صباحو
هذه القصه الثانيه الي كتبتها
وهسه عدت نشرها مع تعديلات ..
اتمنى ان تنال اعجابكم
#سحر عينيها
شكراً ل مروة صممتلي الغلاف
أتمنى لكم قراءة ممتعة
الحب فيه كثير من الغرابه ربما من نظره
نتعلق بهِ
ويصبح هوه هاجسنا الوحيد..
واكف كدام شط العرب
يباوع الى جمال أنعكاس الأضواء عليه
وروجات المي الخفيفه الي تتلاطم ..
حس كأن حياته تتلاطم مثله..
سحب نفس قوي بكل قهر من الجكارة ونفثها في الهواء
وداخله نار مشتعلة لاتنطفىء
اليوم شافها من بعد سنتين..
شعلت بداخله شيء كان يوهم نفسه أنه نساه
سنتان مرت كان يتمنى أن يراها تتلوع مثلما تلوع قلبه بحبها..
رؤيتها اليوم جعله يقارن بين أحساسه أول مرة واليوم
ذكرياته رجعته لاول نظرة
———————————
كانت نظره
فأصابت قلبي رجفه
تسللت لكل اوردتي
جعلتني أصاب بالعشق
فطمأنت قلبي
أنها
ستسكنك
❤️❤️❤️❤️❤️❤️❤️❤️
كاعد على كراسي بلون أسود بصالة الانتظار ننتظر رقم الوالدة جايبها حتى تاخذ رنين عدها أنزلاق بظهرها..
أكلب بالنقال وهيه تحجي
-يمه يمتى طيح من ايدكم هالنقالات حتى بالسيارة تكلب بيه ميصير يمه ..
ادري خل يعتقنك شوي المعجبات
ضحكت واحاول اكتم ضحكتي
..ههههه شسويلج اذا انتي جايبة واحد حليو
هزت امي ايدها تضحك
..يمه لاتنغر لا تاخذلك زركة
..هايمه طبعاً تركصيلها حتى انتي تبقين احلى وحدة بالبيت
..ولا جوز من سوالفك دومك تختلف عن اخوانك تاخذ الدنيا بضحك بس لو كلبت الله يستر منك
..أتغير عن الدنيا كلها عنج ابقى ادور حنانج
وتبقين أغلى شي بقلبي❤️ وبقلب الوالد اكيد وأغمزلها
دك نقالي صديقي زيد
.. اترخص يوم
وكمت مشيت رحت بزاوية بعيدة تصير غرفة الرنين بطرف اليمين وبصفها غرفه المفراس والي يمها تحليلالات والناس كلمن كاعد ينتظر
رديت ورفعت راسي..
حجيت
-الو
صفنت على الي صارت كبال عيني ..
كاعدة بنية ناعمة جمالها عادي بيضة اعيونها حلوات واسعات بيهم لمعة شدتني ..
الحواجب ثخان ..
لابسه فستان زيتوني عريض باطرافة ورد بيج والحجاب بيج والطبقة ملامسه كصتها زيتوني ..
ظليت صافن واباوعلها اي مكياج مبين محاطة
تحجي ويه المرة الي بصفها لابسه عبايه بس مبينه مريضه كلش صفرة شاحبه..
شوي ورفعت وجهها وباوعتلي ورجعت دارت
أهنا انا حسيت مثل
عيناها بحر تتلألى القمر على أمواجه
فخط الحاجب مرسى
لشاطئمها
لترسو نبضات قلبي...
فزيت من صفنتي عليها والفون يرن مرة ثانية
-الو هلو زيد شلونك
-شنو فصل الخط
-ههههه اي فصلت الشبكة..
وأضحك وأكول والله انا الفصلت..
