فتاه من زجاج

البارت السادس

تـعــلـمـت
مــن هــذا الـزمـان ان لا شـخـص يـسـتـحـق الأمـان✋ , فـمـن أعـطـيـتـه
ثـقـتـي خـدعـنـي💔ومـن أعـطـيـتـه حـيـاتـي قـتـلـنـي😥, ومـن عـشـت
لأجـلـه عـاش لـغـيـري😔, فـكـيـف أعـيـش بـقـلـبـي الـحـنـون بـيـن
بـشـراً دائـمـا ً تـخـون💙💔

مريم: خاله بالمختصر المفيد كولي الحسن مريم تكول لو يبقى اخر رجل بالعالم مااقبل بي يصير زوجي

ام سرور: لا مريم عيب شنو هالكلام

مريم: لا خاله مو عيب

عليج الله هيج كوليله لو يبقى اخر رجل بالعالم مااقبل بي يصير زوجي

ام سرور: ماشي بنيتي راح اكوله

مشت الايام وحياتي مابين مد وجزر اتعودت ع كعده البيت اتعودت ع الملل والضوجه يعني صار روتيني الملل والضوجه صح بداخلي ضايجه بس صار عندي عادي هالشي اعتبرته جزء من روتيني

فد يوم اتصل خالي ابو عبدالله (هوة شيخ ع شيوخ منطقه ال  ) كال اكو ناس طلبوا مني عروس الابنهم وكالوا ماكو احسن من نسبك واحنا ماناخذ الا منك واني بناتي متزوجات وبصراحه هما خوش ناس اني اعرفهم عز المعرفه واجت ابالي مريم وكلت خل اكوللكم عليهم اذا تقبلون باجر اجيبهم عليكم بابا رحب بالموضوع طبعا بدون ما ياخذ رأيي (نسيت اكوللكم عبدالله من خطبني اخر مرة لحد هسه هوة من يشوفني بس يخزر بيه وابد مايسلم عليه واني هم مااسلم علي مغلسه هههه)

وثاني يوم اجوي الناس

خالو وزوجه خالو وابو الولد وام الولد والولد (اسمه مصطفى)

ام مصطفى: وج ام عبدالله شنو هالبنيه وين جنتوا ضاميها شنو هالجمال

ام عبدالله : والله هاي بنت اخويه وبنت اخت زوجي بنفس الوقت ههههه
مؤدبه واخلاق وما تطلع حتى احنا مشايفيها كل كم شهر يله نشوفها

ام مصطفى : ونعم التربيه ربي يحفظها

ام مصطفى : ( وهيه تباوع ع ام مريم ) شوفي خيه عن نفسي عجبتني البنيه وكؤلش حبيتها وبقى بس ابني مصطفى يشوفها واذا شافها انشاء الله بعد زيارة الكاظم نكطع مهر سيد ونسوي خطوبه وحلقات وكذا واذا تردون تسألون اسألوا منا لحد ما تخلص زيارة الكاظم (بعد لزيارة الكاظم ١٠ ايام)

اجا الولد شافني وشفته كان كاعد بالصاله يم الزلم وكالعادة احنا بالهول او الحولي واجا شافني وكعد يمنا شويه وحجا ويايه بس اني صامته مابدر مني ولا كلمه حتى ما شفته زين كاعدة ومدنجه

مصطفى :(يحجي وكلهن كاعدات عمتي ام عبدالله وامه وامي وطبعا عمتي ام رائد من سمعت راح يجون خطابه اجتنا)

شوفي يبنت الناس اني سايق كيه سيارة بأسمي
اطلع من ال٥ الصبح وارجع ب٣  الظهر ما امدحلج بروحي بس اني من الشغل للبيت ومن البيت للشغل حتى اصدقائي ما شايفهم ماعندي سوالف مال كوفي واركيله او جكاير صايم مصلي الحمدلله اذا صارت القسمه انشاء الله راح تعرفين اني شنو وشخصيتي شنو وانشاء الله مااقصر وياج