مساء الخيرات
ما أثقل الساعات
حين يكون هناك موعد متلهفين له❤️
كل شيء فينا يتسابق من يصل أول❤️
فتح عيونه بثقل بعد تعب تفكير متعب
شلون يكدر يوصللها..
وكف كبال الشباك وازاح الستارة بالون الرصاصي..
وفتح الشباك وهوه يجر نفس من هوا صبح
طيب ..
(أصبحنا أصبح الملك لله وعلى الله نتوكل)
بعد ماغسل وبدل ..
وهوه ينزل الدرج أشتم ريحة الجاي المهيل الي تريح النفس..
الي أمه تبدعم بيه
دخل للمطبخ
-صباح الخير يوم
-هلا بهالصباح يمه
كعدت على الكرسي وخلت امي كدامي كوب الجاي وانا اخوط بيه حجيت
-يمه حظري نفسج اليوم اوديج لبيت الحجيه الي البارحة تخربطت
باوعتلي بتركيز وحجت
-ليش يمه خل نتصل بيهم بالتلفون ليش نحرج نفسنه
شربت الجاي ونزلته
باوعتلها
-يوم بصراحة اريدج تساعديني عجبتني البنيه ..
-ها صطوف أشوفك وكعت ومحد سمى عليك
ابتسمت ابتسامه خفيفة
-اممم لا مو هالدرجه بس عجبتني شوي واريد بطريقتج تعرفين كم معلومه داوم لا مرتبطة لا بعد أنتي الخير والبركه
وانا استاهل وحدة حلوه مثلج مو
وأغمزلها
وتصير أم بيتي
-شوف ابو درب اليوم وجهه يضحك ومورد
ويريد ام بيته ..
يصير خير خابر ابنها واندل بيتهم والله كريم..
ابوك اليوم تعبان ورجع نام ماطلع للمحل
راح حسن بمكانه ..
كمت
-انشالله مابيه الا العافيه اترخص يوم..
وصلت للدوام ونفس الروتين بالدوام حسابات وتدقيق يخلي الواحد كل ساعتين يشربله كهوه يعدل المزاج
ويخليه يتحمل ضغط نفسيات الناس بالشغل والشغل نفسه
رن موبايلي زيد
-الو زيد شلونك
هلا ابو التوف الحمد لله وانت مشتاقلك واريد اشوفك
..اي اليوم باليل اريد اشوفك وأعزمك
-انا اخوك السالفه بيها عزيمه وراها شي
-ههههه أكيد وراها مصلحه بعد تدري بيه ههههه
الله وياك
صفنت وطلعت رقمها وسرحت بطيف عيونها
كلت خل ادك على اخوها
طلعت رقمه ودكيت عليه
-الو
-الو منو
-انا الاخ مصطفى الي البارحه
-اهااا هلا بيك
-شخبار الوالدة ..
-الحمد لله زينه
-اها تمام الحمد لله ممكن تطيني العنوان الوالدة تريد تجي زورها وتطمن عليها
-لاتكلف نفسها الحجيه صارت بخير
-لا ماكو اي تكلفه الوالده بالها يمها
-تما حي..يم مدرسه....
-أها تمام
بعد مارجعت من الدوام وتغديت ونمت شوي
نزلت مبدل صارت امي كبالي
باوعتلها
-ها يوم شو مامبدله
-يايمه شبيك مستعجل هسه البس جواريبي وعبايتي
أخذت الوالدة للعنوان ونزلت والدتي دكت الباب
ظليت أنتظر بالسيارة
وشغلت أغاني وادندن وياهن
بعدها بفتره طلعت أمي
فتحت الباب وصعدت
- يله يوم توكل عل الله
حركت السياره
-شلونها الحجية
-خطيه تعبانه وبعد اسبوعين يشخصون شبيها كاتبيلها مسكنات والله يعينها
وأذا على الحلوه رقية
فهي هالسنه أخيرة محاسبه وبس هيه عدهم ومبين ممخطوبة..بعد أنت أسال عليها بالمنطقة والكلية والله يقدملك يوليدي كل الخير
