🍃الحلقه 6 🍃
ليليان تلفتت وشهقت
انا : خيرك ياهمي خلعتيني
ليليان خشت تجري مسكت تليفونها واتصلت بي امها
ماما : خيرها
انا رفعت كتافي ونزلتهم : علمي علمك
سميره ( ام ليليان ) : مرحبا
ليليان : مرحبتين ماما مشيو للمطار ولا مزال
سميره : توا بوك يركب ف الشناطي بنمشو للمطار
ليليان : ماما شنطة دبشي وييين😩
سميره : مش ناسيتها توا واحني ماشيين بنجيبهالك
ليليان : باهي هي سلام
سميره : سلام
- صكرت وجت ليليان قعمزت بجنبنا -
ماما : خيرك
ليليان : نسيت شنطة دبشي😅
انا : رعشتيني الله يرعشك
ماما : عيب😒
انا : مش قلتي ليليان زي اختي🌚
ماما : كانهادا تدعي علاها 😒
انا : اختي مه😂
ليليان وماما ضحكو : 😂😂
- وقعدنا نهدرزو شويه وجت ام ليليان -
رؤى تنادي : لوووناا لووونااااا
ليليان : غلاتي😭❤️ ( حضنتها وقعدت تبكي )
سميره : اهيا شنطتك ، والشنطه الصغيره فاها فلوس ، كان احتجتي شي ولا بيمشو للمحلات امشي معاهم عادي
ليليان : به😔
سميره : ما تبكيش بنيتي اسبوعين بس ونرجعو
ليليان : بنستاحشكم😢
سميره : حتى احني
بوها : هيا وقت ع الطياره
ليليان حضنتهم بقوووووه كإنها آخر مره ح تشوفهم ومشو
ماما : هي نوضو انشوفو شن بنديرو العشي
- ونضنا للمطبخ -
انا وليليان في نفس الوقت👇
انا : طاجين دجاج
ليليان : رز بالخلطه
ماما : 😕
شبحنا في بعض وضحكنا 😂
ماما : باهي رز بالخلطه ومعاه طاجين دجاج
انا : اي
ماما : تعرفي اديريه ليليان؟
ليليان : اي نعرف انديره
ماما : علميها الي جنبك اه ما نوصيك😒
انا : ضروري اديريلي تاق ف كل يمي
أنت تقرأ
انتقام الأميره💀👑
Acciónانتقام الأميره💀💔 الروايه الي تحكي عن بنت لقت روحها زي اللعبه بين ايدين الي تحبه ، ولعت فيها ناار🔥لما اكتشفت هالشي ، وقررت تنتقم منه... ياترى! ح تقدر تنتقم منه وتطفي النار الي فيها او ح تصبر وتوكل امرها لربي وترضى بالواقع؟ *مكتمله* "الروايه الفائز...
