يقفان كتمثالان منحوتان واحد امام الثاني فقط يتحدثون بلغه العيون بعيدا عن كلام السان الزائف والكاذب العيون محمره لما لديها من اشواق ولهفه ودقات القلب تتسارع حتى انقطعت هذه اللحظات التي عباره عن ثواني لكنها تعتبر سنين وربما قرون للمعذبين في الحب من خلال قدوم زوجه سجاد
زوجته : حبيبي شو تأخرت ؟
سجاد يتقدم نحو زوجته ويمسك يدها قائلا : لا حبيبتي ماكو شي حجيت والمدير وما راح يبطله من الشغل وكلت للاخت لان همات جايه لنفس السبب
زوجته : اوك حبيبي يالله نرجع نكمل عشانه
ازل تبقى واقفا ومندهشه من كلام سجاد ووصفها بلاخت وكانه لا يعرفها ولم يقدم زوجته لها تعود من جديد وتجلس بجانب زوجها احمد
احمد : ها حبيبتي صار وياج
ازل : ماراح يبطله اكتفى بالتوبيخ والولد اعتذر مني
سجاد ينظر الى ازل وهو جالس مع زوجته فيقوم بإغاظتها من خلال مسك يد زوجته ازل تنظر اليه فتبادر هي الاخرى بمسك يد زوجها فقد بدات حرب المشاعر والغيره بينهم
ازل تقوم بتطعيم زوجها بيدها ، سجاد يبادر بالمثل ايضا يقوم بتطعيم زوجته بيده
زوجه سجاد تبادر ايضا وتطعم سجاد بيدها
ازل تنظر الى زوجها قائله : حبيبي متوكلين بيدك
زوجها : وهاي احلى لقمه لحلكج
يبقيان على هذا المنوال حتى يجذبان اهتمام زوجهما
احمد ( زوج ازل ) : حبيبي شبيج شو تتصرفين تصرف اول مره تصرفين هيج
ازل : غير زوجي وحبيبي وتدلعك يعني ابطل تريد
احمد : لا يااعمري بس منا العالم يعني فشله وديباوعون علينه
ازل : حاضر حبيبي راح اقاوم شاعريتي اتجاهك
احمد : فديت الشاعرية الي عندج
ملك ( زوجه سجاد ) : حبيبي كافي والله دااخجل وعركت واحتريت
سجاد ( ضاحكا ) : تدرين بيه اني احب استغل هيج مواقف
زوجته : كافي فدوه مو حتى شبعت مو من الاكل من الخجل
سجاد : اكله لخجلج اكله
ينهيان الطعام وعند المغادره كلاهما ينظر الى الاخر سجاد ينظر الى ازل وازل تنظرالى سجاد
( بيت اب ازل )
اب ازل يجلس مع رجل ما في البيت يتحدثان
اب ازل : فحصتلي الرقم
الرجل : اي باشا ومااطلع منا اي شي لان رقم غير مسجل بشركه
اب ازل : ومكان الاتصال
الرجل : باشا مكان الاتصال يم بيت بنتك
اب ازل ينهض من كرسيه قائلا : اشلوووون ؟
الرجل : اي باشا بالقرب من بيت بنتك والمكالمه استمرت ١٢ ثانيه
اب ازل : اسمع تخلي حرس داير مداير بيت بنتي بس لاتخليها تحس على شي واني راح احاجي زوجها يركب كاميرات مراقبه
الرجل : حاضر باشا ، تؤمرني بشي بعد
اب ازل : لا
يرن هاتف اب ازل ويرد ....
صوت مراه في الهاتف قائلة : اكيد بديت ادور عليه صح
اب ازل : انتي منو واني شنو سويتلج
المراة : من نلتقي راح اكلك شسويتلي ولاتحاول ادور على رقم هذا لان اني قريبه على بيتك واتصلت (تغلق الهاتف)
اب ازل ينظر من الشباك ويرى سياره سوداء تتحرك كن جانب بيته ثم يصرخ قائلا : حرس حرس
ياتي رئيس الحرس : نعم باشا
اب ازل : اتحركوا بسرعه اكو سياره سوده جانت تراقب البيت بسرعه لحكو وراهم
( في شركة سجاد )
ياتي منير وشاكر يدخلان على سجاد في مكتبه
سجاد : هله بالعصابه اتفضلوا
منير : سويتنه عصابه رحمه الله والديك
سجاد : اي شنو الموضوع المهم
شاكر : استاذ اجوا اثنين رجال اعمال واحد كبير واحد شاب لوعرفت عليه بالمزاد
سجاد : لحظه ، ( يرفع الهاتف ويطلب بقدوم شذى )
تدخل شذى الى المكتب قائلا : اتفضل استاذ
سجاد : صوره الرجال ابي انطجياها عدج
شذى : اي استاذ بجهازي
سجاد : راويها لشاكر
تتقدم شذى باتجاه شاكر وتريه صوره اب ازل
شاكر : اي استاذ هو هذا الرجال
سجاد : وطلب منك الشراكه مو
شاكر : صحيح استاذ بس شلون عرفت واحنه اجينه نحجي وياك بهذا الموضوع
سجاد : اني متابع بورصة الشركات بالاسواق وذوله من الشركات الي على وجه الافلاس الشاب الي ويا شركت قريبه على الافلاس بس الرجال الكبير بالعمر هذا ميعاني من اي افلاس لان يشتغل اكثر من تجاره وحتى امور ممنوعه ومحرمه بس عده علاقات برجال بدوله ديمشوله شغله
شاكر : يعني منشترك وياهم
سجاد : لا راح ندخل شركه بس مو وي الشاب وي الرجل الكبير
منير : سجاد ترا دخت اني شنو الموضوع فهمنه اذا شغله ممنوع ليش دتدخل ويا
سجاد : من تنجح الشراكة راح تعرفون السبب اما هسه فعذروني ، شذى حددي موعد وي الجماعة والتقي بيهم انتي وشاكر
شذى : حاضر استاذ
( بيت فاديه )
تجلس مع سجاد قائلة : شوكت تنفذ العملية
سجاد : منتظره يوقع على الشراكة يالله انفذ العملية
فادية : يعني عن قريب
سجاد : اي وقريب كلش
فادية : وازل ؟
سجاد : وعدتج مااتقربلها لا هي ولا زوجها واني عند وعدي ، المهم اليوم هم اتصلي بي وهذا خط جديد استخدمي
ازل تقف امام روضه ابنها منتظره خروجه لكن في الحقيقة هي منتظره رؤيه سجاد لكن انتظارها قد خاب بدل ان ياتي سجاد فقد جاءت زوجته ملك ازل تقترب منها قائلة : مساء الخير
ملك : مساء النور ، لحظه انتي بالمطعم جنتي بالمطعم
ازل : اي اني وسبب ازعاج الكم
ملك : لا عادي بس ردت زوجج جانت عنيفة كلش
ازل : لان يحبني وميرضى اي شي يصير بيه ،ماتعرفنه اني ازل ام امجد
ملك : واني ملك ام رهف ، تشرفت بمعرفتج
ازل : شكرا اليه الشرف
رهف وامجد يخرجان من الروضة ماسكا يد بعضهما
ازل : اضاهر ابني وبنتج اصدقاء
ملك : شمدريج هاي بنتي
ازل : هاا مو ذاك اليوم جيت متاخره ولكيت زوجج منتظرني وابني يمه
رهف : ماما ماما حبيبتي ( تحضن والدتها )
تمسك بيد رهف قائلة : يالله اني اترخص وتشرفت بمعرفتج مره ثانيه
ازل : الله معاكي
( بيت اب ازل )
يرن هاتف اب ازل ......
يرد قائلا : نعم
فادية : نهايتك قربت
اب ازل ( متعصبا ) : ولج انتي منو شتردين مني
فاديه : روحك ( تغلق الهاتف )
ابو ازل يرمي بنفسه على الاريكه ويتنفس بصعوبه ثم ينهض وياخذ ادويته
( عقد الشراكة )
شاكر وشذى يجلسان مقابل اب ازل واحمد على طاوله بحضور المحامين بشركه اب ازل
اب ازل : اني موافق على الشراكة مع شركتي بس اني احب اضم شركة زوج بنتي احمد ويانه
شاكر : لكن احنه اتفقنه بس وياك وشركه الاستاذ احمد على وشك الافلاس
اب ازل : اني راح ادعمها بالمقابل راح يسوقون الكم المنتوج
شاكر : اذا انته الي راح تدعم خلص موافق
اب ازل : اذا على بركة الله نوقع على شراكتنة
شاكر : يالله بسم الله
يتم التوقيع على الاوراق ويتصافحا ويتبادلان التهاني والتبريكات
بعد خروجهم اب ازل جالس في السيارة يرن هاتفه ..
اب ازل يرد قائلا : نعم وليد
وليد : باشا لكينه المره الي تتصل عليك وتهددك
اب ازل : وينها
وليد : كاعده بيت وحدها وحاليا دنراقبه منتظريك
اب ازل : دزلي العنوان
بعد الانتهاء من المكالمة سجاد واقف ويضع المسدس في راس وليد الذي يكون رئيس حراس اب ازل
سجاد : شاطر شاطر راح يجي وحده
وليد : اي وحده
سجاد يضرب راس وليد بالمسدس ويفقده الوعي ثم يقوم بالاتصال قائلا : استعدوا راح يجيكم بالطريق اذا وحده خلوا يدخل للمنطقه اما اذا ويا احد خطفوا ( يغلق الهاتف )
اب ازل في سيارته لكن ليس وحده فمعه سيارتين حماية يصل الى المنطقة المتواجد فيها سجاد ورجاله فيعترضون طريق اب ازل من الامام والخلف عن طريق شاحنتان ينزل منها رجال سجاد ليطلقوا النار على حمايه اب ازل
اب ازل ( داخل السيارة ) : هاي شكو اتحرك بسرعة بسرعة
السائق : باشا قاطعين الطريق
يحاول اب ازل الاتصال لكن ياتي احد رجال سجاد يطلق النار على السائق ويااخذ اب ازل
اب ازل ( متوسلا ) : لا لا تكتلني شتريد انطينك بس عوفني
الرجل يمسك اب ازل من رقبته قائلا : امشي اصعد بسيارة بلا حجي
يدخله في السيارة ويضع قطعه قماش على عينيه ويربط يديه
( في مكان ما )
يقف سجاد وفاديه في بنايه مهجوره خالية من البشر
فاديه : تأخروا
سجاد : اتصلت بيهم بطريق
فاديه : واخيرا راح اخذ انتقامي وسنين عمري وقلبي الي احترك منه
يصلون الى المكان ويخرجون اب ازل معصب العينين ومكبل اليدين ويجلسوه على الكرسي
اب ازل : اني وين ، اني وين
سجاد يخرج خارج البناية مع رجاله قائلا : اكو واحد بصندوق السيارة قتلوا لان شاف وجهي ومن اكمل من هذا الي جوا اتصل بيكم تاخذوا وتشمروا يم اقرب مستشفى
الرجل : حاضر استاذ
فاديه تقترب من اب ازل وتهمس في اذنه قائلة : اشلونك ابو ازل مشتاقين
اب ازل : انتي منو وهذا الصوت مو غريب عليه
فاديه : صحيح مو غريب عليك وماكو غريب غيرك يااشيطان ( تصفعه على خده )
تقوم برفع العصابه عن عينيه ثم يراها ويتفاجأ قائلا : فادية هاي انتي
فاديه : اي هاي اني الي سببتلي ضرر بعقلي وقلبي اني الي خدمتك ١٥ سنه وجازيتني بقتل اعز انسان على قلبي واجه اليوم الي راح اخذ بثاره
اب ازل ( خائفا ومرتعبا ) : اوكفي اوكفي اني اسف وراح اعوضج عن كلشي وتدرين شي بنتي ازل ازوجت وصار عدها ولد اسمه امجد متريدين اشوفيها ها
فادية : بنتك الي ضلمتها وخليتها تزوج واحد متحبه والي دتعاني بسبب خيانه زوجها الها ولك حتى بنتك ماخلصت من ضلمك
اب ازل : لا تكولين هيج اني احبها لابنتي واريدلها الخير وماضلمتها والدليل لحد الان تحبني فلا تفجعيها بموتي الله يخليج ابوس رجليج واديج
فاديه : ماتوقعت ردت فعلك راح تصير بهاي الطريقة ذال روحك وتتوسل وتريد تعيش
( الانسان يتمنى الموت عند لحظاته السيئة والحزينة لكن عندما يدركه يخاف ويريد العيش )
فاديه : مراح اقتلك حاليا الا تكول ليش قتلت عادل احجي
اب ازل ( يبكي ) : اني اسف سامحيني
فاديه : وليش ماسامحت عادل من فجرته وخليت وصله وصله ها ليش ( تصرخ )
اب ازل : هددني وراد ياخذج مني لان جنت معتمد عليج بالبيت وبرعاية ازل وماردت ازل تضل بوحدها
فاديه ( تضحك ) : على اساس من دخلتني مستشفى المجانين ضلت وياي مو حتى زيارة منعتها تزورني
اب ازل : جنت خايف تقنعيها اشلون ماتت امها وبتالي تعوفني واضل وحدي
فاديه : هلمره صدك راح اضل وحدك لكن بالقبر وبين الدود ( تخرج سلاحها وتوجهه نحوه )
اب ازل ( يبكي ويتوسل ) : لا الله يخليج خليني اعيش لا تقتليني لخاطر بنتي ازل اذا تحبيها خليني اعيش فاديه
فاديه : اوك لعد شوف المفاجأة الي محضرتها الك
يدخل سجاد الى المكان ويراه اب ازل
اب ازل ( مندهشا ) : سجاد !!!!!
سجاد : لا لا لا لا هاي صاير بيك شنو هلدموع وشنو هل تواسيل الي يشوفك قبل والي يشوفك هسه ميعرفك وين جبروتك
اب ازل : ابني سجاد انته عاقل وخصوصا جنت تحب ازل واني مستعد اطلك ازل من رجلها وازوجلكياها
سجاد : ليش مو جيت قبل لمحلي وهددتني بامي الله يرحمها وخليتني اترك ازل وهسه جاي تساوم حياتك على حياة بنتك ولك شكد نذل وحقير انته وتدعي تحب بنتك بس انته بالحقيقة تحب بس نفسك والي مثلك ما لازم يعيش
اب ازل : لا سجاد لا ارحمني واني اعنذر على اي ضرر سببتلكيا
سجاد : انته مو بس ضرر سببت انته دمرت حياتي وحركت قلبي وروحي وردت انتحر من وراك شيصير لو منطيني لبنتك جان هسه اني صهرك وبنتك سعيده ويايه وعايشين سوا وحوا سكف واحد تذكر من اجيتك قبل ٦سنوات وكتلك راح اخليك تكعد على حصير ماراح اخلي اي شي عندك واليوم بتحديد انته وقعت عقد شراكة وي شركتي ( يخرج العقد ) وهذا العقد يعني نص الشركة راح تكون بااسمي ولمن تموت راح يكون نص الثاني بااسم ازل
اب ازل : لا لا مااصدك هلي اني شسويت يعني اني جنت اكول اكو واحد ورا شاكر بس ماتوقعتك انته
سجاد : لا توقع توقع ومدام عرفت حان وقت موتك
اب ازل : لا لا لا
سجاد وفادية يطلقان النار على اب ازل
فاديه اطلقت طلقتان وحده لحبيبها عادل ووحده لضلم الذي تعرضت له من قبله
اما سجاد فاطلق ثلاثة طلقات وحده لامه وحده للازل وحده لضياع حياته واراد الانتحار من خلالها
( لا بد ان ياتي يوم ويحاسب كل ظالم على افعاله اذ كان حساب من قبل البشر او حساب من قبل الله فبتالي الكل يعاقب عقابين الاول في الدنيا والثاني في الاخره الا الذين تابوا الى الله وتاب الله عليهم لتكن قصه اب ازل عبره لكل ظالم )
نهاية البارت الرابع
