البارت الاخير
"فتاه من زجاج"
بقلمي "عذاري ال شمر"
- رُبما الأسباب هُيئَت وَ الجبرُ بات قريِب
-فاللهم _صبرا 💙"
النسوان انصدمن بيه وبكفشتي ههههه ماكعدن اكثر من عشر دقايق كبل كامن ماحجن ولا كلمه ههههههه
امي كالت ها طفشتيهن كتلها يي روحه بلا رده انوب اتزوج زعطوط طالب يدرس واهله يصرفون عليه اريد اتزوج اتلاثيني قافله ع ال اتلاثيني
ورة شهر
اجتي ام علي جيرانه كالت صديقتي شايفتج بالفاتحه وتريد تخطبج الابنها ويردون باجر يجون عليكم
اجني ثاني يوم شفتهن الام وبنتها الام كرديه وبنتها مواليد ٩٤ بعدها مامتزوجه عائله فري الولد مطلق ماعنده اطفال بيته وحده شيف بمطعم بالمنصور يوميته ١٠٠ بس هوة يشرب اني كبل رفضت
ورة اسبوع اجت ام علي هيه واخواتها ٣ وبنتها وبنات خواتها اثنين
اختها كالت شفتج بالفاتحه وعجبتيني وجايه اخطبج الابني كتلها ابنج يا مواليد كالت ٩٤ وبت ام علي كالت شاب كيوت كولش ومرتب ولبسه ع موديل تسريحات شعره ويرفعه ع طول ويحف
كتلها لا بيها الخير اذا هيج كتلها عيني اني اريد اتلاثيني فاهم عاقل مو عشريني كيووت وعوج بحلكي ههههه ويلبس ع موديل ورافع شعره وكذا
ما كالن شي طلعن
بيومها العصر اجتي بت عمي كالت صديقتي تريد عروس الاخوها وكتلها عليج
كلتلها لا لا شنو هال صدف اثنين عرسان بيوم واحد ههههه مو اني بضاعه وكتيلها عليه وشي اكيد راح تجي وتريد تشوف البضاعه حلوة لو لا
كالت لا والله خوش ناس والبنيه اعرفها وضلت تتوسل بيه وامي كالت لخاطري ( خطيه امي تريد تزوجني وتفرح بيه )
اجوي بليل ام الولد وبنتها
ام الولد تكلي شنو هاي عيونج ورموشج شمسويتلهن ليش هيج كبار وشنو لابسه عدسات انتي
بنتها كلتلها وهيه تضحك لا يمه هيه عيونها هيج كبار وحلوات ورموشها مبينات طبيعيات وطوال
عريس الغفله ماقبل يطب بقى بسيارته كاعد بس امه واخته وبت عمي طبن اخته كالت عجبتينا كولش راح اصيح اخويه يشوفج صاحتله ماقبل يطب تكول يستحي
حسيت عريس الغفله جايباته غصب خلن وراحن روحه بلا ردة
ورة ٥ اشهر
بقيت ع تواصل ويه رواء
راسلتي فد يوم سلمت عليها وحجينا
كالت مريم اريد اكولج شي كتلها كولي كالت ترى حسن ازوج صارله اسبوع
مريم : يا خطيه واخيرأ اتزوج مااتوقعته يتزوج لان اي وحده يخطبها ماتصير قسمته
مبروك وشايف كل الخير انشاء الله زواجه الدهر والولد الصالح انشاء الله
رواء (تحجي بتفاجأ) تسلمين حبيبتي
مريم من سمعت بزواج حسن اتفاجأت ماجنت متوقعه زواجه باركت لرواء ع زواج اخوها صح ضجت من سمعت بس ما بجيت ابد ولا انقهرت بس بصراحه ضجت مرت ايامي عاديه خاليه من القهر والضيم
حياتي اكل ونوم وشغل البيت نت خطار ما يخلصون هههه
أنت تقرأ
فتاه من زجاج
ChickLitافتقد الحريه ولكنها امنيتي ان اكون حرة مذهبي الصدق ولكن مجتمعي يفتقد الصدق اشتقت للعشق ولكن قلبي مغلق الى اشعار اخر يسعى لترميم وبناء ذاته من جديد بقلمي عذاري ال شمر
