مساء الخيرات 🌹
شكراً من أعماق قلبي لتصويتكم
يمشي وهوه متلهف لرؤيتها..
اليوم مقرر ان يأخذ صورة وياها بزي التخرج بنفس المكان الي أتكلم وياها اول مرة..
بعد خمس شهور مرت على حبهم لبعض..
نفس اللهفة والحب يزداد كل ساعة لها..
شهر نيسان وخضار الاشجار الذي يلهم النفس لحب الطبيعة..
مجموعة دكات موضوعة بصورة مرتبة ..والاشجار الجميله
ونسمات الهواء الصباحيه تداعب بسمته
المرسومة بفرح لان يلتقيها..
شعور بالسعادة يتملكة بأن كدر يمتلك قلبها..
يحمل بيدة باقة ورد مجموعة من وردة صفراء وسمائية وبيضاء وحمراء ووردية..
مغلفات بلفه ورق جرائد وينسدل من نهايتها المتجمعة شريط ملون..
وضعهُ خلف ظهره
شافها تقدمت عليه بخطواتها الواثقة والفرحة ماايه روحها..
لابسة بنطرون أسود بجوانبيه خيط خفيف سمائي والسترة سوداء طويله للورك والقميص سمائي غامق وحجابها السمائي ..
اعيونها تتلألىء بعشق اله
يحس مثل نظراته ..
حجت بأبتسامه
-صباح الخير حبي
سحب ايده ورفعها وقدم لها الورد
- صباح الحب صباح الورد لوردتي الجميلة الف الف مبروك التخرج حبيبتي
كضت الباقة وهيه تباوعلها بشغف
-الله شكد حلوه هالباقة
قربتها وشمتها بقوه
-افيش شكد أحبك ..أحلى هدية لانها منك
شنو هاي وياها بطاقة
شهالحركات وتغمزله بعينها
أبتسم
-اقريها وشوفي
أحب أن أقطف لكِ من كل نوع ولون وردة
لاني قطفت قلبك وجعلته يحبني
متيم بك لحد الجنون..
أبتسمت ووجناتها وردن من الخجل
رفعت راسها وباوعتله بنظرة اعيونها الي يحبهم
-أحبك❤️
-تذكرين قبل ٥شهور أهنا بنفس المكان
-شلون أنسى تتوقع أنسى تفاصيل جمعتني بيك
-جنتي حيل مرتبكة
-أنت بيوم الاجيت جانت محاظرتنه صعبه ..وانا منتبهتلك من فتره بس معبالي عليه
ضحك ومسح على وجه بيدة ..
-اي من رنيت عليج وجاوبتيني
-الو منو أنت
وتباوعيلي
-أنا اريد أحجي وياج بشي ضروري
-مااعرفك حتى اوكف وياك
-مااطول صدكي
-لحظه
اباوعلج تحجن ويه صديقتج
-اوكي انتطرك اهنا
-بس لوحدج ارجوج
-صدك مااكدر تجيلي حجايه تقبلها
-والله مااقبلها بس مااكدر موضوع خاص
-اوكي
اي شجن كلتلي شوفي شنو يريد لتخافين
بس كنت حيل متردده
-يعني انا لازم اكافئ شجن بهديه تدرين هههه
تمشيت الج وتقربت وجنتي هنا واكفة نفس المكان
بس جان الجو بارد
-السلام عليكم
-وعليكم السلام
شجن باوعتلنه ثنينه وحجت ..انا اترخص
بارتباك انا جاوبتها
..اوكي شجن شوي واجي لترحين بعيد
ابتسمت لان جنتي مرتبكة وخايفه مني
حجيت بهدوء
-شلونج ست رقية
باوعتيلي بطرف عينج وهي اضم الكتاب لصدرها بتوتر
-منو حظرتك وشتريد مني صارلي فترة منتبهتلك بس ماعبالي عليه
-أنا مصطفى واظاهر ناسيه وين شايفتني
أنا الي شفتكم بعيادة المفراس من تخربطت الوالدة ونقلتكم للمستشفى
فتحت اعيونها بوسعهم
-أه والله نسيت لان جان بالي يم الوالدة اهلاً وسهلاً..تفضل امر خدمة محتاج شي اهنا بالكلية اكدر اساعدك
