسني عباته وكلي لاتذبيها مكدرت احجي لان امي خزرتني ضجت ورحت كعدت شني لعد اني المن لابسة فستان اشتريته ب٦٠ الف 😭والله طلعتهن من كلبي مااحب اشتري ملابس غالية
وراء شوي علنو عن دخول العروس والعريس وشغلو اغنية هاي 👇
وودخلو صعدو ع الكوشة ضلو يطكون صور رحت اخذ وياهم صور وهذا خزرني مااهتميت عرس اخوي واريد افرح صعدت ع كوشة ونزعت العباية مالته واخذت وياهم كم لقطة وصورت سناب انوب اخذت العباية ونزلت بس مالبستها من رحت للطاولة اجه وراي جر العباية حسبالي راح يأخذها بس شوهذا رجع لبسنياها اوووف هسه وكتك يمعود اريد يبين الفستان المن مشتريته اني اووف
امير :وراء ماعافتني وراحت ضاجت مني انوب دخلو العرسان شوهاي وراء شوي اخذت تلفونها وصعدت تريد تاخذ صور خزرتها بلكي ترجع لان هي كاعدة والانضار عليها واني مشتعل شيخلصة العرس هي مااهتمت وصعدت صورت كلت ميخالف حقها اخوها بس من نزعت العباية ومن نزلت مالبسته كلت لاهاي مامقبولة كتلها لاتذبيها رحت عليها وسحبت العباية منها ولبستها الها هي اتفاجاة وضاجت كتلها الانضار كلها عليج مااريد احد يشوفج اغااار عليج هي ابتسمت طبطبت ع جتفها وعفتها ورحت كعدت وي ولد عمي جان سامر ابن عمي فلاح حاجاني كلي هاي بت عمي محمد عجبتني واريد اتقدملها خو ماعدها واحد اني سمعته وشطت لزمته من ياخته وكتله تعال بره القاعة طلعنه كتله شلون تعاين عليها وتحجي هيج وشنو عجبتك اذا سمعت مرة ثانية حاجي هذا الحجي تفكة وحدة براسك فاهم
سامر :على كيفك خويه شني القضية شكلت اني اريد اخذها ع سنه الله ورسولة مالاعب عليها
امير :لزمته من ياخته وضربته بوكس كلته لك انته تدري هاي خطيبتي قريبا وزوجتي مستقبلا
سامر :هااا هنا الحجي شبيك معصب واخيرا راح تفك الجبسة وتتزوج جان كتلي بهدوء والله اعوف السالفة شبيك خربت وجهي
امير :اي هسه عرفت بعد مااريد اشوف وجهك هنا يله مشي منا
سامر :صار يدلل شيخنه
امير :خرب خلاني اشعوط بس الحمد لله افتهم الموضوع وما عاند اعرفه سامر خوش ولد ولو عدي اخت مامزوجة جان انطيتها اله المهم رجعت للقاعة وركصو العرسان وراء ساعتين خلص العرس واخذنه العرسان للفندق ورجعنه للبيت راح يبقون يوم واحد وباجر الصبح يرجعون للبيت
براء :بعد مالبسني العباية وكلي الحجي الفوك ☝️اني فرحت مبين يغار علي واني احب الرجل الغيور بس بحدود المهم خلص العرس وديناهم للفندق ورجعنه للبيت تعبانه كبل سبحت ونمت ......
شنو رئيكم استمر لو اترك ارجوكم ادعموني بلايك وتعليق
