يوميـات سومـا المسمومه❤

فقـرهہ خرآفآت زمـآن 🙊

لو لقيت عليهہآ تفآعل ننشـر ديمـآ في آلليل هہگي

طـبعآ مـنقول مـن قروب ليبيآ نرتقي لنرتقي في آلفآيبر

خرافتنا الليلة

الليلة الخرافة من الترات الطرابلسي القديم

تحكي علي مرا  اسمها دبيره واخده ولد عمها اسمه ادبير
وادبير كان راجل درويش علي نياته ديمه شاد تركينته ولاحركة لامركة وكان قالتله برا  اخدم يقوللها كان ربي بيرزقني يرزقني حتي واني مقعمز تنقرز عليه دبيره وتأخذ فراشيتها وسباطها وتلود وادبر علي راسها باش تجيب حاجة للحوش باش يأكلوها   وكان جارهم يهودي يقيدلها في حالها وحوالها ويسأل فيها وين طالعه وعلاش وخيره راجلك مش هوا اللي يخدم كانت تقوله هوا ما يقدرش ومستاجع شوية

اهو نهار من النهارات ضاقت بيها لحضيره وقَعَدت تنقرز عليه قالت كل يوم نجيبلك شن تاكل وتشرب وانت لاعمرك سألت  منين تجيبي فيه هوا  حتي جارنا ليهودي يسأل
رد عليها
(  خفك وسباطك وبري لودي وكان كلمتك انضلا  أيهودي )
خدت فراشيتها وطلعت ادور في لقمة يأكلوها
وهذاكا اليوم ياناري مالقيت مادبر لافي من بيغسل حويجات لا من يضم احويشه   ولامن حن عليها أعطاها حاجه خدت روحها  وتبي تروح جت لخرابه ورا حوشها لقت فيها كناسة حاشاكم قعدت مسيكينة تبربش فيها بالك تلقي حاجه تروح بيها وهي ادور لقت  جره في لكناسة مردومه شافتها لقتها معبية ليرات ذهب خدت كمشة ليرات وغطتها بالقش وروحت للحوش وهي في طريق خطمت باعت ليره وشرت ماكتب الله وهي مروحا لقاها جارها ليهودي من وين هذا كله قالت  (ربي ما يخلي حد )

ومن عادة ليهودي اتصنيت علي لحياش ووبالمخصوص جيرانه منين جوهم  هالخيرات
خشت دبيره لدبير وقتله نوض ياراجل حطت له كلي ولا سألها منين هالخيرات لاشي قالتله لاسألت لاقولت منين هذا كله قاللها ربي العاطي مش انتي طلعت الليرات  وحطتهم في حجرة وقالتله هذو اليوم لقيتهم في الخربه اللي ورا حوشنا ونوض معاي نجيب الباقيات قاللها كانا ربي بيرزقنا  توا تجي تتكركب بين رجليا مشت تضم في حوستها وتبي تطلع تجيب الجره

اهو الجار ليهودي يسمع فيهم امشي خوذ روحك جري وبره للخربه وطلع الجره وفتحها لقاها كلها قش قال يابنت الكلب تضحكي عليا خوذ هذيكا الجره وطقطق لحوش جارك واحذفها من فوق الحيط تتكسر هذيكا الجره ويتشرتعوا ليرات الذهب بين رجلين دبير

شبح لدبيره قاللها مش قلتلك كان ربي بيرزقنا توا يجيبهالي بين رجليا

اااي والله الرزق علي ربي هو الرزاق ربي يعطيك ويرضيكم ويصب الخير عليكم

وهذه خرافتنا الليلة ان شااء الله عجبتكم

منقول