صباح الخيرات🌹
طمنو قلقي بكلماتكم
لعله يهدء عن التفكير خوفاً
أن لا أملك معشوقي
كيف أكون دونه..
وكفت السيارة وأباوعلهم طلعو أترقب وجوهم وهمه يتقدمون
صدو بالسيارة
-هلا يمه صوفي
-هلا يوم طمنيني
رنا مدت راسها وجاوبتني
-اي عيني حقك تحبها حلوه وطيوبه حسيتها
شوف شنو تشتريلي حتى احجيلك كلشي
حتى شنو لابسه وشطول شعرها لان ادري بيك مشايفه
-ضحكت بتعب وأتخيل شكلها ورنا تحجي
وأمي كفختها
-ولج ولا توبين من سوالفج
التفتت عليه وكملت
أمها طمنتني وليدي أنشالله تحجي ويه أخوانها وترجعلنه خبر..
بس انا القلق الي بداخلي هواي
أمي خلت ايدها على جتفي
-صوفي لظل قلق أنشالله خير ياأبني
-الله كريم يوم ونعم بالله
رجعت وحيل تعبان بس احس براحه شوي من كلام أمي
حبيت أوخر التوتر الي صار بينه
رسلتلها
يكولون اليوم الاحمر غير عليج والشعر يوصفون بيه وأنا أنقهر لان شافوه قبلي..
مظل شي وتكونين كلج ألي
-هاي كالت أختك لو يشوفج جان سوه
كلتلك
-أي كتت الاكو والماكو بربع كيلو موطا ههههه
-ههههه الله يخليك ألها هواي تحبك غرت ترا
-اوووف لتحجين عن الغيرة ماكو مثل نارها
-تمنيت يمي ودرسني هواي شغلات مفاهمتها
افتهمت غيرت الموضوع حتى لا أضوج..
كليلي واشرحلج بالفون
-أنشاءالله اذا صعب عليه موضوع أخابرك
-أمج شنو كالت
-بعدها ماجمعت أخواني وحاجتهم
بس سألتني ليش هسه
كتلها كال خاف يخطبوج واخوانج يوافقون بس تخلصين
-رقو
-ها حبيبي
-ياروح حبيبج وقلبه ديري بالج وأنتبهي وهذا شنو يسوي او اي تصرف نقليه الي
-أوكي
———————————
مرت أمتحاناتها وأراسلها قليل وأطمن عليها
أروح أشوفها كل متخلص أمتحان
روحي متشبع من شوفتها
طفلتي وخايف عليها
تجيني تضحك فرحانه أذا مجاوبه..
ومهمومه والا شوي تبجي اذا صعبه
اباوعلها وابتسمت بمكر
-يله حبيبي بس بعد امتحان واروح بنفسي لاخوج..
حتى اذا مهمومه اعرف اوخر همج بطريقتي ههههه
لان أمها من خبرت أخوانها كلولها تخلص أمتحانات ويصير خير..
لليل ومثل ما تعودت أرسللها رساله غزل مختومه بتصبحين على خير
وهيه ترد عليه
هالمرة رسلتلها بس ماكو اي جواب
أنتظرت وأنتظرت
وماكو ..
بين القلق والخوف أن صايرلها شي
غفت أعيوني..
قالوا وقالوا بأن الحب هوه روحاً تسكن داخلك
هوه مشاعر تجتاحك لاتستطيع السيطرة عليها
مرة تجعلك تحلق فوق الغيم فرحاً
أو تتساقط وجعاً..
فتحت اعيوني وسحبت النقال
وماكو اي شي اليوم امتحانها
رسلتلها صباح الخير حبيبتي ..
وماكو أي جواب..
بدلت ورحت للدوام وعيني على الوقت أنتظر حتى اروحلها
