سجاد يصحو من نومه يرى زوجته ملك تنظر اليه وتبتسم قائله : صباح الخير اشكم
سجاد : صباح الخيرات جانم ، شكو تباوعين عليه من الصبح متكولين ملاك نائم على السرير
زوجته : اي هو لان ملاك نائم على سرير دباوع عليك ياملاكي ( تقبله من خده وتضع راسها على صدره )
سجاد : اليوم جهزي روحج عازمج على عشاء رومانسي
زوجته : وشنو مناسبه العشاء الرومانسي
سجاد : بمناسبه اول لقاء النا او بلاحرى اول عمليه انقاذ مختطفه من قبلي
زوجته ( تضحك ) قائله : يعني لو خطفوني مره ثانيه تجي تنقذني
سجاد : اول مره جنت ضعيف وماعندي ظهر ونقذتج فما بالج واني عندي كل هل قوه احرك الاخضر واليابس علمود بس عيونج اما بقيه جسدك الطاهر اعلن حرب عالميه ثالثه
زوجته ( بدلع ) قائله : ايييييييي فدوه لحبيبي هتلر النازي
( بيت اب ازل )
امجد يصعد على السرير ليوقض والدته قائلا : ماما ماما
ازل تتقلب في فراشها ثم تفتح عيناها المحمره من شده النعاس بسبب نومها اللقليل في الليله الماضية قائله : ها حبيبي
امجد : جوعان
ازل : هسه اكوم اسويلك اكل
تنهض من سريرها وتقوم بمسك يد ابنها وتنزل الى الاسفل ترى والدها جالس مع زوجها احمد يذهب اليه امجد مسرعا قائلا : بابا حبيبي
يقوم احمد بحضن ابنه وتقبيله ثم ينظر الى ازل قائلا : ماكو صباح الخير حبيبي
ازل ( متعصبه ) : اني مو كتلك اذا تريد اشوف ابنك شوفه بعيد عني
اب ازل : بنتي لا تحجين هيج كدام الطفل كعدي وخلي نتفاهم والشي الي انكسر يصلح
ازل : بابا ماكو شي انكسر اني مليت من هلعيشه اذا تحبني صدك خليني اهنا مااريد ارجع للسجن الي جنت عايشه بي
احمد : سجن ؟ اشو كلشي موفرلج ليش سجن وشغل دتشتغلين وياي بشركه
ازل : اهااا بس لا عبالك اني مااطلع يعني مسجون لا اني سجني يختلف سجني انو زوجي وابو ابني وابو بيتي مختفي من البيت ومااشوفه بس بوقت الشغل وهم مرات مشغول ومسافر لو يكضي سهرات خاصه وي بنات الليل
اب ازل : بنتي اهدئي روحي صعدي لغرفتج ارتاحي اعصابج تعبانه بعدهي
ازل : لا مابيه شي بس مااريد اشوف وجه هلانسان كدامي صبرت عليه هواي ولصبر حدود
احمد : اوك ممكن اخذ ابني بما ان اليوم عطله اودي عد امي تريد اتشوفه وجنت اتمنى تجين وياي هم
ازل : اخذه وخلي ياكل جوعان وسلملي على مرت عمي عود ، تعال ماما خلي اغير ملابسك
تاخذ ابنها وتصعد الى غرفتها
اب ازل : اسمع احمد بمجرد متكول ازل بابا اريد اطلك راح اوكف وياها واخليها تطلك ارجع مثل احمد القديم وديربالك على بنتي وحفيدي والا قسما بالله العلي العظيم اخليك تندم على الساعة الي اجيت بيها للدنيا
احمد : حاضر عمي
اب ازل : وبس ترجع من اهلك اتصل بيه عندي مشوار وياك
احمد : ان شاءالله عمي
( مصنع المواد الكيميائية )
بعد ان تم شراءه في المزاد تسلمه شاكر و اصبح المدير يساعده منير اخ زوجه سجاد
منير ( يشير الى المكائن ) قائلا : هذني الالات جبتهن وكذلك المواد الصناعية وشوفني شطارتك
شاكر : شكرا على المساعدة ان شاءالله اكون عد حسن ضنكم بيه وثقتكم بيه
في هذه الاثناء يدخل اب ازل واحمد الى المصنع
اب ازل : السلام عليكم شباب
منير : وعليكم السلام ، اتفضل حجي
اب ازل : منو مدير المصنع
شاكر : اني ، اتفضل امر خدمه ، لحظه انته مو رجل الاعمال الي التقيتك بالمزاد ( يخاطب احمد )
احمد : نعم اني
شاكر : تفضلوا بيمن اخدمكم
اب ازل : مااعتقد الحديث يكون واحنه واقفين مو صحيح
شاكر : العفو حجي بس مثل متشوف المكان هوسه ومكائن اتفضلوا اتفضلوا للمكتب
يدخلون الى المكتب
شاكر : عذرا مااكدر اضيفكم بشي لان مثل ماشفت بعدنه كلشي ممشتغلين
اب ازل : لا لا ميحتاج اني جاي بموضوع يفيدك ويفيدنه ، بس ماتعرفنه بالاخ الي كاعد يمك ( يقصد منير )
شاكر : منير مساعد مالتي ومسؤول عن العمال والانتاج
اب ازل : اهلا وسهلا استاذ تشرفنا
منير : بيك اكثر شكرا
شاكر : اي حجي تفضل شنو موضوعك
اب ازل : اني صاحب شركه الازل ليستيراد المواد الكهربائية وهذا زوج بتي احمد ايضا صاحب شركه لتجاره الملابس حبينه نقدم عرض شراكه وياكم وندعمكم ماليا وتقنيا وبااحدث الالات
شاكر : الصراحة هو عرض مغري ومحتاجين شريك بهلفتره يساهم وويانه بلانتاج وكذلك يروج للبضاعتنه المصنعه ، شتكول استاذ منير ؟
منير: مثل متفضلت استاذ شاكر خطوه جيده واحنه باانفسنه كنا ندور على شريك بسبب نقص الخبره وكذلك قله الدعم المالي للانتاج
اب ازل : اذا متفقين نقرا الفاتحة
شاكر : الاتفاق اناجله حاليا مابين نكمل تجهيزاتنه وكذلك العاملين وان شاءالله نتواصل وياكم
اب ازل ينهض ويمد يده ويصافح شاكر قائلا : بالتوفيق
بعد خروجهما احمد يتحدث مع اب ازل داخل السيارة قائلاً : اشلون شفته
اب ازل : اكو واحد بظهره وديستند عليه
احمد : يعني مو هو الي اشترى المصنع
اب ازل : لا مو هو
احمد : زين عمي ليش سوا هيج
اب ازل : من تصير الشركه بينهم راح تعرف السبب او احتمال يظهر الشخص الي ورا
( بيت سجاد )
منير : ادري على اخر عمري مكعدين مربي للاطفال وانتوا تسرحون تمرحون
سجاد : والله انته كاعد وي بت اختك مالي علاقة وبعدين يااخي ازوج دشوف شلون مخلوق الله انطاني باع الخدود كيمر والشفايف حبه كرز
منير : تعاي خالو يمي ( ينادي على رهف )
تجلس بجانبه رهف
منير : بجي مااريد وحجي هواي هم مااريد واذا تردين اسوين بببي سوي وحدج لاتكولين تعال وياي مااروح افتهمتي
رهف : اصلا اني ذني كلهن مااسويهن وبببي اسوي وحدي مو صغيره اني
ملك ( زوجه سجاد ) : ماما صيري عاقله ولتضوجين خالج وبالعشره تنامين وتطفين الايباد افتهمتي
رهف : حاضر ماما
سجاد : يالله وين بوساتنه
تقوم رهف بتقبيلهم ويغادرون اللبيت متوجهين الى عشاءهم الرومانسي
( بيت اب ازل )
احمد يمسك بورده حمراء ويقدمها الى ازل وهي جالسه قائلا : ممكن تسامحيني
ازل ( تنظر اليه بغضب ) : لا وكتلك لتجي تشوفني
احمد : ازل اوعدج اتغير وارجع مثل قبل واحسن اني داامر بظرف صعب كلش ومحتاجج وياي
ازل : وهسه يالله احتاجيتني اشو ظروفك الصعبة كلها جنت تحلها برا البيت شمعنى هسه
احمد : حبيبتي اني ندمان والله ( يركع على ركبتيه ويمسك بيدها وينظر الى عينياها وهو مغرق بدموع ) رجعيلي محتاجج والله احبج وبعد مااكررها ابد
ازل تعطف عليه وتتاثر بدموع احمد قائلا : خلص كوم بس وعدتني تتغير وترجع مثل قبل
احمد : خلص وعدتج وهسه يالله كومي بدلي خلي نطلع عازمج على عشه صلح
ازل : اوك اكوم احضر نفسي
( في المطعم )
يجلس سجاد مع زوجته مع شمعه مشتعله تتوسط المائده
سجاد : هاي شمعه حبنه الابدي يارب ادومين الي سند ودعم طوال حياتي
زوجته : يااعمري وانته ادوملي على طول يااحلى زوج وارق انسان بالدنيا ( يقوم بمسك يدها وتقبيلها )
سجاد : تدرين هذا المطعم اول مطعم ادخل بي اني وامي الله يرحمه جانت رافضه تدخل اله
زوجته : ليش حبيبي
سجاد : بوكته جنت استوني مستلم راتبي بالشغل فااول مره عزمته ولحد الان اذكر من كلتلي ( يمه شكو ناكل بمطعم امبين اكله غالي خلي ناكل فلافل ) اني كتله لا يمه حتى لو غالي المهم انطبله لان هاي اول طلعه النه بمطعم كاام وابنها
زوجته : الله يرحمها كاعد اتخليني اتندم لان ماشفتها ولا تعرفت عليها من كثر ماتحجيلي عنها
سجاد : صحيح لا اني ولا انتي نكدرنشوفها بس هي تكدر ودائما تجيني بالحلم وراضيه عليه والحمدلله
زوجته : الحمدلله حبيبي
ياتي النادل وينزل لهم العشاء وفي هذه الأثناء تدخل ازل مع زوجها احمد في نفس المطعم وتجلس مقابل سجاد لم ينتبهان على بعضهما
احمد : وهاي اجينه للمطعم من اختيارج
ازل : اي لان بي ذكرى هذا المطعم
احمد : وشنو هاي الذكرى حبيبي
ازل : اول مره التقي بصديقاتي اهنا واعوفهن واطلع بلا مااكل يعني رزلتهن
احمد ( ضاحكا) : ليش شنو السبب ؟
ازل : جان اكو ولد هو وامه كاعدين مقابيلهم ومبينين فقره وجيت لكيتهن يصنفن ويضحكن عليهم اني متحملت وانفجرت بوجوهن
احمد : فديت قلبج الابيض ابو الإنسانية
ازل : شكرا حبيبي
ياتي النادل ليقدم لهم مانيو الاطعمة فبالخطأ ينسكب كاس الماء على ازل ليستفيض غضبا زوجها من النادل قائلا : ادري مشوف اعمى
ازل : اهدء حبيبي مصار شي من العالم والولد خطية
هذا الامر الذي جعل سجاد ينظر الى امامه ليرى ازل تجلس امامه وزوجته تلتفت الى الوراء ولكن ازل تحاول تهدئت زوجها دون ان تنتبه لوجود سجاد
ازل : خلص ماصار شي اهدئ حبيبي هو مي
احمد : مو بلل ملابسج ياحبيبتي
ازل : عادي حبيبي هي ملابس اهدئ ( تقوم بمسك يده )
ياتي مدير المطعم قائلا : اسفين على الازعاج استاذ
ازل : لا مصار شي واتمنى منك متعاقب الولد ماله ذتب خطيه مو صحيح ابو امجد
احمد : صحيح واسف على انفعالي
مدير المطعم : شكرا استاذ
زوجه سجاد : حبيبي شبيك صافن عليهم
سجاد : هااا لا حبيبي ماكو شي بس اكول خطيه الولد خاف ينطرد من ورا كلاص مي وكع
زوجته : عادي جيبه شغله بشركه
سجاد ( يضحك ) : لعد اكوم اشوف شكو
ينهض من مكانه ويمر من جانب ازل وينظر اليها محاولا لفت نظرها فيحصل على مراده فقد نضرت اليه وبعد مروره من جنبها التفت نحوه
( لا لم تلتفت نحو هي بل ذاك القلب الذي بقى متعلقا طوال تلك السنين )
احمد : شبيج حبيبتي التفتي هيج خيرج
ازل : هاا لا حبيبي ماكو شي بس كلت خاف المدير يسوي شي للنادل خلي اكوم اشوفه
احمد : اوك لعد خلي اجي وياج
ازل : لا حبيبي انته اكعد بس لروح اشوف شكله وارجع مااتاخر
سجاد يتحدث مع النادل قائلا : يعني اكيد مراح يبطلك من الشغل
النادل : لا استاذ بس كلي انتبه وبعد لاتعيدها بس والله موقصدي
سجاد : خلص عزيزي روح على شغلك واي شي تحتاج انطيتك رقمي بس اتصل عليه واني بخدمتك
النادل : شكرا استاذ
في هذه الأثناء تاتي ازل وتنظر الى عينيي سجاد وتمر من جانبه
سجاد : مراح يبطله بس انطى توبيخ
ازل اقف في مكانها وتلتفت نحو سجاد قائلة : وشمدريك رايحه للمدير
سجاد : نفس السبب الي خلاني اروح للمدير
يقفان كتمثالان منحوتان واحد امام الثاني فقط يتحدثون بلغه العيون بعيدا عن كلام السان الزائف والكاذب العيون محمره لما لديها من اشواق ولهفه ودقات القلب تتسارع حتى انقطعت هذه اللحظات التي عباره عن ثواني لكنها تعتبر سنين وربما قرون للمعذبين في الحب من خلال قدوم زوجه سجاد
زوجته : حبيبي شو تأخرت ؟
نهاية البارت الثالث
