فتاه من زجاج

ايام الثانويه البارت الاول

اليوم كعدت ب١٠ غسلت وبدلت لبست بنطرون اوف وايت وبدي جوزي وسترة زيتوني وشال اوف وايت وفواكهن عبايه وبوتين زيتوني وجنطه زيتونيه مااخلي مكياج من اطلع اغسل وجهي بالغسول وجهاز الفوريو واني حلوة مااحتاج جنت بأيام زمان اخلي بس هسه تركته وقبل مااطلع فتحت فوني وطلعت اغنيه فيروز اسمعها بين مااسوي كهوة فيروز والكهوة ادماني الصباحي خلصت كهوتي ولبست عباتي وطلعت اروح لمدرسه اختي (غسق)احضر اجتماع اولياء الامور امي متحب هالسوالف واني اروح ابدالها رحت للمدرسه واول مادخلت اباب المدرسه رجعت بيه الذاكرة قبل سبع سنوات جنت طالبه بيها صف رابع ادبي
اعرفكم عن نفسي
اسمي مريم مواليد٩٦ شخصيتي تعرفوها من خلال البارتات الجايه
امي سمتني مريم تزوجت بابا وبقوا اربع سنوات ميصير عدهم اطفال وراحت ماما للكنيسه وعلكت شمعه لمريم العذراء وطلبت من مريم العذراء تدعيلها عد ربها يصير عد ماما اطفال ونذرت اذا تصير حامل وتجيب بنيه تسميها مريم وورة شهرين ماما حبلت بيه ومن ولدتني سمتني مريم
مواصفاتي طولي ١٥٥ وزني ٦٠ جسمي كؤلش حلو صدر والارداف عبالك ضاربتها بوتكس وكرشي مال وحده حامل بشهرين ههههه صغيروني😁 بيضه عيوني كبار صاحبه خدود خشمي صغير حلكي وسط بس منفوخ حواجبي عريضه رموشي كثيفه شعري طويل عايفته مااقصه صارلي٤ سنوات ماقاصته وهسه واصل لخصري شعري كيرلي مثل شعر مريام فارس بس اني كل فترة اسوي كيراتين بالمختصر وجهي يشبه المذيعه ختام الغراوي يعني(انثى بمعنى الكلمه) مو غرور وانما ثقه
عائلتي متكونه من٦ افراد ٢ ولد و٢ بنات وماما وبابا الولد يوسف ومحمد واني وغسق
نرجع للاحداث(رجعت اتذكرت ايام الثانويه)
جنت طالبه صف رابع احد الايام الدراسه
طبعا جنت اكعد بالاحضان والتبوس هههههه(كذب صدكتوا )يوميه رزاله من نبع الحنان جنت كوة اكعود اكعد ب٧ ونص ع سريع اغسل وابدل واطلع تجيني بت عمتي صف اول متوسط ونطلع مدرستنا ثانويه(متوسط واعداديه) ادخل للمدرسه مرات الكه الجرس داك ومدرسه بالصف ومرات الحك ع جرس
مريم :صباحو بنات🙋
الكل:صباحو مريوم
(سرور وضحى ومروة)الشله مالتي
سرور: هلاو حب 😍
مريم:هلا عمري
مروة:مشتاقتلج ام خدود (وهيه تكرص بخدود مريم)
مريم:اووووي وج هذني ماصارن بالسهل هالخدود كلها فلوس(تقصد ع اكل الكاكاو والنوتيلا والجباسه وووو)
ضحى:وج شو تعاي خل ابوسج😘 والله اتفائل بيج
مريم :اشكالولج عليه علويه وتتفائلين بيه وج كافي تبوسين بيه لو زوجي هم ميبوس هيج
كلهن يضحكن ع ضحى 😂😂😂😂😂😂
ضحى:وج كل هالجمال وميبوس بيج خرب
سرور:😕ضحى كافي ترة الجفاف واصل لذاك الصوب
مروة :😟يي والله كافي ولج
ودا نضحك ونسولف الدرس الاول شاغر
مريم: بنات اريد اروح اشتري من الحانوت منو تروح ويايه؟
مروة وسرور وضحى:بصوت واحد (اني)
مريم"😃😃يله كومن شبيجن عبالك مسجونات واعلنوا عن افراججن
دا نمشي
مروة"مريوم سويتي براشم لأمتحان الانكليزي
سرور:يي ولج دجه دبل كؤلشي ماقاريه
ضحى:يي والله خوب اني مطفيه من الابي
مروة:شبيجن راح تبجن 😄😄 مسويه مسويه لتخافن
نرجع للواقع
حارس المدرس :شبيج صارلج ساعه صافنه فوتي
مريم:طبيت للمدرسه بدون مااجاوبه
--هوسه المدرسه والطالبات وباوعت ع حانوت صايرة علي كتل عبالك هاي اخر مرة يشترن وياكلن ههههه ذكرني من دا نشتري من الحانوت اني والشله الحانوت ماعلي احد لان درس والكل بالصفوف بس احنا شاغر اشترينا كل وحده ليز بالفلفل الحار وقوطيه راني ماعدا ضحى اشترت بسكت ونساتل وليز حار وقوطيه راني ولفه فلافل وحب شمس عبالك صارلها اسبوع مماكله واحنا بس نصنف عليها
مريم:ها ولج شنو السالفه جنج مثل مجيعه افريقيا مشايفه اكل😂😂
سرور :ههههههه ولج شوفي جسمها شجابها ع مجيعه افريقيا (ضحى سمينه كؤلش جسمها يشبه الممثله نسمه) هيه سمرة وملامح وجهة حلوة بس جسمها مخربها
مروة :هههههههه خرب يومجن عوفنها خطيه اما ضحى وقت الاكل لو شما نحجي متجاوبنا هههه
رحنا للصف كملنا اكلنا ودك الجرس يعلن الدرس الثاني
وكبل حضرنا نفسنا
مريم :يله بنات مااوصيجن تعرفن كل وحده شتسوي😊 سرور تكعد بصفي مروة وضحى كدامنا اني اكعد بص الحايط واخلي بيني وبين سرور جنطتنا ونترسهن كتب من البنات حتى يصيرن عاليات وضحى تكعد مقابيلي مباشرتن حتى اغش براحتي ومحد يكدر يشوفني ومروة بصفها
المدرسه نسميها ام ستوري لان سمينه وخلفيتها كؤلش جبيرة😁 بصوت خشن يشبه صوت الزلم :يله بنات كافي تحوصن ضمن كؤلشي يتعلق بالانكليزي حتى اوزع الاسئله طبعتها الجن
مريم:وزعت الاسئله وكؤلشي مكتوب بالبراشيم جايبتهن بالامتحان😊😉
سرور:يله مريوم اريد البراشيم
مريم:لحضه بقالي كم كلمه(نحجي بصوت اشبه بالهمس) كملت وانطيتها البراشيم
سرور:ولج كؤلشي مدا افهم من كتابتج براشيمج كل وحده بكد اصبعي وخطج عبالك نمل
مريم :خرب يومج😤 ادري بيجن متفهمن شي من خطي انطيني ورقتج اكتبلج الاجوبه بس حضريلج ورقه خاف تجي المدرسه بالاعتبار هاي ورقه امتحانج
بنات انتن هم حضرن(اقصد مروة وضحى)
مريم :هاج سرور ورقتج مروش ورقتج انطينياها من جوة الرحله (المدرسه كاعده من سمنها متكدر توكف وتراقب ومن توكف علينا بالامتحان نغش ع راحتنا
مروة:هاج حبي😙
مريم :كملت ورقه مروش وانطيتها الها وكرصت ضحى مو جتف عبالك سفنج من السمن
ضحى:ها ولج تردين ورقتي
مريم :الله وايدج اذا ما تنطيها حتى اسلم ورقتي واطلع ايدي راحت
ضحى :لا ولج حبابه شنو تطلعين😣
مريم :اسكتي ام بطن لا تفضحينا انطيني دا تنطيني وجان يدك الجرس وهاي اتخبلت المدرسه كالت تخلص الفرصه واخذ الاوراق اخذت الورقه من ضحى كتبت ع سريع بس خباثه ماانطيتها ورقتها😉 وعفتها يمي وسلمت ورقتي للمدرسه ورجعت لرحلتي بحجه الم اقلامي وضحى شويه وتلطم حتى كامت تبجي😂😂😂
وجان تخلص الفرصه ويدك الجرس وبنات كامت يسلمن اوراقهن شمرت ورقه ع ضحى وطلعت😄😄😄
نرجع للواقع
ضليت كاعده ع مصطبات مال المدرسه انتضر تخلص الفرصه ومن بعدها يبدي الاجتماع
غسق:ها مريم شطالعه ولج لبسج يخبل هسه البنات دا يسولفن يكولن وحده لابسه عبايه وعليها كاريزما(جاذبيه) تخبؤل واجيت اشوفها طلعت انتي 😃😃
مريم:هجم بيتجن شمعرفجن بالكاريزما هههههههه والله جيل
غسق :😟شبيج تضحكين قابل احنا صغار مو كبرنا وصرنا صف اول متوسط
مريم:فديت الكبرت
غسق :تعاي اخذج يمي بالصف اعرف صديقاتي بيج😄 لان الاجتماع يتأخر لل١٠ ونص
مريم : المدرسه طابقين المتوسطه فوك والاعداديه جوة صعدنا فوك ونزعت عباتي لان بس بنات وذني صارن يمي مثل الذبان
غسق :(تحجي بفخر)تعالن يبنات هاي اختي مريم السولفتلجن عليها
البنات:الله شنو هالجمال
صلاوات شوف لبسها ستايل رغم تلبس عبايه
انتي شكد حلوة وفوكاها بدون مكياج
وضلن كل وحده تحجي شي ع جمالي ولبسي
اباوع عليهن شلون يسولفن ويتعاركن وكل وحده تدافع لصديقتها اتذكرت من جنت بالمدرسه يسموني حلاله المشاكل اي وحده عدها مشكله يدزوها عليه (متعاركه ويه حبيبها او متعاركه ويه طالبه او مشكله عائليه او تريدني اغششها ووووووو)
نرجع للواقع اجت صديقه غسق صحتني من صفنتي
رحمه :يله راح يبدي الاجتماع
مريم:يله غسوق ننزل
نزلنا كعدنا واسمع انواع الكلام ع الطالبات هاي العدها تلفون سري وهاي العلاقات وهاي التعوف الدوام وتطلع ويه حبيبها وهاي التشرب جكاير ووووووو والكلام ع جميع المراحل بحيث خفت ع غسق كؤلش
سألت المدرسات كولهن مدحن بأخلاقها وشطارتها وما طلعت استأذنت من المعاونه وبقيت لانها تعرفني وسمحتلي ابقى
واباوع عليهن صار الدرس الاخير وشلون يرتبن روحهن عبالك عدهن لقاء غرامي وهنا كولهن يله صف اول متوسط
رجعت اتذكرت قبل ٧ سنوات
خلصنا امتحان وخلصت الدروس لحد الدرس الاخير والمدرسه تشرح واحنا ولا يمها كل وحده تسوي شي عبالك عدنا سفرة واحنا كل وحده تجيب شغله هاي مرايه
وهاي مرطب
وهاي معقم ايد
وهاي كلينس رطب اني عليه المرايه تفتر مرايتي ع الصف كوله هاي ترتب حجابها هاي تمشط شعرها هاي تنفض صدريتها من التراب ووووووووووو المدرسه مستمرة بالشرح وتصيح وترزل بس اذن من طين واذن من عجين والكلام بين الطالبات مستمر
ارجع للواقع
اتفرج عليهن حتى مكياج يخلن اذكر من جنا بالمدرسه بس بنات الاعداديه اكو بينهن يخلن مكياج بس قليلات شو ذني بعدهن متوسطه ويخلن شنو هاي بقيت هيج👈😲 هههههه
دك الجرس
غسق :يله مريوم
مريم :يله حبي بس البس عباتي وننزل😊
رجعنا للبيت
ام مريم:هلا بالبنات
مريم :بوستها😗 هلا ماما حبيبتي شلونج
ماما :هلا حبيبتي بخير مادام اشوفج تضحكين
غسق:ها ماما السلام والبوس بس المريم😉
ماما:لا بنتي بس اختج الجبيرة بالاول وراها انتي😚😚
دانا بت عمتي وزوجه ابن عمي بيتهم بصف بيتنا
دانا:هلاو مريوم اليوم رايح للمدرسه
مريم :هلاو دنو يي والله ماعندي شي
ورحت
غسق:يله ماما متنا جوع
دانا:يي غسق اهم شي بطنها ياريت مبين😂ههههههه
مريم:يي ولج ولا مبين يله كلنا هيج جنا ضعيفات وشوي شوي صارنا رشيقات ومربربات ههههههههه
دانا:يي اهم شي مربربات (وضربت مريم ع ال...........
مريم: ايا منحرفه ولج كل ما شفتيني لابسه بنطرون وضربتيني
دانا :مو بيدي ههههههه الانحراف يجري بدمي😁
ماما:يله مريوم كومي بدلي حتى تصلين ونصب غدا
دانا :يي ولج كومي غسق كامت تنوح ههههههه شوفيها مخليه ايدها ع خدها وكاعده شويه وتكتلنا
غسق:تحجي بعصبيه وصوت اشبه بالبكاء !!شبيجن ترة جوعانه شنو واحد ميجوع راح اصب واكول ما انتضر احد😖😖
دانا ومريم :ههههههههه
مريم :بدلت وصليت وتغديت وصعدت غرفتي حتى انام ورحت لفراشي
نرجع لقبل ٧سنوات
مريم: نجحت من الرابع ادبي وضحى ومروة نجحن بس سرور طلعت مكمله صارت العطله وورة العطله بشهر اجتني سرور وامها استغربت اول مرة سرور تجي اتصلت بيه قبل ماتجي انطيتها العنوان وامي طلعتلهن ع شارع وجابتهن
بعد السلام واسؤال عن الاحوال وضيفتهن
ام سرور:شوفي ام مريم سرور صارلها كم شهر تكول المريم ع ابن اختي نريد نخطب مريم لحسن ابن اختي بس مريم كل مرة ترفض شوفي ام مريم بيت اختي حالتهم الماديه كؤلش زينه وعدهم محلات اقشمه بالشورجه يبيعون جمله وعدهم بيت مساحته ٣٠٠ متر وقطعه ارض ومحل ملابس رجاليه بسوك الكاظميه وهوة حسن واخو يتناوبون علي
حسن مواليد ٨٨ وعنده ٢ خوان و٢ خوات وامهم وابوهم وهوة البجر مثل مريم
اختي مو لان اختي وامدحلج بيها بس والله ماكو احسن منها كلبها طيب وكريمه ومتحب القال والقيل وتريد جنه تحسبها مثل بناتها وها نسيت اكوللكم بيتهم بمنطقه ال(،،،،،،،،)منطقه معروفه بغداد
وهما كل فترة يسافرون وكؤلش متدينين
مريم: ام سرور تسولف واني صافنه عليها هيج👈😲 شكد حجت اني من يمي تعبت هذا لسان لو شنو
ام مريم:شوفي اني مااكدر احجي شي اكول الابوها واسأل مريم واردلج خبر هاليومين
مريم :راحت سرور وامها وماما كالت البابا عليهم وبابا ماقبل لانهم (شروكيه) واني مدري ليش ضجت
مريم :وتالي اي واحد يخطبني لازم بابا يطلع بي لوله واذا شروكيه شبيهم الشروكيه قابل ياكلوني يعني (حجيت بضوجه)
ماما:اني مالي دخل راح اكول الابوج مريم هيج تكول وانتي وياه بعد
راحت ماما
ام مريم :ابو مريم وحجيتله شكالت مريم
ابو مريم:اوك دزيلهم خبر خل يجون

ماما:مريم ابوج اقتنع وكال خل يجون
مريم :ثاني يوم اجت ام حسن وام سرور يشوفوني لان ام حسن مشايفتني
ام سرور :شلونج ام مريم هاي اختي ام حسن
ام حسن : شلونج عيني
ام مريم : اهلا وسهلا بيكم الحمدلله بخير انتوا شلونكم☺
ام الحسن: الحمدلله😊
ام سرور: بخير☺
ام مريم :ام حسن ام سرور مدحت بيج هوايه واتشوقت اشوفج
ام حسن :تسلمين ام مريم من طيب اصلج ام سرور:العروس ماكو؟
ام مريم:لحضه بس اصيحلها تستحي☺
ها مريم وينج تعاي شبيج تستحين ولج!
مريم :مااعرف ماما هاي اول مرة هيج يصير بيه للعلم دائما يجوني خطابه بس هالمرة مدري شبيه
طبت مريم للصاله وهيه شايله صينيه الضيافه وقدمتلهن وسلمت عليهن وام حسن انعجبت بيها
مريم جانت لابسه كلبيه حريم السلطان لون فيروزي وفاله شعرها الكيرلي ومكياج خفيف
ام حسن: صلاوات شنو هالجمال
ام سرور :مريوم حلوة مو كتلج
مريم كاعده ومدنجه وماعت من المستحه والزاد المستحه المدح بجمالها
ام حسن :عيني ام مريم بنتج كولش عجبتني ومبينه كؤلش مؤدبه وسرور مدحت بأخلاقها كؤلش وانشاء الله من بعد اذنكم فد يومين ونجي اني وحسن حتى يتشاوفون
ام مريم :اهلا وسهلا بيكم بأي وقت
ام حسن :وبيج اكثر وميحتاج احجيلكم عنا اكيد ام سرور مسولفتلكم🙂
ام مريم :يي سولفتلي عنكم😊
ام حسن :يله عيني احنا نترخص يله ام سرور
ام سرور :يي خيه يله
ام مريم :ابقوا ع غدا (لانهم اجوا ب١١الصبح وطلعوا ب١٢ وربع ويه اذان الفجر) شعدكم مستعجلين
ام سرور وام حسن :انشاء الله ع غير مرة بعد زواج مريم وحسن 🙂
ام مريم :اهلا وسهلا بيكم نتشرف بيكم

بعد يومين

غسق :يله مريم اجوي
مريم:ها شفتي العريس
غسق : يي شفته حلو
مريم: لا بشرفج شلون شكله (تحجي بحماس)
غسق: هسه تنزلين وتشوفينه
نزلت للحولي(الهول البين الغرفه والمطبخ) لكيت ام حسن واخته الصغيرة وام سرور وحسن كاعد بالصاله يم بابا
مريم: السلام عليكم وبوستهن
زينب اخت حسن تهمس الامها:ماما شنو هاي شنو هالجمال تخبل
مريم :سمعت همس زينب الامها وكمت رحت يم ماما بالمطبخ لكيتها تحضر بالعصير كؤلش متوترة شربت مي ورجعت كعدت
اجا بابا كال حسن حيجي للحولي يشوفج كلي جاهزة كتله يي
اجا حسن يمه كلبي راح يوكف ما اتوقعته هيج الصبح اتصلت بسرور كالتلي شكله عادي بس سمين شوي وصارلها ٣ سنوات مشايفته
حسن :السلام عليكم
كلها ردت السلام صفن ع مريم جانت لابسه فستان طويل مخصر وردان ع لونين من يم الصدر اوف وايت حاصر الصدر وبي ٢ فيونكات صغار ومن جوة الصدر كلوشه لونها جوزي وشال اوف وايت وحذاء فلات اسود ومكياج خفيف
مريم :اني بالكوة ارفع راسي لان حسن صافن عليه بس انصدمت بشكله 😑😑😑😑😑😑😑😑😑😑😑