🍃الحلقه 9 🍃
خذيت نفس طوييييل وحكيتله ع ايهم
قتيبه قعد يشبحلي مصدوم ويفنص عيونه بطلعووو
انا خفت : توبتي خوذ نفس واهدى
قتيبه غمض عيونه : ممكن اتفكيني
انا : بتضربني ؟!
قتيبه انفصل : اكيد لا ، بنعطي حضن ل اختي الكلبه الحيوانه الحقيره الي تعترفلي انها ماشيه في طريق خوتها واتحب فرخ ، ورابطتني بيش مانظربهاش!!!
انا خفت : قتلك اسفه
قتيبه : ايه كان اعتذرتي توا معناها بنسامحك صح ( وعلا صوته ) اميره يا@£& فكيني
انا : منيش انت ح تضربني
قتيبه : من قال بنضربك؟ اني مش بس بنضربك بنكسرك فكي د&£&امي خ نربيكككك يا@£&&
انا : قتيبه خلاااص
قتيبه : ت شن الي خلاااص
انا : خلاص عادي يعني
قتيبه : ههها لا عادي حق ، اختي اتقولي اني انحب وعادي صح ، عنجد هذي وخلاص ، اميره فكيني والله نطربق جد ام الحوش فوق رااسككك ياحقيره (ووك ياقتيبه طلعت تخوف وانت فااصل😣)
انا : منيش انت بتضربني
قتيبه : ت بنضربك مالا شن ، انشوفك اديري غلط وانخليك؟! شن تحسابي انتي
انا نزلت راسي : لكن نحبه
قتيبه : واتقولي فيها بكل برود ( وبهدوء قال ) اميره اطلعي برا خير ما نقتلك توا
انا : تقتل اختك لانها حبت!!
قتيبه : تحسابيها حاجه سمحه يعني؟! ت فكيني والله لا انربيك يا&£&😡
انا : شن تربيني هذي امي وبوي شن وظيفتهم
قتيبه : للاسف ربوك ، ونسيو يعلموك انه الي اديري فيه غلط يا أميره افهميني غلططط الي درتيه
انا طرمت شواربي زي البيبي وقعدت نشبح فيه
قتيبه : وااااه يافرخه حسك قهرتيني ، فكي اصلي
انا : منيش لو فكيتك بتضربني
قتيبه : بنضربك مالا على شن عابيه ، يا أميره غلط غلطط غلططط الي درتيه الزح شن اندير فيك
انا : ما ادير فيا شي سامحني بس
قتيبه : واللهي ؟!
انا قعدت نبكي : والله عارفه انه الي درته غلط بس توا خلااص مانقدرش نسيبه تعلقت فيه
قتيبه : وااااااك ت قهرتيني ياكلبه قهرتيني
انا : اااااسفه
قتيبه خذي نفس طوييييل وغمض عيونه
انا نبكي : قتيبه اسفه سامحني
أنت تقرأ
انتقام الأميره💀👑
Azioneانتقام الأميره💀💔 الروايه الي تحكي عن بنت لقت روحها زي اللعبه بين ايدين الي تحبه ، ولعت فيها ناار🔥لما اكتشفت هالشي ، وقررت تنتقم منه... ياترى! ح تقدر تنتقم منه وتطفي النار الي فيها او ح تصبر وتوكل امرها لربي وترضى بالواقع؟ *مكتمله* "الروايه الفائز...
