يوميـات سومـا المسمومه❤

هاي عليكم 😂

منقووولة روحت امي من العرس
وقعمزت في الصالون وانا وخواتي نسألوا فيها على العروسة 👰..
بعد شوية غمزتني😉 امي
ومشت قدامي لدارنا☺
ونادت عليا وقالتلي تعالي نبيك شوي 🤫
انا تحشمت وخشيت بعضي🙈
قلت اكيد وحدة في العرس🎊 هدرزت معاها عليا 💭
الله اعلم هذه جارتنا ام محمد 
ما فيش غيرها👵🏻
كل ما نمشي لمكان 👣ونشوف فيها  👀
ما ترفعش في عيونها من عليا   😌
وشن فيه ولدها والله محترم 🧑🏻
صح مش مكمل قرايته📚  بس و الله شغيل💪👨🏻‍🔧
حتى لو مادياته على قده ..شنو يعني💁🏻‍♀
وكان باني فوق حوشهم ..🏡
عادي هلبة اللي هكي و عايشين
يا بنت م تتشرطيش 💸💷💶هلبة
المهم تتهني معاه وتنستري
وحطيت في راسي قائمة المعازيم 👩‍👩‍👧‍👦👩‍👩‍👦‍👦👩‍👩‍👧‍👧
وموديل الفيلو والذهب 💍💎
والمهر 💸💷والكسوة 👸
ومن توا بنسافر ل المانيا ✈🇩🇪
من زمان خاطري نمشي ل المانيا🇩🇪
وخطروا عليا بوي وامي وخوتي وخواتي 😢😢
كيف هكي الدنيا💔 .. يا ربي ما اصعبها
الله يعينني عالطلعة من حوش اهلي  😢
دخلت للدار وقلبي يدق بسرعة 200 💓
وعيوني في الارض ..😌
وقلت لامي : ان شاءالله خير شنو في ؟ 😳😳😳
ابتسمتلي ☺ودخلت يدها الشنطة👜 وطلعت منها كلينكس فيه طرف بقلاوة مفتفتة 🍫
وقالتلي: كوليها هنايا بسرعة🤦🏻‍♀ وبعدين اطلعي .. ردي بالك توريها لأخواتك😂😅😂😂🤣

😂😂💔