تم فك الشراكة بين شركتي سجاد وازل وكل شخص عاد الى مكانه الطبيعي احمد زوج ازل يجلس مقابل سجاد وينظر اليه بخبث وابتسامة صفراء على وجهه قائلا : ان شاء الله استمتعت ويانه بالشراكة استاذ سجاد
سجاد ( مبتسما ) : اي استمتعت استمتاع ماله مثيل نتلاقى عن قريب اني وياك استاذ احمد
احمد : اي ليش لا نلتقي
ازل : احمد كافي ، شكرا استاذ سجاد على كلشي والله يوفقك بطريقك
سجاد : شكرا ست ازل ، يالله اني اترخص واشوف وجوهكم بخير
( بيت سجاد )
يدخل سجاد الى بيته ويرمي بيده اوراق فك الشراكة على الطاوله امام زوجته ملك
ملك : هاي شنو
سجاد : اقري وانتي تعرفين شنو
تقوم بحملها وتقليب صفحاتها لترى عقد فك الشراكة وتغتمرها فرحه قائله : زين سويت ماجانه من وراهم غير وجع الراس
سجاد : قصدج من وراها وجع الراس
ملك : اي من وراها من اليوم الي ظهرت وانته حتى اهتمامك بيه وبنتك قل ومشاكل يوميه كامت تجينه ولاتنسه من رادو يكتلوك وبنتك وياك
سجاد : بالمناسبة وصلت لذوله الجماعة طلعوا مدفوعين ثمن بس يردون يخوفوني وخبرت الشرطة عليهم واخذوا جزاتهم
ملك : وحريق المخزن
سجاد : تماس كهربائي والله ستر ولطف ماراحت بيها ناس ، اذا خلصتي تحقيقج اروح انام ولحد يكعدني
ملك : روح نام نوم العوافي واحلام سعيده
( في العيادة الطبية )
ازل تتحدث مع دكتورتها الخاصة قائله : اني اريد انزل هذا الطفل ماريده
الدكتوره : حرام اشلون يصير واني مستحيل اسوي هيج عمليه مادام ماعليه خطر بحياتج
ازل : دكتوره اني مامستعده لطفل ثاني بحياتي وماعندي مجال لتربيه اذا متردين شوفيلي وحده على معرفتج
الدكتوره : نفس شي واني الي راح اتحمل ذنبه ، ست ازل انتي انسانه واعيه ومثقفه وماممكن تفكيرين هيج تفكير وانتي من كلامج هذا زوجج ماعده علم مو
ازل : اي ماعنده علم
الدكتوره : وليش ماكتيله شنو المشكلة
ازل : ما كتله لان اني مااريد طفل ثاني حاليا
الدكتوره : وهو ابو يجوز يريده مو بكيفج تصرفين هيج تصرف تكتلين روح بدون سبب
ازل : خلص راح ابقي
الدكتوره : عفيه وخبري زوجج هسه يفرح
ازل : ماشي
تجلس ازل في سيارتها وتتصل بسجاد
سجاد يرد وهو جالس في شركته قائلا : علساس ماكو اتصال ابينه
ازل : اسمعني سجاد مثل ماورطتني اطلعني منها
سجاد : ورطتيش هاي شكو
ازل : الي بطني اريد انزله شوفلي اي جراح ينزليا بسرعه
سجاد : وليش تنزلي ربي وي ابنج شكو بيها اقلها يبقى ذكرى مني
ازل : سجاد لاتحجي ويايه بهيج اسلوب مال شوارع ولا تحاول اذلني حتى ارجعلك رجعه ماارجع اطلع من حياتي عاد كافي
سجاد : مادام رجعه ماكو يعني انتي وحدج مالي دخل بيج ، سلام
ازل : سجاد الو الو ، اسده بوجهي ماشي
( هل تعتقدون يوما يتحول الحب الى عداوة )
سجاد يتصل باحمد زوج ازل
احمد يرد
سجاد : بقه الحساب اني وياك اريد اصفي راح ادزلك العنوان وتعالي حتى نتفاهم
احمد : ادلل واني جايك
سجاد يسحب الدرج وياخذ مسدسه وبضعه مخازن للسلاح
احمد ايضا ياخذ سلاحه ويتصل قائلا : تحضروا راح ادزلك عنوان تعالوا عليه بس اتخفوا ماريد احد يشوفكم
( في بنايه مهجورة )
يقف سجاد مقابل احمد
سجاد : شنو السبب الي خلاك تحاول تقتلني غير السبب الي اني وانته نعرفه
احمد : نفس السبب هذا الي انته من خلاله قتلت عمي ابو ازل
(سجاد في حاله صدمه )
احمد : اي اي لا تستغرب عرفت كلشي وعندي شاهد على هذا شي انته بس اتخيل اذا ازل عرفت بان انته قتلت ابوها شراح يكون رده فعلها تجاهك
سجاد : مااعتقد انته راح تكللها لان لو نيتك تكللها جان كتلها من زمان وماجبتني هنا حتى تكلي تدري ليش
احمد : لان ماراح اصدكني
سجاد : وليش ماراح اصدكك
احمد : لان تحبك ، واني ادري بيها تحبك وابد مانستك يااخي هذا حبكم من شنو مخلوق بحيث لهلدرجه متعلقه بيك ومتمسكه
سجاد : وحبنا القوي اجه واحد مطي وطب بنصه وانتهى
احمد ( ضاحكا ) : اني ازوجتها علمود فلوس ابوها وشركاته وانته صرت من كبار التجار علمودها يعني هدفنه جان واحد بس اني الي انتصرت مرتين عليك بس تريد الصدك اني حبيتها لان هي تنحب بس للاسف ماحبتني وبقت تحبك الك ولازم هذا الحب ينتهي لازم واحد منكم يموت واكيد مو ازل الي تموت
احمد يصرخ قائلا : شبااااب
ياتي ٥ اشخاص مسلحين يحيطون بسجاد من كل جانب
سجاد ينظر اليهم حائرا
احمد : ها نسيت اكلك شغله قبل متموت ترى مو ابو ازل السبب بموت امك ولا هو السبب بموت حبيب فاديه اني السبب اني الي خليته يلتقي بناس ويتفق وياهم في سبيل قتل حبيب فاديه اما الانفجار الي صار بسوك كدام محلك فاني الي دبرته حتى لا تكبر وتساوينه
سجاد صارخا باعلى صوته قائلا : ولك كلب ( ويحاول التهجم عليه )
يمسكه ثلاث اشخاص وهو يحاول الافلات لكن دون جدوى
يقترب احمد من سجاد ويمسك وجهه بيده قائلا : اني اعترف انته ساويتنه وكبرت بس مثل ميكولون خلصت خبزتك بالدنيا ، قتلوا ودزو جثته للمرته وبنته
يقوموا بضربه ليجثوا على ركبتيه ويقوم شخص بتوجيه السلاح نحو راسه حتى تحدث المعجزه
(صوت إطلاق النار )
ياتي حازم ومعه ٨ اشخاص ليقضوا على جماعه احمد سجاد يلحق باحمد بعد هروبه ويطلق عليه النار قائلا : اوكف ولا تتحرك
يقف احمد فيركض سجاد باتجاهه ويضربه مرارا وتكرارا حتى يفيضه وجهه من الدماء
حازم : سجاد عوفه اني اقتله
سجاد : لا محد يقتله غيري ، ولك امي شسوتلك حتى تقتلها ها
احمد : ذنبها لان انته ابنها
سجاد يضربه من جديد
صوت ازل قادم : سجاد اتركه
سجاد ينصدم بقدوم ازل يترك احمد ليسقط على الارض مع دماءه
ازل تركض نحو زوجها احمد لتجلس بجانبه وتنظر إلى سجاد قائله : اتريد تقتله مثل ماقتلت ابويه
سجاد : انتي دريتي ؟
ازل : دريت ماتوقعت انته الي سويتها وتطلع مجرم واني وعدت نفسي الي قتل ابويه اقتل بيدي وموتك على ايدي سجاد
سجاد : انتوا الي حولتوني لشخص قاتل قتلتوا طيبتي ودمرتوا حياتي وابوج ورجلج هم السبب وحتى انتي السبب من زوجتي ونسيتني واخذتي قلبي وياج
ازل : اتزوجت ونسيتك على أساس انته اشتريتني بالبدايه انته الي عفتني اذكرك لو نسيت من اجيتك للبيت بذاك الليل وترجيتك وانتي كتلي لا مااريدج
سجاد : ابوج هو السبب هو الي بعدني عنج وخيرني بين امي وانتي وبتالي اجه زوجج الساقط وقتلها
ازل : شنو ؟
سجاد : اي واذا مصدكين ( يخرج هاتفه من جيبه ) هاج اسمعي جنت اسجل الحجي مالته حتى اسمعلجليا وسمعي ليش ازوجج هم
يقوم بتشغيل التسجيل وازل تنصت اليه وبعد انتهائه تقوم بالبصق على زوجها قائله : انتوا اثنينكم مجرمين ومتستاهلون العيش ولا اني استاهل اعيش وياكم بعد
ثم تغادر يحاول سجاد اللحاق بها
سجاد : ازل انتظري ازل
ازل : سجاد روح عني ولا تجي ورايه روح كمل شغلك واخذ بثارك منه مثل مااخذت ثارك من ابويه روح
سجاد يعطي سلاحه للازل قائلا : هاج اخذي المسدس وكتليني واخذي بثار ابوج مني
ازل : ثار ابويه هو عذاب ضميرك ازل من هاي اللحظة ماموجوده بحياتك ولا بحياه ذاك الحيوان الي بالكع
تصعد سيارتها وتقوم بغلقها وسجاد يركض وراها ويدق على الباب والنافذه قائلا : ازل بس سمعيني ازل مااكدر اعيش من غيرج ازل
الا انها تغادر وعينيها غارقه بالدموع
يعود سجاد الى مكان وجود احمد يقوم بضربه مره اخرى قائلا : كل بسببك كل بسببك
احمد (يضحك) قائلا : وهاي خسرت ازل للابد
حازم : استاذ انقتله
سجاد : لا بعد ميفيد كل شي انتهى تركوا يروح ونظفوا المكان
ينهض احمد من مكانه قائلا : شاطر ( ويضحك ) باستهزاء
يتقدم نحوه سجاد ليضربه براسه على انفه ويسقط على الارض من جديد
ويغادر سجاد المكان
ازل في سيارتها تبكي وتقود بسرعه كبيره تظهر سيارة امامها لتفقد السيطرة على التحكم وتنقلب السيارة عده قلابات مع تسرب الوقود من الخزان واشتعال بعض النيران منها يحاول بعض الماره اخراجها ولكن لا يستطيعون يحاولون مره اخرى حتى يقوموا بسحبها وانقاذ ازل من السيارة
احمد في المشفى يتداوى يأتيه اتصال يرد
احمد : اي نعم اني احمد منو ويايه , اشلون ، بيا مستشفى ، جايكم
يغلق الهاتف ويسرع بالذهاب نحو المشفى التي ترقد فيها ازل
سجاد في بيته وجوده جسديا فقط اما عقله وقلبه عند ازل ابنته رهف تتكلم معه لكن لا ينصت حتى تقوم بمسك يده قائله : بابا بابا وين صافن
سجاد ( يلتفت اليها ) : ها بابا
رهف : ليش متحجي ويايه مزاعلني
سجاد : لا ياعمري ازاعل الدنيا كلها وماازاعلج يحملها الى حجره ويقبلها
ملك : صبيت الغدا كوم تغدا
سجاد : مااشتهي انتوا اكلوا
ياتي منير اخ ملك : السلام عليكم اكيد الغدا ميحلى الا بوجودي
سجاد : هله بيك ، وين جنت
منير : كملت الإجراءات مال فك الشراكة ورحت للمصرف سحبت فلوس وبالمناسبة واني بشركه يمهم سمعت خبر
سجاد : خبريش
منير : ازل مسويه حادث وبالمستشفى
سجاد : بيا مستشفى
منير : يمكن بمستشفى الكاظمية
سجاد : اني رايح اشوفها
ملك تركض نحو الباب تحاول منع سجاد من الخروج قائله : ماكو روحه سجاد اذا رحت لا انته رجلي ولا اني اعرفك
سجاد : وخري ملك من كدامي وخري ( صارخا بوجهها)
ملك : كتلك متروح حافظ على بيتك سجاد وعوفها خلص
سجاد يمسك بها ويبعدها من الباب ويخرج
ملك (تصرخ وراءه ) قائله : سجاد مدام طلعت لتنسى من ترجع جيب ورقه الطلاق وياك
ملك تتكلم مع اخيها : يعني انته متكدر تلزم السانك ابد
منير : وشمدريني اني راح يروحلها عينك عينك وكدامنه
ملك : يحبها
احمد يصل الى المشفى يسئل على مكان الردهه الموجودة فيها ازل يلتقي باحد الأطباء
احمد : ها دكتور بشر زوجتي اشلونها
الدكتور : الحمدلله كدرنه انسيطر على النزف الي بدماغها لكن فقدنه الجنين العوض بسلامتكم
احمد : الجنين
الدكتور : نعم زوجتك كانت حامل
احمد : اكدر اشوفها
الدكتور : اي تفضل بس لا تتاخر
احمد : شكرا
يدخل الى الغرفه ويغلق الباب بأحكام ويجلس بجانبها ويمسك يدها قائلا : اكيد انتي هسه اسمعيني اني صحيح بالبدايه ماحبيتج وزوجتج زواج مصلحة بس بعدين حبيتج وثمار حبنه اجانه ولد حلو يشبهج بلملامح انطيتج حب واهتمام بس انتي كل مره تجاهليني ماقصرت وياج بشي ابد كل الشغلات الي ترديها قبل مطلبيها تلكيها يمج بالمقابل هواي اذيتيني وسامحتج عليهن بس متوصل لدرجه اتخونيني وتحبلين بطفل مو ابني لهنا وكافي انتي لازم تموتين واذا على ابنج لا تخافين اني اربي هو هم ابني وراح اجيبله ام احسن منج بهواي
يقوم بسحب الوساده ( المخده ) ويضعها على وجهها محاولا لخنقها ويبدا بالضغط حتى يقوم جهاز التنفس بلصفير ويستقيم خط قلب على الشاشة بعد ذلك يرجع الوساده الى مكانها الطبيعي ويخرج صارخا
( دكتور ، دكتور ، دكتور زوجتي مدري شبيها الجهاز كام يصفر )
يتدخل الأطباء للانعاشها من جديد لكن دون جدوى فقد استقام الخط وفارقت الحياة للابد
زوجها احمد يبكي ويصرخ لفقدان زوجته الحبيبه التي قتلها بيده
سجاد يرى احمد يبكي خارج الغرفه يدخل الى الغرفه التي ترقد بها ازل وهو يتمتم قائلا : لا لا لا مستحيل لا
يراها مغطاة يجلس على سريرها ويرفع الغطاء ليرى وجهها اخر مره وعيونه تدمع دما بدل الماء يلتمس وجهها ويقبلعا من راسها ثم يخذها الى حضنه ويصرخ باعلى صوته ( لا ، ازل فتحي عيونج ازل اني اسف والله اسف كله صوجي اني موتج بيدي كعدي ازل مااكدر اعيش من غيرج ازل )
كل هذا الكلام امام انظار احمد الذي غادر المشفى تاركا خلفه عاشقان خانهما القدر والنصيب على ان يلتقوا عند الرب اذا سامحته ازل على مافعله بابيها
( في مشفى الأمراض النفسية )
يجلس سجاد في زاويه من غرفته مجنونا لكن ليس جنون العقل بل جنون القلب هناك جنون القلب الذي يصيب الشخص العاشق بمجرد ذهاب عشيقته الى شخص اخر او الى التراب يصاب بجنون لانه لا يتحمل فقدانها فكم من مجنون جنه الحب وانا اتعجب ممن ياخذون الحب لعبه يتسلون بالقلوب الرقيقة والجميلة احذروا جنونهم واحذروا انتقامهم اذا غضبوا
نهاية البارت العاشر والاخير
تنويه : كل ماورد في القصه من شخصيات واحداث فهي من وحي خيالي ولا تمت للواقع بصله شكرا على قرائتكم التقيكم في قصه اخرى اذا قدر الله لنا العيش في قادم الأيام والاوقات
اخوكم :
كرار الكرادي
