انتقام الأميره💀👑

🍃الحلقه 17 🍃

🍃الحلقه 17 🍃

- الساعه 2 ف الليل اتصلت بيا ليليان مره تانيه -

انا : هدي خيرها تتصل توا ، حي كان ما امها صارتلها حاجه😱 ( ورديت ) الو شن في؟ من مات؟ عمتي سميره كويسه؟ رؤى فيها حاجه؟!

ليليان : كويسين كلنا الحمددله خيرك اتفاولي علينا

انا : مالا ليش متصله الساعه تلاته ياحيوانه يلي لاتعرفي ترقدي لا اتخلي الناس ترقد 

ليليان : بنقولك ع موضوع

انا : شنو ، ان شاء الله مايطلعش موضوع تافه بس

ليليان : لالا ، خلاص قررت ، بنوض الساعه 6 اندير حاجات لضيوف الي بيجو ف الليل ، وهكي نلحق نمشي مع ماما للعزومه شن رايك ... امييره ... وين رحتي ( وشهقت ) ريت التاااافهه صكرت في وجهي 

انا : هذا ماناقص منوضتني من الساعه اتنين بيش اتقولي هالجمله الجميله😒 ( ونضت بنصكر الروشن شفت واحد طالع من معمل جدي ويتلفت حواليه ، زي الي خايف حد يشوفه ، حسبته فارس مادورتش صكرت الروشن ورقدت )

- نضت ف الصبح على عياط جداي ، نزلت مخلوعه ، ومنظري اتقول مجبوده من قبر -

انا : خيركم شن في ( لقيت اجديده تبكي وقعمزت قدامها ومسكت يدها ) اجديده خيرك تبكي شن في

جداي تبكي : جدك

انا : خيره

جداي : ف المستشفى

انا : ووه عليا جدي خيييره😱!!!!

جداي : مبارح جي واحد الله لا ايوجه له الخير ، سرق حاجات جدك وهرب وجدك رعش لما لقى معمله مسروق طاح ورفعه فارس للمستشفى 

حطيت ايديا ع فمي من الصدمه

انا : ب ب باهي كيف حاله جدي توا

جداي : مش عارفه

انا : تو نتصل ب بابا ( اتصلت بي بابا مايردش ، اتصلت بفارس ) اه .. الوو

فارس : نعم

انا : جدي ككيف حاله؟!

فارس : الحمدلله كويس ، وتو شوي تاني وانجوكم ( وصكر )

انا : اجديده معاش تبكي خلاص ، اهو فارس قال جدي كويس الحمدلله وتوا مروحين

جداي : الله لا اتربحه ( وقعدت تدعي ع الي سرق المعمل ) 

مشيت جبتلها اميه وقعمزت قدامها : باهي كيف وامتى 

جداي : مبارح ف الليل جرّت ولد حرام خاش معمل جدك وسارق الي هناك وهارب 

قعدت نتفكر ف مبارح ، يعني الي شفته كان الولد الي سرق مش فارس😱

انا : اي باهي باهي اجديده معاش تبكي خلااص 

- وبعد شويه وجو فارس وجدي -

انا : حي بابا يرن انقوله؟

جدي هز راسه بمعنى لا