Ing salah sawjining Perusahaan ing Jakarta Ali kerja dadi staf keuangan kanggo nyukupi kebutuhan keluargane, dheweke merantau saka Jogja menyang Jakarta amarga rejekine diatur marang gusti Allah menyang kana. Ali terkenal wong e sopan lan taat ibadah, ora tau ninggake sembayang e, lan mesti dadi imam menyang kampung e ing Jogja. Lan sing ndadek e Ali dikenal apik maneh yaiku dheweke welas marang wong ngisor lan anak yatim, alias rajin sodaqoh. Dheweke nduweni bojo jenenge Mira, lan anak lanang siji jenenge Bayu sing isih umur 5 tahun. Bojo lan anak e melu Ali kerja ing Jakarta lan ngontrak. Ali mung dadi staf ing Perusahaan e, lan Mira mung nduweni usaha Laundry ing kontrakan e mau kui. Nanging karo-karone terus ndue rasa syukur marang gusti Allah.
Ing sawijining dina, kaya biasa Ali budal menyang panggon kerjone, ing kunu Ali banjur di timbali manager e, Ali langsung menyang ruangan Manager mau kui, banjur manager e ngomong. “Li, kowe kan wis suwi myambut gawe ing perusahaan iki, nanging nasibmu isih podo wae. Kowe gelem ora bisnis karo aku? Untunge lumayan kanggo nambahi bayaranmu selama iki” banjur Ali nyauti “ngapunten pak, bisnis punapa nggeh?” “bisnis e jan guampang tenan Li, kowe mung cukup tutup mulut wae yen aku korupsi ing perusahaan iki, kan selama iki kowe sing bagian ngeceki anggaran to, mengko asil e iso di bagi wong loro, piye?” ujar manager e, “astaghfirullah pak... niku kan mboten angsal sami mawong nedha duit haram pak, kula mboten purun pak, kula pados duit kang halal mawon pak senadyan mung titik”. Ali banjur metu saka ruangan e manager e mau kui. Lan muleh amarga wes jam e muleh.
Tekan ing omah, Ali langsung cerita marang Mira opo wae sing kedadean ing kantor e mau, banjur Mira kaget, lan takon “terus piye pak, punapa sampean pundhut tawarane manager kala wau?” “ya ora to mir, iku kan bisnis haram, ora jujur, lagian sampeyan purun ta tak nafkah i duit haram?” jawab e Ali, “ngge mboten ta pak, ngge pun senadyan namung sekedik ananging halal pak gusti Allah pasti weruh hambane sing taat pak, pasti ana wae rejeki kanggo kita” Mira ngerasa salut menyang Ali amarga keluargane isih kekurangan nanging Ali isih pingin nggolek rejeki sing halal.
Nanging sesuk e ing kantor panggon Ali nyambut gawe iku ana kabar yen kancane Ali sing jeneng e Minto kui diangkat dadi asisten manager sing nawani bisnis mau, banjur Ali bingung lan ngeroso yen Minto iku bejo iso dadi asisten manager sing bayaran e luwih duwur ketimbang Ali. Nanging Ali mbatin yawes iku rejekine Minto saka gusti Allah.
Wektu kang wektu melaku terus panguripane Minto luwih adoh banget saka sakdurunge dhewek e diangkat dadi asisten manager, mulane dheweke mung ngekos ing gang cilik nanging saiki bisa tuku omah gedhe ora adoh saka omah e Ali, lan dandanane bojone Minto luwih glamor, ngetok e yen pancen makmur keluargane saiki.
Sewaktu ana ing omah, Mira ngomongno Ina bojone Minto kui, yen dhewek e weru dandanane Ina saiki, dheweke kaget banjur cerita marang Ali. Ali njelasno yen Minto bar diangkat dadi asisten manager sing ndadeake dhewek e saiki sugih. Nanging Mira langsung mikir “pak, bisa ae Minto bisnis kalian manager sing kala wingi nawani bisnis haram kui pak? Saengga dhewek e sugih kaya saiki” “husss apa wae to sing sampeyan omongke iki, mboten pareng ngomong ngoten niku, sami mawon suudzon” ujar e Ali.
Minto lan Ina banjur ngedekake usaha kang padha kalian Mira yaiku Laudry, melaku sak wulan usaha e Mira banjur sepi lan pelanggane padha pindah menyang Ina amarga ing kunu luwih apik lan cepet amarga Ina nganggo mesin cuci loro. Mira ngerasa mangkel amarga disaingi marang Ina, nanging dhewek e tetep pikir positif padha karo Ali yen rejeki kui gusti Allah sing ngatur.
Amarga ngerasa usaha e Mira wis ora mlaku kaya mbiyen mane, Mira banjur ngedekake usaha liya yaiku warung cilik-cilikan, nanging durung mlaku suwi, Ali lan sakeluarga kena musibah, kontrakan sing dipanggoni dheweke slama iki arep di dol Qur sing nduwe, amarga butuh duwit, gelem ora gelem Ali lan sakeluarga kudu pindah saka kunu. Ali bingung kudu nggolek silihan duwit saka endi, supaya bisa nuku omah iku. Akhire Ali cuba menyang omah e Minto niat e arep nyeleh duwit. Nanging kalian Minto ora diweneh i alesan e kanggo modal usaha liya lan sekolah e anak e.
Wes muter muter Ali nggolek silihan duwit, nanging ora ana pisan. Ali bingung amarga sing ndwe kontrakan gupuh arep ngedol omah iku. Lan sempet kepikiran sisan yen arep jupuk bisnis sing tawarake managere. Nanging dipikir pikir bisnis kui ora bener, ora semestine waktu kena musibah malah neglalalno sekabeh e cara. Dhewek e percaya ana gusti Allah sing ora tau turu, mesti ngerti hambane kang kesusahan lan mesti ana wae dalan metune masalah kui sing bener ora kudu nerimo sing wes jelas jelas iku dibenci marang gusti Allah.
lan akhire Ali lan keluargane metu saka kontrakan kui, banjur pindah kontrakan ing cidek e kantor e Ali. Banjur nerusake usaha warung kui mau. Amarga niat sabar lan dungane Mira sakeluarga warung cilik-cilikan kui rame sing tuku bendinane. Amarga panggone luwih strategis lan cidek marang pabrik-pabrik. Oleh e untung saka dodolan kui dicelengi marang Ali kanggo bisa tuku omah dewe. Akeh titik kayane nanging menyang pikirane kabeh kui rejekine saka gusti Allah, mestine kudu disyukuri.
Seje dina, Ali ing kantor nduweni masalah amarga laporan keuangan e orang padha karo anggaran e. Ali difitnah marang Minto konco apik e kui. Lan dheweke disidang marang HRD ne, dijaluki penjelasan amarga kekeliruan kasebut. Nanging Ali pasrah amarga dheweke ora ngerasa Yen dheweke ngelakoni hal kasebut, dheweke banjur dunga menyang gusti Allah supaya nulung dheweke. Sak banjur e Ali njelaske kedadean iku, HRD isih kudu Ali Yen dheweke pelaku korupsi ne, akhire dheweke ditokne marang panggon dheweke selama iki nyambut gawe. Nanging Ali tetep sabar dheweke mikir yen iki cuba saka gusti Allah sing dheweke rasake.
Banjur saka kantor, Ali moleh kalian nggawa wajah nesu, lan Mira nakok i “pak, punapa sampeyan? Kok ora kaya biasane”. Banjur Ali njelasake apa wae kang kedadean ing panggon nyambut gawene mau kui. Mira wayah iku langsung nangis sabanjur e ngurungoake cerita saka Ali, dheweke ora nyangka yen ana maneh musibah sing nimpa dhewek e lan keluargane. Banjur ngandani Ali “mboten napa napa pak, sakmangke niki cuba saka gusti Allah yen kita dikengken luwih taat lan luwih sabar”
Saiki Ali wis ora nduweni penggawean mane sakliyane ngrewangi Mira ing warung e. Ali lan Mira kerja bareng kanggo rejeki halal e. Sabendina warunge Mira rame saka wong tuku, dheweke kerja keras demi penguripan keluargane lan anak e sing isih cilik. Untung e oleh e dheweke dodolan ditabung kanthi bisa tuku omah kontrakan kang dipanggoni kui. Warung sing dheweke awali mulai cilik saiki wis dadi warung gedhe, sg luwih apik saka sakdurunge, lan luwih krasan. Ora mung iku wong tuku tambah akeh. Ali lan Mira banjur bersyukur marang gusti Allah sing wis nulung dheweke lan keluargane.
Tahun saben tahun wis dilalui, nganthi ora dirasa yen anak e wis mulai melbu sekolah, nanging Bayu ing sekolahan e kancane ora gelem nyedeki amarga Bayu anak e wong ora nduweni, ananging kancane rata rata anak e pengusaha sukses. Banjur Bayu cerita marang ayah lan ibune, nanging Mira ngedemi Bayu Yen dheweke ora oleh nduweni rasa ngunu, Bayu bocah e pinter, yen ana kancane sing ala marang dheweke mung cukup didungano wae ora oleh bales dendam amarga gusti Allah ora seneng yen hambane nduweni rasa bales dendam. Bayu bisa nerima apa sing wis dijelasake marang ibune. Banjur Bayu sregep sinau supaya bisa njunjung derajat e wong tuane.
Niat apik e Bayu kang kesampean. Dheweke buktiake kalian menang lomba olimpiade ing sekolahan e. Bayu sing sakdurunge diremehake marang kanca-kancane Saiki dadi murid kang dihormati ing sekolahan e, wong tua ne bangga marang dheweke. Niat apik e Bayu dibuktiake kalian nggowo wong tua ne mungga panggung amarga prestasi e kui. Banjur Mira lan Ali mesem nyawang anak e, lan percaya yen ini asil e dheweke lan keluargane taat marang Gusti Allah.
Ing liya Dina, Ali sing ngrewangi Mira menyang warunge tiba tiba diparani kalian wong lanang kang gawe jas rapi, dheweke yaiku bagian HRD sing wektu iku ngetokke dheweke saka panggon kerjane. Banjur Ali bingung lan nakoni “nuwun sewu pak, wonten punapa panjenengan dhateng memiliki?” “ngene Li, sepurane sakdurunge amarga kedadean wektu iku, saiki wis keungkap Kabeh sapa pelaku sing sebenere, dheweke yaiku managermu lan Minto sing ngelakoni iku kabeh. Nanging saiki wis ndekem menyang penjara.” Ujar e pak HRD. Sakbanjure cerita cerita,Bapak bagian HRD kui ngomong tujuan lan maksudte dheweke menyang kunu nemoni Ali, yen dheweke arep ngajak Ali nyambut gawe menyang kantor e kui mau lan ngganteni manager sing wis ora jujur lan gawe perkara ing kantor.
Sakbanjure kedadean kui keluarga Ali wis ayem, warung sing wis dirintis mulai nol saiki wis dadi warung sing gedhe banget lan nduweni usaha catering, lan Ali wis dadi manager ing panggon kerjane lan anak e Bayu dadi murid sing pinter ing sekolahan e. Dheweke percaya kui kabeh asil e sabar dan tawakal marang gusti Allah. Nanging dheweke mikir ora ana sing kudu disombongake amarga kui kabeh wenehane gusti Allah dheweke ora melu nduweni apa apa.
