🍃الحلقه 7 🍃
ماما تنهدت : امك ف... ( وسكتت معش قدرة تتكلم )
ليليان زاد عياطها : ومامااا وييين امي وييينهاااا ، الله والنبي ياعمتي ما اتقوليلي لحقاته ( تقصد باتها )
انا : امك ف العنايه متخافيش
ليليان : اااااااااه ياربييييييي
- وطاحت ليليان اغمى عليها ، رفعوها للغرفه ونادولها الممرضه ركبتلها تغديه وبعدها بشويه ناضت -
انا : لونا
ليليان تبكي : وبيي عدا واميمتي بين الحياه والموت هدا شني ياربي💔😭
انا نبكي : خلاص ياروحي معاش تبكي ان شاء الله اتنوض بخير😢
ليليان قعدت تبكي بعدها ناضت
انا : وين ماشيه
ليليان : بنمشي نشوف ماما
انا : استني
جت ماما مسكتها : امك بخير توا قالهالي قاسم
ليليان : لا نبي انشوفها
ماما : ت واللهي بخير امك
ليليان بصوت عالي : نبي انشوفها حوولوو حوولوو ( قعدت ادف فيا انا وماما جت الممرضه اعطتها ابرة مهدء ورقدت )
انا : ياروحي لونا😢شن صار فاها امها
ماما : بوك قال طلعت من العنايه وحالها باهي
انا : الحمدلله ، ورؤى
ماما : رؤى كويسه في تخشبيش وكدمات في جسمها بس
انا : كيف طاحت الطياره وامتى
ماما : ف الصبح صار فاها عطل وطاحت بيهم قريب من المطار ، وبوها توفى وامها واختها قعدولها
انا : يارووحي 💔
- قعدت نبكي ع ليليان وماما حضنتني ، بعدين خش بابا -
بابا : رقدت؟
ماما : ايه
بابا : ح تقعد عندنا الفتره هذي هيا وامها لانه بوها قبل لا يموت وصاني بيها واختها
انا : قصدك مات هنا ف المستشفى؟
بابا : لما طاحت الطياره سعفوهم بسرعه وفي واحد صاحبي يشتغل ممرض اتصل بيا وقالي عليه ، ولما جيت لقيته يحتضر بيموت ، قالي " بناتي انوصيك فيهم ، اني بنموت ياقاسم وهما لاعندهم خال لا عم ، نبيك انت تتكفل بيهم "
ماما : شن قتله
بابا : قتله بناتك فعيوني ، شن بنقوله لا مثلاً بعدين هوا كان رفيقي من لما كنا صغار
انا : توا ليليان واختها وامها بيسكنو معانا
بابا : اي ، ومانبيش حد يضايقهم بكلمه
أنت تقرأ
انتقام الأميره💀👑
Actionانتقام الأميره💀💔 الروايه الي تحكي عن بنت لقت روحها زي اللعبه بين ايدين الي تحبه ، ولعت فيها ناار🔥لما اكتشفت هالشي ، وقررت تنتقم منه... ياترى! ح تقدر تنتقم منه وتطفي النار الي فيها او ح تصبر وتوكل امرها لربي وترضى بالواقع؟ *مكتمله* "الروايه الفائز...
