سحر عينيها

النهاية

صباح الخير🌹
البقاء لله وحده
احزنني خبر وفاة الكاتبه ام غايب
الله يرحمها ويسكنه فسيح جناته

يعني الدنيا فانيه محد ضامن عمره🥺

كنت التمس أن أعرف مكانتي بقلبهُ

لم أعرف بأنه ملك لغيري

أحب ويتلهف وينتظر بشوق

مااصعب أن يكون حبي من طرف واحد
أتجرع الشوق وعذابه
وهوه لايهتم
يظل يستجدي كلمة..نظرة ..
أهتمام..
أرسم أحلام ورديه معه
وهوه جوارحه
تسافر اليها
خذ قلبي وتفحصه
وأنظر كيف يحبك
ماأصعب أن تداوي نفسك بنفسك💔

كانت كلماتي تنهال عليها
وانا أسرد لها قصة حبي
وتلتمس الحب ولهفه الكلام عن غيرها
كانت تستمع بكل جوارحها
أحياناً تنظر لي بعيون مصدومه
وتطرق رأسها مرة تحاول لملمه شتات
أملها بحبي لها..

من خلصت احس كلامي كالاعصار أقتلع مشاعرها وحطم كل أمالها..

أخذت نص ساعة وهي مدنكة تسوي دوائر بيدها وتاخذ نفس وزفرة..

أجه العشا ورفعت راسها
وباوعتلي
-كنت أحس أن قلبك مو الي ..كلامك كان أكثرة منابع منه ..
وأشوفك من أجيتلكم شكد مهموم..

التفتت وباوعت على النهر
سولفتلي رنا مقتضب عنك حب وحدة وأزوجت..
بس توقعت راح أكدر أخليك تحبني..
ومتوقعت راح تطلك ..وتكون أنت الي ساعدها..

رجعت التفتت الي واعيونها مدمعات

تدري من يجري النهر وتحسه ياخذ وياه همومه وألآمه وينضف داخله من اي وجع وأوساخ تحاول تعكره..

هيج الانسان أوكات يستمر بحياته يحاول يتخلص من اي بقايا تحطمه ..او شي يعطل مسيرة حياته..
أنت حاولت تستمر بحياتك وهالشي صح مو غلط..
الي سويته الها عين العقل لان أنا من يمي أنقهرت عليها وحطيت نفسي مكانها..

ماراح أكذب عليك وأكلك ماغرت بس الانسان لازم يتخلى عن الغيرة والانانية بهيج حالة..
أنا وياك وأساندك ..
بس ياترى اريد أعرف شعورك تجاهي هاللحظة؟!

وأنت تريد ترتبط بيه وقلبك بعده وياها ..

وأذا شفتها لانت وياك شنو ترجعلها؟!تزوجها ؟!
حجتها بألم
باوعتلها قربت ايدي وكضيت
أيدها وشديت عليها
لو ماأحس أميل الج وارتاح وياج..
ماارتبطت بيج ومحد ضغط عليه بالخطوبة بس حسيتج أنت مرهم لجرح قلبي..
وعاجبني أكمل وياج عمري
لان عقلج وكلامج حيل يدخل للقلب..
ونادراً واحد يحصل هيج أنسانه واعية وتقدر المقابل..
بس ..جريت حسرة
تحمليني ولو جرحتج من سولفتلج عنها واكلج والله أحاول اكونلها فقط صديق ..

بس المشاعر مو بيد الانسان شكد ميحاول يتحكم بيها أحياناً ميكدر
أرتبط بيها مااكدر ..حبي الها تغير وتغلف بفد شي يمنع الارتباط..
وهيه أعرفها الي مرت بيه يمنعها
باوعت بعيوني
-أحلى مني؟!
-لتساليني هالسؤال أنتي حلوه مناقصج شي
-أشكرك لان فتحت قلبك ألي ومضميت عني  ..