براء: ثاني يوم كعدت الصبح ع هوسه جوة كمت غسلت وبدلت ونزلت لكيت العرسان جايين والكل كاعد يباركلهم نزلت باركت الهم وسويت ريوك وكلت منو ممتريك كالت امي امير صيحي برة بالحديقة طلعت صحته كتله تعال تريك كال هسه جاي
امير :كعدت الصبح خابرني علي اجي اخذهم رحت اخذتهم ورجعت كعدت بالحديقة لان جوة هوسة وراء شوي طلعتلي برائي صاحتني علمود اتريك كتله جاي رحت كعدت بالمطبخ وصبتلي جاي وسوت صينيه بيها اشكال جبن وبيض وكيمر وكاهي وصمون وعسل هي كعدت كبالي بس تستحي تاكل واني كاعد كتله اذا متاكلين اكوم
براء :لاابد عادي اني اكل ع كيفي الصبح لان ستوني كاعدة
امير :هاا حسبالي لان كاعد كبالج
براء :لاوالله موهيج
امير:لاتحلفين مصدكج تريكنه وكملت طلعت عندي صديقي هنا رحتله سلمت علي وكعدنه شوي وانوب رجعت لكيتهم كاعد يصبون بالغداء واني متفق وي عمامي وابوي وراء الغداء نفتح موضوعي (خطبته من براء) كعدنه تغدينه وجابولنه جاي واحنه كاعد نشرب فتح ابوي الموضوع
الاب :الله بالخير ابو علي عندي وياك موضوع واتمنى متردني خويه
ابو علي (ابو براء):تفضل خوية ماعاش الي يردك
ابو امير :اني اريد اخطب بتك براء لامير ع سنه الله ورسولة
ابوعلي :البت بتكم بس اريد اخذ رأيها مااريد اجبرها
ابو امير : اكيد هاي حياة وعشرة عمر اخذ رأيها وردلنه خبر وان شاء الله علمود الدراسة اني اكفل انو تكمل دراسة ننقلها هناك ببالبصرة وتكمل اني مااحب بناتي واولادي يبطلون وبراء حسبت بتي
ابو علي :ان شاء الله يصير خير احاجيها واردلكم خبر
ابو امير :ان شاء الله
امير :من فتح ابوي الموضوع تكولون رجعت مراهق جنت استمع بتركيز ومن كال اخذ رأيها ابتسمت بداخلي لان اني ماخذ موافقتها اوووف برائي واخيرا راح تصيرين حلالي
براء :بعد ماكملنه ريوك اميري طلع كال رايح لصاحبي ارجع قبل الغداء راح احنه بدينه نسوي غداء وكلها تشتغل بالمطبخ بنات عمي وزوجات عمامي وامي واني اتكفلت الزلايط اني والبنات وقسم الخضرة وتقسم الشغل علينه كملنه طبخ كاعد نصب طب اميري صبينه وكملنه واتغدوا ودينالهم جاي وكعدنه ندردش اني والبنات كلش حبابات
امير :يله ياجماعة خل نروح نزور علمود باليل نطلع للبصرة
عمام امير وابوامير :يله بلغو الاهل خل يجهزون
امير :عمي خبر الاهل يرحون ويانه
ابو علي :ان شاء الله هسه راح اشوفهم من رخصتكم كمت صحت ام علي كتله راح يرحون للزيارة ترحون كالت
ام علي : والله مااكدر اعوف البيت هوسة ويترادلة تعزيل خل بس براء تروح وي البنات
ابو علي :صحت براء راح يرحون عمامج للزيارة ترحين
براء :اي بابة اروح وي البنات صالي هواي مرايحة
ابو علي :يله تحضري راح يطلعون
براء :صار بس خمس دقائق رحت ع سريع لبست بنطرون وبدي وفوكاة بشت واخذت وياي عباية طلعت لكيتهم كلهم طالعين ومنتضريني صاحلي امير اصعد بسيارته رحت صعدت وانطلقنه
امير :بلغت الاهل انو نروح للزيارة علمود بليل نطلع للبصرة تجهزو وعمي كال بس براء تروح وي البنات كتله تدلل بامانتي براء
ابو علي :تسلم بوية هاي عزيزتي دربالك عليها
امير :بعيوني طلعنه وانتضرنه براء اجت لابسة بشت وحجاب عاكس ع لون بشرتها مطلعها بيضة وجايبه وياها عباية كاضتها بيدها صحتلها تصعد وياي اجت صعدت وانطلقنه رحنه زرنه واتعشينه بالمطعم واخذنه عشة للبقو بالبيت وخابرت عمي كتله لاتسون عشة اني جبت وياي كال ليش زحمت نفسك كتله لاابد مابيها زحمه رجعنه للبيت وانطيتهم العشة وبلغت الاهل يحضرون غراضهم شوي ونطلع
براء :وصلنه للزيارة زرنه وطلعنه نتعشة بحبايبنا وامير اخذ عشه لاهلي لان بقو بالبيت مااجو رجعنه للبيت وامير كل لاهله يجهزون نفسهم يطلعون بليل للبصرة اني ضجت تعودت عليهم صعدت فوك وراء شوي اندك الباب كلت اتفضل دخل اميري
امير :من خبرت الاهل يجهزون نفسهم حسيتها ضاجت وصعدت صعدت وراها بشوي ودكيت باب غرفته كالت تفضل دخلت كتله اجيت اودعج خاف ماتودعيني نفس ذاك اليوم
براء :ابتسمت تذكرت من شردت وما ودعتهم كتله لا جان اني نزلت ليش تعبت روحك
امير :ابتسمت وكالت ☝️كتلها تعبج راحه حبي صدك نسيت اكلج حاجيت ابوج وكال اسئلها واردلكم جواب انتي تعرفين جوابج موو حبيبتي😉وغمزتلها هي خجلت انوب كالت اريد اكمل دراستي كتله ابوي اتكفل انو تكملين نقلج للبصرة وتكملين وهذا وعد مستحيل اخليج تركين دراستج اوكي
