(في الشقه )
بعد انتهاء الخيانه الزوجيه من كلا الطرفين ازل واضعه راسها على صدر سجاد قائله : اشلون سوينه هيج
سجاد : مو بديه ماكدرت اسيطر على مشاعري اني اسف ( يرن هاتف سجاد )
ينهض من فراشه يرد .....
سجاد : نعم ، اشلوووون شوكت هذا الحجي ، جاي جاي
ازل : خير شكو
سجاد : حاركين المخزن مال مواد التجميل
ازل : منو الي حركه
سجاد : مادري ، اني طالع
يصل سجاد الى مكان المخزن يراه عباره عن حطام يستشيظ غضبا شاكر بجانبه واقف
شاكر : شراح اسوي هسه
سجاد : طلع عمال ينظفوا ويدهنوا ويرجعوا مثل ماكان
شاكر : والحارس الي بالمستشفى محترك وحياه بين الموت
سجاد ( يمسح بوجه متأففا) : روحله لمستشفى وشوف شيحتاج ونفذه
شاكر : حاضر استاذ
( في شركة سجاد )
زوجته ملك تنتضر قدومه بعد غيابه عن البيت تدخل السكرتيره شذى الى المكتب قائله : صباح الخير ست
ملك : صباح النور شذى شو متاخره خيرج
شذى : والله البارحة انشغلت وي والدتي رجعت من العمره واجونه ضيوف وضليت وياهم واتصلت بالاستاذ سجاد كتله بكرا أتأخر كلي عادي على راحتج
ملك : واستاذ سجاد شوكت يجي بلا زحمه لو الا احدد موعد ويا واقابله
شذى : لا استغفرالله ست هسه اتصل بي وارجعلج الخبر
تتصل شذى بسجاد ، يرد عليها وهو يسوق في السيارة
شذى : صباح الخير استاذ
سجاد : صباح النور اهلا شذى
شذى : استاذ زوجتك بالمكتب منتظرتك انته وين وشوكت تجي
سجاد : عندي شغله مهمه واتاخر لا تخليها تنتظر اليوم ارجع للبيت واشوفها
شذى : حاضر استاذ
تدخل الى المكتب قائله : ست اتصلت باستاذ سجاد وكال لا تخليها تنتظر اني اليوم ارجع للبيت واشوفها عده شغله مهمه ومراح يجي للشركه
ملك : يعني على مكالماتي ميرد اوكي ارجع للبيت واشوف يجي لو لا
سجاد يصل الى السجن ويسئل احد الحراس عن ابو شاهين لكي يستطيع مقابلته
الحارس : بس اليوم ماكو زياره
سجاد : يخرج ورقه من جيبه اني من طرف هذا الشخص
الحارس : العفو استاذ اتفضل استريح دقائق ويكون يمك
( في شركة ازل )
ازل جالسه في مكتبها وضميرها يؤنبها عما حصل مع سجاد وتتكلم مع نفسها قائله : اني اشلون سويت هيج وين جان عقلي
معقوله هلكد اني رخيصة بس هذا سجاد احبه ويحبني ولحد الان احبه بس اني مزوجه يعني اني خنت زوجي وابني سويت بحالي اني سويت
في هذه الأثناء يدخل زوجها احمد الى المكتب قائلا : اشلونج حبيبتي ( يقبلها من راسها ) ها شلون صارت ام صديقتج
ازل : زينه ، انته وين جنت
احمد : سويت زياره على المخازن مال الشركة وشفت العمال شمحتاجين ممحتاجين ، اكول حبيبتي
ازل : نعم
احمد : شو مو على بعضج وجهج اصفر وتعبانه واحسج تايهه
ازل : حبيبي اني مااحب المستشفيات اني ادخللها مدري يشيصير بيه
احمد : اذا تعبانه خلص روحي للبيت ارتاحي واني ابقى بمكانج
ازل : هو هم هيج ( تنهض من مكانها وتمسك جنطتها ) رايحه اني وراح اخذ سيارتك ارجع بيها
احمد : اوك
