🍃الحلقه 14 🍃
انا : اهو طلعلك ( وبديت انصور ف الفيديو ) احم احم ، اعزائنا المشاهدين تعالو انشوفو شيف ليليان شن اتحضرلنا الليله ع العشي😂
ليليان : ووك فكيني منك ومن فيديواتك درهتيلي كبدي
شبحتلها وقلبت شواربي زي البيبي : اعصاابك خربتي الفيديو
ليليان ضحكت : خله يخرب
اينور : صورنا زوز فيديوات ساد 😂 خ ناخدو سيلفي😚
ليليان : ت ياااسركم من التصويير قريب ميه سيلفي خديتوه ومزال تبوووووو ، ت وووك
انا مزلت انصور في فيديو : وهاااذي ليليان درهت كبدها وانفصلت 😂
ليليان : ياعنشكلك ان شاء الله مزال اتصوري😱
انا : واهي بدت ف السب🌚
ليليان مدت لسانها وطبقت ايديها : انننن
انا : والله اتهبلي بحركاتك الي زي العويله الصغار😂
ليليان : صكري الفيديو وخ انكملو العشي😂
- صكرت فيديو وطيبنا العشي وخشينا صلينا المغرب بعدين حطينا العشي وغسلنا المواعين وقعمزنا انهدرزو -
- الساعه 3 ف الليل كنا نحنا التلاته مفرشين ع الارض وراقدين بحدا بعض -
ليليان غامه روحها باليرغان وخايفه : فرخه اينوور بلا حرق اعصاب اكتر😣
اينور قعدت تضحك علاها : لونا خيركك
ليليان : من الاخير انا خوافه وانخاف من قصص الرعب اسكتي
انا مدايره زي ليليان : والله نحس في روحي خايفه خلاص فوتيها القصه معاش نبوها
اينور : خلاص قريب انكملها ، بعدين الراجل يمشي في نص الطريق بدت المطر اتصب والبرق والرعد يخبطو شاف حوش مهجور مشاله ، قال " سـ أبقى هنا حتى تنتهي العاصفه" وياقعدته السوده في هداكا الحوش لانه كان مسكون👻
انا وليليان لصقنا في بعضنا من الخوف وقلنا بصوت يرعش : بببعدين
اينور : قعد مقعمز في نص البيت شاف ظل وسمع حاجه اتخبط الروشن ، ولما تلفت لقاها....
ليليان : لقاها شنو احكي
اينور : لقاها شجره مدايره ظل زي الغوله فوسط الصاله والريح اتحرك فاها مخليتها اتخبط ع الروشن
ليليان تنفست براحه : به بعدين
اينور : بعدين كثرو الاصوات ع الراجل فوسط الحوش وخاف ، شاف ظل راجل واقف قدام باب الصاله
انا بعدت عن ليليان : ت احكي ظل من الي طلعله ، اكيده صاحب الحوش الي هوا فيه صح؟!
اينور وقعدت تحكي ببطئ وصوت واطي : قعد يمشي يمشي يمشي وتلفتله صاحب الظل و...
أنت تقرأ
انتقام الأميره💀👑
Aksiyonانتقام الأميره💀💔 الروايه الي تحكي عن بنت لقت روحها زي اللعبه بين ايدين الي تحبه ، ولعت فيها ناار🔥لما اكتشفت هالشي ، وقررت تنتقم منه... ياترى! ح تقدر تنتقم منه وتطفي النار الي فيها او ح تصبر وتوكل امرها لربي وترضى بالواقع؟ *مكتمله* "الروايه الفائز...
