براء :مرت الايام واجه يوم الجمعة طلعنه من الصبح لبغداد وصلنه وي الغدة اهلي عدهم علم احنه جايين خطي امي مسويتلي انواع الاكل دولمة ومقلوبة وسمج سفره شطولها مسوية اني نساوتي شكد اكل كعدت بنص السفرة وكتلهم حته الوح كلشي ماتو من الضحك علي اجت فرح هم حامل شهرين بس خطي ضعفانه كلش صحتلها تكعد يمي وكتلها حته نلوح كل الاكل ضلت تضحك واجت كعدت يمي بدينه ناكل واني تفلس سمج وتخلي كدامي وكدام فرح وتكول
ام براء :اكلن اريد أحفادي يطلعون مدنفشين
براء وفرح:ههههههههه
امير :طلعنه الصبح لبغداد وصلنه وي الغدة خطي عمتي مسويه كومة اكل كعدنه ناكل واجت براء كعدت بنص وكالت حته الوح كل الاكل وصاحت فرح كعدت يمها واني خربان من الضحك عليها وعمتي تفلس سمج وتنطيها كتلها عمه هاا بس براء تدلليها واني مو زوج بتج
ام براء :يااا جاا بتي حامل انته شكو بس تدلل هاك
امير :ضليت اضحك ع سوالفها انطتني سمج اكلته وكتلها الله شكد طيب من ادينج
ام براء :الف عافية
علي :هاها ترا ضليت اغار مخلصت من دلالج لفرح انوب طلعتلي براء وهسه اجه امير واني وين زعلت
ام براء :ولكم شبيكم تغارون عوزكم كبر وانته لك انته روحي لتغار تضل انته الاصل
ابو براء :لا لهنا وكافي شسالفة تراا مااقبل تتغزلين بابني كدامي
ام براء :يايا انسكت الزغار يطلعونه الكبار ياحبيبي انته النفس محد يعله عليج
براء وفرح وعلي وامير :هههههههه هاها نحن هنا
براء :بعد ماكملنه غدة وكمنه اني وفرح غسلنه طن مواعين ههههههه كملنه وسوينه جاي واخذنه حلويات بدهن الحر اموت عليهن خاصه زنود الست😋رحنه كعدنه يمهم ضلو صافنين كتلهم ها بيكم شي كالو لا سلامتج بس بعد عدج شهية تاكلين كتلهم هاي الحلويات الهم معدة ثانية عد البنات ههههههه
امير :الله انوب بالدهن الحر اجيت كابلت برائي وضلينه ناكل خلصناها كلها وهمه يضحكون يكولون احنه الغدة واصل لبلعومنه انوب ناكل حلاة اني هم شبعان كلش ممتلي بس ع واهس برائي اكلت كملنه وصعدنه بغرفة براء ننام لان تعبانين من الطريق كبل ذبيت نفسي ع جرباية ماحسيت بروحي نمت كعدت المغرب لكيت برائي نايمة بضهري وشابكتي درت عليها وضليت ادغدغ بيها لحد ماكعدت خليت يدي ع بطنها وضليت احاجي النونو (هلو بابا شلونك شوكت تطلع واشوفك)
براء :كعدني امير وخله ايدة ع بطني وضل يحاجي النونو كتله منو كلك ولد يمكن بنية كال
امير :الله وتشبهج شريد بعد من الله كلشي يجي من الله انعم الله
براء :ونعم بالله نمنه صلينه ونزلنه سوينه عشه اني وفرح وتعشينه وكعدنه نسولف وعلي وبابا واميري يسولفون ع وضع العراق واني وفرح وماما نكرز حب ونستمع الهم بصمت انوب كامو كلواحد لغرفته كمنه اني واميري صعدنه ضلينه نسولف ونضحك ونمنه بدون منحس ع روحنه ثاني يوم بابا كال
