يوميـات سومـا المسمومه❤

❤❤

… ..*********طريق السلامه كان صوبي خنته
غابو علي اعزاز (يابال انت )
يااااما صار…
وياما تلوع خاطري بالنار ،،،
وياما معايا عاكسن لاقدار ،،،
وياما عزيز وفالتراب دفنته،،،
وياما اجروح ورافقنى اكثار،،،
وياما رفيق خان ني ماهنته،،،
وكمين صاحب بان في المشوار،،
ناسيه من (عقلي) خلاص ركنته،،
نآكنت نعرفك كيف البحر غدار ،،،
موجك العالي ما نهار ضمنته ،،،
ارحل امسامح ما تجيب اعذار،،
وبيع الغلا كان الرحيل اعلنته ،،،
موش غير صوبك ذقت منه مرار،،
نا المر فيا عاش نين ادمنته ،،،
يابال انت ..طريق السلامه كآن صوبي خنته……من مدة كبدي منفزعة… عدا كل عزيز بقرعة…
كل عزيز خذا ما سدا…من كبدي يا عين وعدا… .
كملتي يا كبدي تقسيم ..ولي بين ايديه ظلمها…
كبدي ذابت يا غيابي ..ماعد جبتوا شور إحسابي…
كماتي يا كبدي تنهيش ..لي مو واخذ قال إمنيش…
كبدي يالغوالي ذابت… منكم والقسمية غابت…
كملتي يا كبدي تشريك… لي ما جاتك تو أتجيك…
كملتي يا كبدي تشريح ..علي  كانون امقابل ريح…
قاسي يا مرهون عليها… بين إيديك تقلب فيها…
أيقلب في كبدي تقليب… قديم وحظي فيه عطيب…
كانون المرهون تقاوة.. والكبد تقول علي طاوة…
قولو عالكبد الله دايم… راحت بين ايدين قسايم…
هك وهك قديم قلبها… كبدي عالنار وسيبها…
كبدي ما طيبها والي… قسمت بين ايدين غولي…
إرطبهن يا مرهون ايديك ....كل جوفي منك تشريك…
أتشرك يا غالي وأتزيد… بعد الكبيدة ويش أتريد…
علي كبدي من غير خصيم… خذيت الغاية يالقديم ..
لي هاذا ينتش بيديه.. الكبد إتقول إتعز عليه…
عليها داشع يالقديم ..الكبد ومسع جاك خصيم…
يا ناتش كبدي خليها ..فيه عرب قرعتهم فيها…
كملتي ي كبدي تشريك ..لي له قرعة تو أيجيك…
كبدي يالولاف أخذوها ..وين اتحطوها حطوها…
حزت يا عين السهرايا ..كبد وشالوها الغنايا…
لي ما عندا شي واشون ..أيزكي كبدة عالمرهون…
عليكم يالولاف أشوي ..خديتوا كبدي ولي لي ..
قسمتوها قسمة وارث.. اتقول الا جرة محراث…
وين عليه اكبيدة درنا… رد عزيز كسر خاطرنا  ..
كل عزيز خذا ما سدا… من كبدي يا عين وعدا… .