البارت العاشر
"فتاه من زجاج"
بقلمي"عذاري ال شمر"
مريم (تحجي بفرحه) هااا لعد زوجها ترك موضوع الزواج هههه
اخذت الموبايل وما كلت البابا عمتي دزته الي
لانه ميقبل كتله دزته الامي بس هوة ٢٤ ساعه عندي بس كدام بابا ماالعب بي نزلت اول برنامج سناب وواتساب فيس ونزلت ماسنجر فتحت حسابي مال الفيس وفتحت الماسنجر لكيته كومه رسائل بس اكو رساله فاجئتني
مرحبا مريم اني رواء اخت حسن اريدج بموضوع
صفنت ع رساله وتاريخ الرساله قبل ٣ اشهر
هاي شتريد مني ومنين عرفت حسابي وليش راسلتني الف سؤال خطر ابالي والفضول صار يقرأ الف اني مو فضوليه بس رسالتها فاجئتني عفتها ماجاوبتها بقيت اتصفح ع فيس واجاوب ع رسائل صديقاتي بالماسنجر بس بالي يم الرساله كلت خل اجاوبها واعرف شتريد جاوبتها اهلا وسهلا بيج حبيبتي انتظرتها ل٢بليل وماجاوبت خليت ونمت
كعدت االصبح لكيت رساله منها كاتبتلي واخيرا جاوبتي قبل ٣ اشهر دزيتلج وانتي ماكو انخطبت واتزوجت وحبلت وراح اجيب ههههه شنو قصتج ليش ماكو
ضحكت ع رسالتها جاوبتها باركتلها ع زواجها وطلبت نحجي صوت اتصلت بيها
مريم : مرحبا
رواء : هلا حبي شلونج
مريم : بخير انتي شلونج
رواء : الحمدلله شي اكيد متفاجئه برسالتي
سرور انطتني اسم حسابج وطلبت مني اراسلج واعتذرلج ع السوته امها تكول اني والله مالي دخل بالموضوع هيه امي الحجت
مريم : ادري بيها سرور تحبني وعمرها مراح تضرني بس امها صدمتني مااتوقعتها هيج
رواء : صدكيني كولنا مثلج مصدومين بخالتي وامي اتعاركت وياها وحاليا هنا مايتحاجن بس صار عرس اقربائنا وشفت سرور وكلتلي اراسلج
مريم : اهلج شلونهم اخبارهم
رواء : اهلي بخير اخويه احمد الوسطاني اتزوج بس حسن ميقبل يتزوج لان (وحجتلها كل الي صار من مشاكل وسفر حسن )
مريم : ختمت مكالمتي ويه رواء بطلب طلبت نكون صديقات ونبقى ع تواصل ماعارضت ع طلبها
من حجتلي ع حسن وشلون تعارك ويه ابو علمود ابد ما رف كلبي علي احسه مو ملكي ولا حيكون بيوم ملكي رغم حبيت شخصيته من سولفتلي علي بس حسيت الي كان بكلبي اتجاه اعجاب وانتهى
بعد المكالمه سولفت الماما ع مكالمه لان مااضم شي عليها ورحت كملت تنظيف البيت وسبحت وصليت الضهر رحت للمطبخ اباوع ع طبخ امي طابخه باميه واني اتخبل منها مااكلها ابد
اتصلت ع خاله ام جعفر سألتها شطابخه حتى اروح اتغده يمها كالت صايمه تعاي اتغدي ويه الجهال اسويلج كبه او اي شي تردينه كتلها تالي عمري اكل ويه الجهال رحت ع دانا سألتها شطابخه كلتلي مركه شجر كتلها خرب يومج كالت شدراني اليوم اهلج يطبخون باميه جان طبخت غير شي رجعت للبيت غسق كالت اذا ماتاكلين باميه اني هم مااكل انتي شنو تاكلين اني اكل سويت اسباكيتي وغسق سوت سلطه خس واتغدينا
غسق اعتبرها بنتي مو اختي من هيه وصغيرة يمي اني الربيتها تسمع كلامي هوايه
رغم هيه عنوديه كولش ومزاجيه طفوليه وبريئه عكس بنات جيلها احسهن مشيطنات بس هيه حالها حال الاطفال رغم هيه بلغت وبرزت ملامح انوثتها بس شكلها عكس داخلها اليشوفها يكول بنيه شابه بس عقلها عقل طفله اتمنى تبقى بهاي الطفوله اخاف عليها هوايه مااريدها تختلط بنات اخلاقهن مو زينه للعلم اني اعرف صديقاتها كولهن مثلها طفوليات
عدها كروب ع فايبر ويه صديقاتها بموبايل ماما
مرات اقرأ محادثاتهن وبصماتهن مو شك وانما حرص او خوف عليها
اقرا محادثتهن كلها ع دراسه يحجن غير الدراسه ماعدهن كلام
اني بالنسبه الها المثل الاعلى احسها تريد تصير مثلي كشخصيه او اسلوب او ثقافه رغم اني ما مكمله دراسه بس مثقفه
تحب تقلدني هوايه المكان الاني ما موجوده بي ابد ماتتواجد بي
تسولفلي كولشي يصير بحياتها متضم عليه اي شي امي تكول احس انتي امها مو اني متسولفلي شي بس الج
اعرفها من رمشه عينها من حركه اطرافها افهمها مثل روحي
أنت تقرأ
فتاه من زجاج
ChickLitافتقد الحريه ولكنها امنيتي ان اكون حرة مذهبي الصدق ولكن مجتمعي يفتقد الصدق اشتقت للعشق ولكن قلبي مغلق الى اشعار اخر يسعى لترميم وبناء ذاته من جديد بقلمي عذاري ال شمر
