صباح الخيرات
عادت فيها الحياة من جديد
أصبحت متألقة
ماعادت القيود تكسرها
تحدت كل صعوبات حياتها
قوية وناضجة..
أرى أبتسامتها
تملؤها بالامل
بأنها ستكون بأفضل حال..
أباوعلها من بعيد بشغلها شلون متأنقة وحلوه
وجهه مبين بيه الراحه النسبية بعد تعب وهموم ..
ثقتها بكل خطوة تخطيها بعملها..
أنا لماذا أقف من بعيد ..أراقبها..خطواتي لماذا ثقيلة تبعدني عنها..
هناك قيود موضوعة لتمنعني عنها..
أنا آآخ مني ..
درت وجهي وأجر حسرات
مثل حسراتي الي جريتها من رجعت من المستشفى للبيت بعد ماشفتها وأحس كل جزء بيه يحتاج أن أشمر نفسي على السرير وأفكر شلون أساعدها مادياً هيه وأمها..
ظلمتها بتفكيري ..
الي تعرضتله بحياتها ما يووصفه وجع ..
بحيث حتى طفلها فقدته من القهر..
آخخخخ الدنيا أذا دارت بأنسان جردته حتى من كرامته
بس ربي انشالله مايتركها الا ويداوي الي مرت بيه..
سنتين محروم من شوفتها لو باقي متحسر عليها ولا أشوفها مكسورة مذلوله ..
كأنها بقايا من شيء
هيه محاسبه ولازم ادورلها شغل بشركه راتبهم زين ..أسأل زيد لازم نساعدها
رنيت عليه
-الو ضلعي شلونك
-الحمد لله عريس ولك يمتى تعرس حتى نركص بعرسك انا وجهالي طولتها ترا
-عمي الحك..زيد رايدك شوفلي شغلة بشركات نفطية لوحدة متصدك منو..
-بس لاتلعب بذيلك وبعدك ماعرست ..لاتسمع مرتي وتمنعني عنك
-اهوووو راح اجي يمك اشرب جاي مو مال تلفون وبحجيك هذا..
شلت أستكان الشاي بد ماسولفتله كلشي
شربت شوي ورجعتها
وهوه ساكت وجه مصدوم ..
-ادري شبيك مصدوم اكثر مني ..
-والله الي سمعته عبالك خيال يعني كل هذا الي مرت بيه ..وماشفتها الا ورا ماخطبت ..وردت تشوف حياتك..
مصطفى بس لا تفكر تترك خطيبتك علمودها..
جريت نفس وزفرت الهوا أحس نار..
فركت وجهي وخليت ايدي على وجهي
-مااعرف زيد هسه لتسالني على شي..
لان تفكيري بالي مرت بيه مو شوي هسه هيه انسانه محطمة ..
بس خل ادبرلها شغل تعيش منه هيه وأمها..
لان اعرفها متتقبل مني فلوس كتلها كدين ..
وبعدين اصفي مصيري ..
جر حسرة
-انشالله اعرف عمر الي جان ويانه بالكليه يشتغل بشركة ال.......
بمركز مسؤول قسم خل نخابرة ونتفق انشوفه..بس بصفتها شنو بالنسبه الك..
واذا درو مطلقة شلون ..
-انا مااتركها كللهم بت خالتي ..واظل ادير بالي عليها من بعيد لتخاف
-اي يابه مالحب الا للحبيب الاولُ..
-ليش هوه اكو حب بكد حبي الها
———————
بعد يومين
وأنا أتريك والدي وحسن طلعو للمحل..وبس أمي تفتر بالمطبخ
باوعتلي وهيه صبتلها استكان جاي
-شبيك مصطفى صارلك من يوم المستشفى لهسه مو على بعضك
-يمه اريدج تسمعيني زين وتفهميني
-انشالله يمه بعيوني يهو غيري يفهمك مثلي انا
