صحيت بدري كالعادة على صوت المنبه وهو بزن في راسي (اسوأ اختراع ياااخ قدر ما تقفله تاني بيشتغل )دخلت الحمام استحميت و جهزت للجامعة . لبست اسكيرت اسود و بلوزة كبدية و طرحة بنفس لون البلوزة و عملت ملمع و ايلاينر (للاسف ما اتعلمت اتكحل) نزلت سلمت على سماسم حبيبة قلبي (مامتشي) و لقيت الاخوة الكرام لسه نايمين. ودعت امي و نزلت دورت عربيتي و على الجامعة.
$وقفة $
تعالو اعرفكم على نفسي انا اسمي رينا 20 سنة تالتة جامعة بدرس طب الخرطوووووم و امي (سامية) وابوي (محمد) .ابوي اتزوج ماما صغيرة شدييد عشان كدة ما قاعدين نناديها ب (امي) الا قدام الناس . واخواني الجميلين طبعا.
برضو عندي اخت اسمها جني دي قلبي ياااخ متزوجة وعندها ولد اسمه ♡♡ حموووووودي♡♡ . يلا احنا عندنا بيتين بيت مسمنه البيت الكبير عشان ما بنفتحه الا لعزومة او مناسبة و هو بالجد كبير . ام البيت التاني هي عمارة كل واحد من اخواني بنى طابق و سجلوا باسمه و خلو الطابق الارضي لي انا وسماسم و بابا
نرجع بالله
وانا في السكة تلفوني ضرب رديت :جوزتيييييي صباح الخير
*":حيجي من وين الخير وانا عربيتي خربانة ي لوزة
انا:معقولة بس ي جوزة اصلا انا قريبة ليك طوالي بجيك
:*بالجد ي رينا
انا:اي بالجد انتي اوختشي ياااخ . سريع بس ما تأخرينا بالله
*:ااخرك كيف اذا انا واقفة قدام باب الشارع
انا:اقطعي وشك سلام يلا
تعالو اوريكم شلتي عشان ما تتلخبطوا اولا دي جوزة اصلا اسمها سما بس انا بقول ليها جوزة وه ي بتقول لي لوزة (لمن كنا في الثانوي كان كل الاساتذة بقولو لينا جوز اللوز و بقولو لينا مستحيل نلقى واحدة فيكم من غير التانية ومن هنا جا الاسم ) باقي الشلة : الاء {لوووشي} شهد {شحوودة} و ريم {مريم}(دا اسم دلعها هههه)
وصلت بيت ناس سما لقيتها مافي قدام الباب دقيييت ليها البوري شديد حتى نزلت قلت ليها : ي رمة ما قلتي (وبقيت بحاكي في صوتها) واقفة قدام باب الشارع .
جوزة:اعمل شنو ياااخ جعت وانا منتظراك . انا:وااااااي ما زلت جحمانة كما عهدتك .سكتت بس بقت تحمر لي . بعد شوي لوووشي ضربت رديت لقيت باقي الشلة كلها بتكورك في اضاني لمن قربت اعمل حادث حتى سكتوا . بعد شوي شهد قالت لي:الليلة سجمكم الدكتور دخل وووبعلي الاء اقفلي التلفون سريع قبلي ما يشوفك. و قفلوا الخط الرمم . قرررربت ابكي قلت لسما : والله ي سما اصل متاخرة والقى الدكتور دخل و ما يرضى يدخلني تاني لا صحبتك لا بعرفك.قالت لي :كدي خلينا نصل بالسلامة اول شي بعدين انا البنات ديل ما واثقة فيهم . بعدها وصلنا ركنت العربية سريع سريع وجري على القاعة دخلنا لقينا القاعة فاضية والزفتات ديك قاعدين ورا اول ما دخلنا قعدو يضحكوا قالو لينا منظركم كعب شدي وانتو مخلوعين . طبعا ما خليت نبذ حافظاهو ما رميتو فيهم والعجب سما عاد ما قصرت لمن بقيت بهدي فيها . قلت ليهم : بالرغم من كل العبط الحاصل ليه مافي محاضرة . الاء:الدكتور لغاها . شهد : رايكم شنو نمشي شارع النيل . كلهم وافقوا الا انا قلت : بعربية منو ان شاء الله؟ . ريم : بعربية منو في رايك .انا:هوووووي كلو والا عربيتي اخر مرة ركبتو فيها خليتوني اعمل ليها كوافير عديل بري بري منكم.
فضلو يحنسوا فيني لحدي ما قلت : طيب بوديكم بس اي حاجة اشتريها تدفعوها انتو . اترددو شوية و بعدها وافقوا على مضض .اتجركنا و الشارع كلو نغني لغاية ما وصلنا نزلتهم بركنت العربية وجيتهم لقيت معاهم ........
