🍃الحلقه 5 🍃
- وخش رقد وبعد شويه جت ماما ، تاني يوم مشيت للجامعه -
انا شهقت : انشاءالله ليليان غااايبه😱
اينور : عمرها طويل اهي جت
ليليان : صباحوو
انا : صباح النور ، اهوا سلسالك
ليليان : ثاانكس
انا : ولكم
ليليان : وين سندس
اينور : مشت مع عمار😒
انا : وانتي خيرك مامشيتي مع منير🌚
اينور : فكيني منه ( واتقلد في صوت منير ) "عندي اختبارات بعد يتمو انجيك ياحبي" حبنك صواريخ سكود يالكلب
انا وليليان نضحكو: 😂😂
اينور : ايه ايه اضحكو😒
انا : باهي بنقوللكم حاجه🙈
ليليان : شني
انا حكيتلهم ع أيهم : انظني انظني🙈 بديت نحبه🙊
اينور : حباتك قراده بعشر عيون يازفته ، من قلت الولاد الي ف الجامعه ماحبيتي إلا هالفرخ
انا : خيره
اينور : مش عارفه الولد هذا لاعب على بنات هلبا ، حتى منير طايرتله منه
انا : بس انا غير عليهم
اينور : ليليان قولي حاجه😩
ليليان : مش مرتاحه لموضوعه ردي بالك منه بس
اينور : هذا الي قدرك عليه ربي😒
ليليان : شن بنقوللها يعني 😒
اينور : قوليلها انه مش كويس انه فرخ مش تمام فوتيه ، وانه فارس ولد عمك يحبك🌚
خبطتها بشنطتي : حببه الحب وغضب الرب😒
ليليان : ليش تكرهيه😂
انا : مش عارفه من ربي😂
اينور : خطرها امس جمعه اكيده تلاقيتو شن صار من تحديات ورهانات😂😻
انا : علي واسلام تحدو سمر اخت فارس تشرب طاسة اميه🌚
ليليان : عاديه هذي
انا : مخلطه بي طماطم حكه وملح وفلفل مسحون💔🌚
اينور شهقت : بيسمموها هذوما
انا : قالولها كان شربتيه نعطوك 20دينار 😂وشرباته وخذت الفلوس وعدت للحمام حشاكم رجعاته كله💔😂
ليليان تضحك : ياروووحي
انا : وقتيبه واصيل تحدو هنيده تاكل 5 قرون فلفل شطه وكلتهم وربحت التحدي💔😂
اينور : حي عليها ههههه وشن دارت
انا : ت ف الليل قعدت اتزغرت😂
أنت تقرأ
انتقام الأميره💀👑
Actionانتقام الأميره💀💔 الروايه الي تحكي عن بنت لقت روحها زي اللعبه بين ايدين الي تحبه ، ولعت فيها ناار🔥لما اكتشفت هالشي ، وقررت تنتقم منه... ياترى! ح تقدر تنتقم منه وتطفي النار الي فيها او ح تصبر وتوكل امرها لربي وترضى بالواقع؟ *مكتمله* "الروايه الفائز...
