على خاطر العزيزات الفاتحات من فيس لايت قسمت الفصل الاخير لجزئين
#الحب_والغفران
الفصل العشرين والاخير
**************
بعض التفاصيل كتبت في هذا الفصل بسبب شهر اكتوبر الشهر الوردي شهر التوعية عن سرطان الثدي
لكل من اصيبت به وفارقت الحياة رحمك الله ولكل من قاومت وتتعالج منه تحية لكي واكمل الله شفائك ولكل امراءة سليمة حفظك الله منه
*************
خوذ الغلا كله معاك ادلل
واملك احساس القلب فيه اسلل
خوذ الغلا ماتشاور
واسكن كنيني وحل فيه محاور
وابدا هجومك فالغلا ماتناور
مسلم الخاطر وباسمك يهلل
...............
حسام .. به ... انتي امبارح قلتي تعامل معاي كاني ابيض واستغربت كلمتك لكن قلت اكيد تقصدي حاجة ثانية ونا يتهيالي لكن اللي صار وزاد في استغرابي لما كنا ............ فعلا كنتي ابيض حسيت بيك ولاتعرفي حاجة ولامريتي بحاجة زي هذي وانتي كنتي متزوجة سنين مش حتى شهور وحتى طلاقك كيف مكملة سنة وتقريبا السنة مش واجد بيش تنسيك حاجات كيف هذين
انا .. تعرف سؤالك هضا هو نفس الموضوع اللي بنحكيه لك
حسام .. احكي يا زهرة ايش ماكان اللي بتقوليه مستعد نتقبله منك بس نفهم
انا.. مشكلتي الحالية اني قاعدة نحط في مقارنة بينك وبين طليقي ومايمشيش عقلك بعيد فرق بين السما والارض انا معاك حسيت كاني فعلا تزوجت حاجات عمري ماحسيت بيهن اهتمامك برغبتي وان هذي توجعني او لا وسؤالك تطمن عليا وهمسك ليا بكلمات غزل ترفع من انوثتي وثقتي بنفسي هذين حاجات مامريتش بيهن انا كانن الامور بيني وبينه خوف بالمعنى الحقيقي للخوف نخاف اندير حاجة ماتعجباش يضربني فكنت زي الدمية بين ايديه في الامور هذين زي مايبي اندير وخلاص حتى تو لما بستني ونا مازلت ماغسلت وجهي ودرنا ....... هذا كله انا مامريتش بيه قبل وانت عاد افهم
حسام مع انه اضايق من المقارنة الا انه سكت عشان كانت في صالحه .. نصي خلاص معاش تتفكري شئ ومعاش تشغلي عقلك بغيري نا فاهمة ومعاي عمرك ماتخافي قولي اللي تبيه وتحسي بيه
انا .. حاضر
حسام .. حاضر شنو
انا.. يا حبيبي ... هيا نوضو ندوشو ونصلو اول مرة الفجر مانصليشي من سنين
حسام .. واخر مرة ان شاءالله
ونضنا كل واحد دوش في حمام وصلينا مع بعض ونا كنت لابسة قفطان قطني احمر قصير عريان لفوق الركبة بنبين حنتي عاد اللي صبغت وتما لونها يهبل تقول مرسومة رسم والقفطان مخصر وواسع شوي من تحت وشعري مطلوق زي العادة لان حسام قالي مانبيش نشوفه ملموم بكل وجهزت الفطور وفطرت نا وياه
انا.. حبيبي قولي ليش معبي الثلاجة شوكلا دارك بس
حسام .. عشان انواع الشوكلا الثانيات مافيهنش اي فائدة لكن الدارك فيها مواد مؤكسدة وتساعد على تحسين المزاج وتنشط خلايا الجسم وتقي من مرض الزهايمر والخرف المبكر وتخيلي انتي قطعة شوكلا دارك مع حبة فروالة تنشط الهرمون المسؤل عن السعادة ومعاها تساعد على خفض الكريسترول في الجسم طبعا هذي مش شورك
انا.. هذين كلهن فوائد في الشوكلا
حسام ..مش اي شوكلا الشوكلا الدارك اللي اقل حاجة نسبة الكاكاو تكون فيها 75% وطالع
انا.. بس طعمتها مرة
حسام .. جبت ليك انواع بالفواكه المجففة والمكسرات يعدلن شوي من طعمتها لكن ماتاخذيش منها الا قطعة صغيرة بس مش تاكلي الطرف كامل
انا .. عليش
حسام .. عشان الطرف وزنه 100 جرام يعني 600 سعرة حرارية تقريبا فشوفي انتي مع وكالك المنتظم كيف وزنك بيكون بعد اسبوعين بس
انا بضحكة .. حبيبي انت دكتور اورام والله تغذية
حسام بضحكة .. على شانك ننقلب دكتور كل حاجة
انا بحب .. تسلم يارب
