صباح الخيرات❤️
🌸🌸🌸🌸🌸🌸🌸🌸🌸🌸🌸🌸🌸
مرت أيامي بعدكِ وأنا حطام
لم أعد أهتم بالوقت
أنتظر الليل لانعزل وأطيل التفكير بطيفك..
حاولت السفر كثيراً لعلي أجد نفسي قبل أن أحبك ..أنساك
أحطم ذلك الشيء الذي يجعلني أشتاق لك..
أهلي متركوني ..بين أهلي ودوامي والسفر
أضحك وداخلي الف وجع..
خصوصاً عتبي عليها ماادري على نفسي
تخيلت دوم أقابلها وأعاتبها ..أشكي منها الها..ليش كسرت قلبي
سنتين مرت تجرعت مر الايام ..وبرودة مشاعري..
مرة رجعت باليل لبيتنه شوي من وكت
فتت للبيت من بابا المطبخ
وأسمع طكطكه بالمطبخ ..
متعود أنا على حسن دوم يدور أكل ..
مديت راسي حجيت
- أنت يمتى جوز من هالسوله الزفرة عتوي أنت ..
ورأساً صار صوت وكعت صحن اتكسر ..وصرخة يمه
أباوع زين
بنيه شعرها أسود لنص جتفها ..بيضه حلوه أعيونها سود ..
حجيت وأنا أدور وجهي منو أنتي؟!
حجت بتلكأ
أنا ..أنا
أجت أمي مفزوعة
-لمى خالاتي شبيج شصار ..
وراها اي هاي خالتي الي بغداد أم محمد
وهاي بتها لمى الي مشايفها من جانت بالمتوسطة
أبتسمت بوجه خالتي وحجيت
-شلونج خالتي الصاكه الثانيه ..شلون بيج أنتي وامي شهالجمال ..وأضحك وياها
خالتي ابتسمت وجاوبتني
-والله يامصطفى أشتاقيتلكم ولامك
وكلت نجي دامها عطله نصف السنة أنا ومحمد ولمى وعلاء
-وينهم
طلعهم ثائر يفرهم بالبصرة بس لمى تنتظر رنا تكول حتى نتونس وتشوف البصرة
صديقاتها بصراويات بالكليه يوصفلها البصرة وتكول أتمنيت أشوفها ..وأشوف شط العرب ..
لان كله أنتم تجون من كبرت
-اي صارلي من اول متوسط بعد مشفتها
-أنتم تجون بسرعه شسويلكم
-ياكليه لمى ..
جاوبت وهيه خجلانه ومدنكة
- مرحله ثالثة تربية أحياء
- الله يوفقج بت خالتو الصاكة وأضحك
وكضيناها سوالف وضحك وأجو الولد حيل حلت كعدتنه وشقانه
وهيه قليل اشارك بخجل
ثاني يوم العصر رنا تكعد بيه وتحجي
-أخذنه فرنه انا وبت خالتك رجلي ثقيل دم
وبت خالتي تستحي
كمت متكاسل واتأفف
-أمري ل الله شسوي وياج
رفعت ايدها
-ولك امنيتي أشوفك عريس
-يله طلعي برة يله وأضحك
أباوع الساعه بال ٣ ونص ايا معزايه هوه صح شتا وتغرب من وكت بس مو هيج
حرمتني من النوم
طلعنه وفريتها شارع الوفود ..الخورة ..الجزائر ..شط العرب ..رغم برودة الجو ولابسه كوت مخصر زيتوني وبيه فرو جوزي والحجاب جوزي جانت طالعه حلوه وتسولف ويانه
وتشاقه بلطف
صعدنه بالزورق شوي فرنه بشط العرب وتكص صور ويه رنا وابن رنا
-والدريول مالتكم ماله حصه يكص وياكم صور
حجيتها بالشقى
ضحكن
وبعدين أخذتها للمول وأفترن
لمى حجت
-متوقعت هالكد حلوه البصرة وناسها حلوين وطيبين
-غير انتي اجيتي بالشتا لو بالصيف والشرجي
ثاني يوم منلكاج موجودة هههههه
