( في الشقه )
سجاد تحدث مع ازل حول حرق المخزن قائلا : وهذا الي صار
ازل : زين منو اله مصلحه باذيتك اول مره هجموا عليك ووياك بنتك وهاي المره الثانيه حركوا مخزنك شمسوي حتى كل هل العداوه وياك
سجاد : صحيح اعدائي هواي بس اعداء نجاح لا اكثر كل اصحاب الشركات هم رجال كبار بالعمر ماعدا اني الوحيد الي اصغر منهم وماعدهم اي سبب لعداوتي ، ونسيت اعتذرلج عن ما بدر من زوجتي من اتصلت بيج
ازل : لا ماكو داعي للاعتذار حاسه بيها خصوصا هي ام وتخاف على زوجها وبيتها
سجاد : جان المفروض انتي الام اتصيرين تخافين عليه وعلى بيتي
ازل ( تنهض من مكانها ) قائله : سجاد لا تقهرني بالماضي رجاءا وحتى الي صار بينه ذاك اليوم اتمنى تنسى اعتبره نزوه وراحت
سجاد يقترب منها بهدوء وهو ينظر الى عينيها ويمسك يدها قائلا : ماممكن اصير نزوه لان اني ماعتبرتها نزوه اعتبرتها لقاء حبيبين بعد فراق طويل
سجاد يقترب من شفتا ازل وازل بعيونها المحمره قائله : سجاد لا تقترب اكثر رجاءا
لكنه يستمر بلاقتراب حتى تلامس شفتاه شفاها ليعيدا الحدث مره اخرى ( قله ادب )
( لا تجربوا هذا في الواقع ابتعد عن ماضيك قدر مااتستطيع وعش حياتك حاضرك ومستقبلك دون ان تلتفت للماضي لان الماضي هو مجموعه احزانك وكسرانك )
( بعد مرور يومان )
سجاد في سيارته جالس ياتي حازم اليه ويعطيه ظرف قائلا : هاي صور الاشخاص الي اجو لزياره خلال هل يومين
يقوم سجاد بفتحه وينظر الى الصور ووجوه الأشخاص حتى تقع صوره احمد زوج ازل تحت ناظريه
سجاد : هذا الشخص شوكت اجه
حازم : استاذ بنفس اليوم الي زرت بي ابو شاهين وطلعت ورا بكم ساعه اجه ، تعرفه
سجاد : شلون ماعرفه هذا الي اخذ روحي مني
حازم : يعني هذا الشخص هو الي ورا هاي الشغلات الي صارتلك
سجاد : ماادري هو او لا وحتى اتاكد بقت خطوه وحده اخطيها وبذاك الوقت اله حسابه الخاص
( بيت ازل )
ازل تشعر ببعض التعب والغثيان تقرر مراجعه الطبيب تذهب الى دكتورتها الخاصة
ازل : السلام عليكم اشلونج دكتوره
الدكتوره : وعليكم السلام اهلا ست ازل عاش من شافج
ازل : والله مشغوله بالشركه وماعندي مجال اي شي
الدكتوره : الله يساعدج ، جاي زياره اشوفيني لو اكو شي ثاني
ازل : يعني زياره وشي ثاني
الدكتوره : خيرج شبيح ؟
ازل : اليوم الصبح حسيت بتعب وغثيان وجسمي نحلان
الدكتوره : اوك هسه اسويلج مجموعه فحوصات ومالج غير عافيه
( في السجن )
يجلس سجاد وابو شاهين معا
سجاد : اشتاقيتلي
ابو شاهين : ماكو واحد يشتاق لابليس
سجاد : اذا اني ابليس انته شنو ملاك الرحمه
ابو شاهين : لا اني عزارئيل ملك من الملائكة الله الصالحين
سجاد ( يضحك ) ويخرج من سترته صوره احمد ويعطيها اليه قائلا : تعرف هذا الشخص
ابو شاهين : ولا عمري شفته
سجاد : كول غيرها يمعود البارحة اعترف عليك وكال اني اعرفه لبو شاهين واني الي اتعاونت ويا في سبيل قتلك
ابو شاهين : هذا الحجي مو صحيح واني لا اعرفه ولا شايفه
سجاد : اي كيفك لا صدك
في هذه الأثناء يدخل احمد عليهم في السجن
سجاد ينهض من مكانه قائلا : اهلا وسهلا استاذ احمد منو مسجون عندك وجاي اشوفه اعرفك ( يشير بيده الى ابو شاهين ) ابو شاهين الضلع اسطوره السجون العراقية، بالمناسبة ابو شاهين كال اني مااعرفه واني جمعتك بي حتى تتعرف عليه زين ، حسابك بعدين استاذ احمد ، سلام
يخرج سجاد من السجن ويبقى احمد وابو شاهين ينظران الى بعضهما البعض
( في العيادة الطبية )
ازل تجلس في مكتب الدكتوره منتظره نتيجه التحاليل تاتي السكرتيره وتعطيعها اوراق التحاليل تنظر اليها الدكتوره بتمعن وشفاها تبتسم قائله : مبروك ست ازل حامل وباول شهر هم
ازل في صدمه قائله : حامل !
الدكتوره : اي حامل واخيرا راح يجي اخ او اخت لابنج
ازل : هاا اي اي اخو
الدكتوره : شبيج ازل ؟
ازل : لا ماكو شي بس اني ماردت احمل حاليا مامفكره بطفل ثاني
الدكتوره : حمدي ربج وشكري اكو ناس تتحسر على الطفل
ازل : الحمدلله على كل حال
( في السجن )
أبو شاهين واحمد يجلسان معا
ابو شاهين : انته شكو اجيت
احمد : انته مو دزيتلي رساله من رقم غريب وكتلي تعال محتاجك ضروري
ابو شاهين : اني دازلك رساله مااداز وبعدين تدري بيه اني اتصل ماادز رسايل ( يضرب الطاوله بيده ) هذا اكيد سجاد سوه هاي اللعبه حتى يجمعنه سوا
احمد : اني احترك فلمي اشلون اطلع منها
ابو شاهين : من اليوم انته وحدك اني مالي علاقه بيك
احمد : ابو شاهين صدك تحجي اني اعتمادي كل عليك
ابو شاهين : اعتمد على نفسك انته بطريق واني بطريق
احمد : صارت هيج لعد عليه وعلى اعدائي
ابو شاهين : روح وشوفيني عرض اجتافك
ازل تتصل بسجاد
سجاد : نعم
ازل : وين انته
سجاد : طالع بمشوار ليش
ازل : عوف مشوارك وتعال بسرعه اني منتظرتك باب شقتك
سجاد : اوك جايج
( في شركه ازل )
يدخل احمد الى المكتب تدخل عليه السكرتيره قائلا : ازل ماجتي
السكرتيره : لا استاذ اليوم مااجت
احمد : خلص روحي
يتصل بها ... هاتفها يرن في باب شقه سجاد وترد
ازل : نعم احمد
احمد : شو ماجايه اليوم خو ماكو شي
ازل : حسيت بتعب الصبح ورحت لدكتورتي وحاليا يمها
احمد : تريدين اجيج
ازل : لا لا منتظره التحاليل واجي للشركه
احمد : لا تجين روحي للبيت ارتاحي اني موجود مالج غير العافيه حبيبتي
ازل : الله يعافيك ، سلام
يصل سجاد الى شقته ويرى ازل واقفه قائلا : خو ما خليتج تنتظرين هواي
ازل : لا
يقوم بفتح الباب ويدخلان
سجاد : ششربين ؟
ازل : لا ماريد شي ( تخرج من حقيبتها ورقه وتعطيها لسجاد )
سجاد : هاي شنو
ازل : اقره وانته تعرف
سجاد : مكتوب حامل مبروك ان شاء الله يتربى بعزج
ازل : هذا الطفل الي بطني ابنك
سجاد ( في حالة صدمة ) : شنو
ازل : اي منك من اليوم الي ظهرت بي كدامي واني ماخليت احمد يتقربلي ابد وكلما يريد يتقربلي اطلعله حجه وينام وانته الوحيد خلال هاي الفتره الي تقربتلي يعني هذا الي بطني ابنك
سجاد يجلس منهارا على الاريكه وفي حيره من امره
ازل : اني لازم اسقط الطفل اني صوجي ماسمعت حجي فاديه من كالت لا تتقربين اكثر من سجاد لان واحد راح يحترك بيكم
سجاد : زين ليش مطلبين الطلاك ونزوج وننجمع سوا واني اكدر اوكف بوجه الكل علمودج
ازل : لا والف لا تريد حياه ابني تدمر
سجاد : ازل اني احبج والله احبج
ازل : واني هم احبك بس ظروفنه تختلف حيل واني مااكدر اضحي بابني في سبيل سعاتي اترجاك خلينه نبتعد من جديد مادام انته موجود واني موجوده كدامك راح نعاني
سجاد يمسك بيد ازل قائلا : اني مااعوفج بعد مالكيتج ماعوفج ازل ( ويقوم بحضنها بقوه )
ازل ( باكيه ) : سجاد لتشلع قلبي امروتك انته عندك عائله واني هم عندي عائله وانته اب واني ام لتفلش بيتك بيدك حتى اني هم ماافلش بيتي بيدي اترجاك سجاد
سجاد : اني كل هل الملك الي عدي سويته حتى بس اوصلج
ازل ( تضع كف يدها على وجه سجاد ) قائله : هذا الملك من حق مرتك وبنتك مو من حقي واتمنى تنهي الشراكة الي بين شركتي وشركتك حتى بعد منلتقي
سجاد : ازل لا تقسين على قلبي اني عانيت حتى اوصلج
ازل : احنه مكتوب علينه المعاناة ومامكتوب ننجمع سوا من اليوم الي ازوجت بي احمد كلت سجاد خلص بعد مو من قسمتي ، اني رايحه واتمنى تعيش حياة سعيدة بعيد عن حياتي ، سلام
سجاد تاخذه نوبه غضب ويقوم بتكسير بعض الاغراض الموجودة في الشقه
( تكسير الاغراض عندما يغضب الرجل مشهوره وهو لتفريغ غضبه حتى يهدى )
ازل داخل السيارة تبكي واضعه راسها على المقود
( شركة ازل )
ياتي اتصال لاحمد زوج ازل يرد
احمد : نعم منو ويايه
ابو شاهين : ابو شاهين وياك حبيت افيدك لاخر مره
احمد : كول شعندك
ابو شاهين : الي قتل ابو مرتك هو سجاد ويا مره كبيره بالعمر وعندي شاهد على هذا الشي
نهاية البارت التاسع
