🍃الحلقه 10 🍃
- وطلعت رديت ع ايهم في معمل جدي ( كان معمل كبيير وكله مصنوع من الخشب صنعه جدي وساعدوه عمامي ف البني ويخدم فيه في حاجات خشبيه دمى وتحف وغيرها😁) -
أيهم : الوو وين رحتي
انا : نشم في ريحة دوخان
أيهم ضحك : من وين بيجي الدوخان تو😂بالك اهلك يشوو
انا : اي بالك ....
أيهم : الوو ت وين رحتي ياهم😒اميره الوو اميره
انا بعد زادة ريحة الدوخان تلفتت ورايا لقيت نار راكبه ف المعمل😱🔥وانصكها عيطه
أيهم : ت خيرك
انا : حي عليا يا أيهم ناارر ناارر
أيهم : نار شني
انا بخوف : المعمل ينحرق حي علياااا
أيهم ببرود : ماعندي مانديرلها
انا قعدت نبكي ونعيط : وووووووه عليااااا ماماااااا بابااااااااا جدوووووو الحقونييييي نااار😭
أيهم شكلها بتنحرق هذي ، يلا نمشي نرقد وبكرا انشوفها ماتت ولا لا ( وصكر الخط )
( جدي وبابا وعمي رجب ، واجديدا وماما وعماتي منيره ومنار ؛ وولاد عمي كانو الي قاعدين علي وفارس وخوي قتيبه ، الباقي طلعو مع صحابهم بعد العشي ؛ والبنات كلهم رقدو إلا هنيده ؛؛ وكانت الساعه 11 ف الليل )
كلهم👆 مقعمزين ف الصاله يهدرزو مايندروش عليا لعند نزلتلهم هنيده اتعيط ، كانت الوحيده الي تعلم اني خاشه للمعمل
سحر : خييرك اتعيطي
هنيده : ناار ناار 😭
فارس وقف : وينها
هنيده : النار والعه فمعمل جدي وأميره فيه💔😭
كلهم وقفو : شنوووووه
وطلعو يجرو برا وسمعوني نعيط
كنت خااااايفه ونبكي ونعيط وصايره فيا حااالهه : بابااااااااااااا ياربي اااه ساعدني ياربي ياربي 😭 ساعدووووونيييييي ماماااااا قتيبةةةةةةةة الحقوووننني 💔😭احه احه ( وقعدت انكح حاولت نطلع لكن النار كان والعه ف الباب ...بعدها النار ولعت ف المعمل كله )
ماما قعدت اتخبط في وجهها وتندب : حي عليا بنيتي 😭
عماتي منار ومنيره واجديده قعدو يهدو فاها ويبكو
بابا وجدي وعمامي وولاد عمي قعدو يكرو ف الميه ويحاولو يطفو النار
قتيبه : أميره 😨 ويجري يبي يخش المعمل يساعدني لكن مسكه عمي رجب
قتيبه : ت اطلقني ياعمي اختي داااخل حووول ( ويدف في عمي رجب )
رجب ماسكه بالقوه : ما اتشوفش ف النار انت ولا شنو اثبت مكانك
أنت تقرأ
انتقام الأميره💀👑
Acciónانتقام الأميره💀💔 الروايه الي تحكي عن بنت لقت روحها زي اللعبه بين ايدين الي تحبه ، ولعت فيها ناار🔥لما اكتشفت هالشي ، وقررت تنتقم منه... ياترى! ح تقدر تنتقم منه وتطفي النار الي فيها او ح تصبر وتوكل امرها لربي وترضى بالواقع؟ *مكتمله* "الروايه الفائز...
