البارت التاسع
"فتاه من زجاج"
بقلمي"عذاري ال شمر"
مريم : طلعت دا امشي بالشارع وفتت من يم عمارة اكو بنيه جانت شايله مسواك وطفل وساعدتها وصعدت وياها لشقتها وصلتها ودا انزل من الطابق الثاني
انفتحت الباب وشفت حسن اول ما شافني كال
حسن : تعاي حبيبتي ( وفتحلي ايده ) وحضنته
وخرني من حضنه ولزم وجهي بثنين ايده وكال
حسن ( تهت والعافيه عيونج )
كتله عاجبتك عيوني كال اموت عليهن
محمد: مررررريم (يحجي بصوت عالي ) اكعددددددي
مريم : (بنتر) خرب يومك اكو واحد هيج يكعد
محمد: كومي يله كافي ورانا روحه
مريم : (بنتر) امشي ولي من يمي لا هسه اكوملك
محمد: (بصوت عالي)واني شعليه امي تكول خل تكعد حتى نخلص شغل من وكت ورانا روحه
مريم : تحجي بكلبها
افففف شدعيلك حمودي ع هالكعده عساك بوحده حوله وعورة وماعدها عقل
شلون حلم اووويلي يموووت (صاير عندي جفاف عاطفي اسم الله عليكم ههههه)
كمت من فراشي بكل حماس ونشاط غيرت ملابس النوم ونزلت غسلت وبديت انظف حتى كهوة ماشربت مستعجله اليوم الظهر حنروح لكربلاء ويه اقربائنا بسيارة ابن خالي كوستر عنده حيودينه وكل عائله تاخذ اكل وياها ونتعشا هناك
خلصت تنظيف البيت وبديت اسوي اكل (الطبخ من هواياتي من ادخل المطبخ اتفنن كأني رسامه وابدع برسمتي) سويت كبه بورك وبرياني بالدجاج وبيتنجانيه خلصت الطبخ واكلنا ع سريع ورحت سبحت ولبست البرنص وطلعت من الحمام اتوضيت ولبست جادر الصلاه وصليت الضهر والعصر خلصت وصعدت لغرفتي مشطت شعري ونزعت البرنص لبست سيلفي طويل من ورة وقصير من كدام فوك الركبه بنطرون كوبوي شال وردي وبوتين اوف وايت وجنطه جتف اوف وايت وعبايه خليتها بالجنطه من نوصل للامام البسها ما خليت مكياج بس واقي مال شمس وطبعا اني ابدل وماما واكفه فوك راسي نبع الحنان اويلي عليها خاف اخلي مكياج يله ويله هاي كل مرة نريد نطلع هيج تخبصني مو بس هيه كلهم ويكلولي بسببج نتأخر اخلص تبديل وانزل الكاهم بعدهم مامخلصين انوب اني اضل انتضرهم
نزلت لكيتهم مثل كل مرة ما مخلصين تبديل وبقيت انتظرهم وتالي اجوا علينا بالسيارة الكوستر ب٢الظهر
اباوع ع سيارة كلها رايحه بنات ام هدى وولد خالي ونسوانهم وبنات خالي صعدنا اني وماما وغسق وحمودي بابا ويوسف ماكدروا يروحون عدهم شغل
كعدت يم خوات هدى (تقى وسرى مواليد٩٩ توأم) كعدنا سوالف وضحك
ب٤ وصلنا لكربلاء خلينا السيارة بالكراج ونزلنا لبست عباتي
رحنا مشي قبل ماانروح للتفتيش رحنا للحمامات غسلنا وتوضينا وتوجهنا للامام الحسين (عليه السلام) زرنا القبر قريت دعاء الزيارة وصليت صلاه الزيارة قريت قران وبدينا رحله الاستكشاف هههههه اني وتقى وسرى
مريم : ماما حنروح اني وتقى وسرى نفتر بالامام
ام مريم : اوك ماما روحن بس مو تتأخرن
أنت تقرأ
فتاه من زجاج
ChickLitافتقد الحريه ولكنها امنيتي ان اكون حرة مذهبي الصدق ولكن مجتمعي يفتقد الصدق اشتقت للعشق ولكن قلبي مغلق الى اشعار اخر يسعى لترميم وبناء ذاته من جديد بقلمي عذاري ال شمر
