لقيت معاهم هيثم واحد زميلنا معانا في نفس السنة ، في سنة تانية اعترف لي وانا رفضت اني ارتبط معاهو علشان في نفس العمر و من اليوم داك فضلنا زملاء بس لسه في حساسية بيناتنا وكدة .
قلت في نفسي وانا ماشه عليهم :"اخخخ الجزم ديل واقفين معاهو ليه كدة حيخلوني اضطر اسلم عليهو اووووف ما مشكلة يلا". جوزة عاينت لي لقتني جاية عليهم عرفتني حاتضايق و اشرت للوشي نظام ارح وكدا بس انا كنت خلاص وصلتهم و عديييت الموضوع عادي شديييد سلمت على هيثم بعداك قلت ليهم: يلا ي بنات ارح عشان ما بقدر اتاخر. هيثم قال لي: ممكن اوصلكم ما عندي مانع . قلت ليهو شكرا والله لكن عربيتي موجودة ، نمشي ي مزز.
طوالي اتحركنا على العربية خرب لينا الطلعة زاتو اوووف ، شهد قالت لي واحنا في العربية:اصلا ما كان في اي داعي نمشي شارع النيل قلة ادب ساي بس. الاء قالت:يعني كدة الطلعة خربت. كلهم حمروا ليها نظام اسكتي طوالي قلت ليها :منو القال كدا اصلو الليلة ما بنرجع كان ما لفينا . بقو مصدومين شديد ريم قالت لي متاكدة!؟ قلت ليها اججي البخليني ما متاكدة شنو ، شغلو لينا اغاني بالله. طوالي سما شغلت لينا الغنية البتقول الليلة ووب عاين وراك سجمي ورمادي اخوي هداك . هججنا فيها هجيج غايتو نسيت الموضوع . واحنا في العربية ريم تلفونها ضرب كان حمادة حبيبها طوالي قفلت الاغاني والشباك وسكتتنا كلنا عشان تنكلم معاهو معفنة خلاث . اظمو سالها انت وين قالت ليهو بصوت كدة استغفر الله بس :في الجامعة حبيبي. احنا طبعا كلنا اتخلعنا فيها دي منو دي .
بعد شوية قلعت عيونها و قفلت منو و ققت تكورك ووووب رجعوني الجامعة سريع حمادة جاييني هناك .
قلت ليها:براك كضبت و قولني ليهو انا في الجامعة استحملي يلا . حنستني زييييين (زين ولا اريبا نيهاهاهاي ) حتى وافقت. وصلتها الجامعة و بعداك مشينا ايطالي بيتزا سنتر ضربنا ضرب غايتو قلت ليهم ما قادرة اتنفس زاتو.الاء وشهد قالو دايرين ايسكريم . جوزة حمرت ليهم وقالت : غايتو اكل السوسة والعافية المدسوسة . شهد:الله اكبر خمسة وخميسة .
قلت ليهم: اطلبو سفري عشان الزمن . طلبوهو واتحارجنا وصلت شهد والاء اصلا قريبين لبعض فضلنا
انا و سما في العربية لاحظت لسما مرات تسكت وتسرح بعيد . قلت ليها مالك ي مزتي ؟ ما على بعضك في شنو؟
قالت لي ما قادرة انساهو ي رينا. و بدت تبكي . قلت ليها منو ي سما .
قالت: منو غيرو سيف اكيد . قلت: سيف سيف منو ي بت. قالت : استاذ سيف ياااخ بطلي غباء .
طوالي اتذكرت زمااان في الثانوي سما كانت بتحب استاذنا في المدرسة وهو زاتوو كان بيعمل ليها حركات كدة كل مرة والمشكلة انو كان عارف حركاتها و فاهمها كويس ، و بحكم انها بتجبو فكانت طول الوقت معاهو و طوالي اول واحدة بتصحح. وهي كل مرة بتتعلق بيهو زيادة لحدي ما في يوم في سنة تالتة ناداها في المكتب وقال ليها :اقفلي الباب وراك. وهي طبعا قبل ما تمشي كلمتنا .المهم قفلت الباب وانا قلبي اكلني كيف تقفل الباب . بعد شوية طلعت بتبكي قالت انو اتحرش بيها و كدة وانو هي مرقت طوالي بعد كدة ، طبعا انا كنت خلاص حامشي اقتلوا بس مسكت نفسي و حاولت اهدي سما لحدي ما نسيناها الموضوع بسبب هبالة الاء وضحك شهد و عوارة ريم .بعد فترة قالت لي انو استاذ سيف رسل ليها انو هو غلطان وما بعرف ايش و كلام كدة وهي طبعا بهبالتها صدقتو و سامحتو لحدي ما في يوم كان بكرة اخر امتحان في تالتة قال ليها عايني لو سمحتي تاني ما ترسلي لي يعني انتي قايلة نفسك شنو اوعى تكوني منتظراني احبك ولا حاجة كل الفترة دي اتواصلت معاك بس عشان كنت خايف تتكلمي وتحكي لزول بس انتي طلعتي هبلة وغبية و زيك م لاقاني ههههه.
كدة بكل بساطة نهى علاقتو بيها
$نرجع للحاضر $
ي بت انتي عويرة انسيهو يااخ وحاولي كملي حياتك والله انتي بنوتة زي القمر و الف مين يتمناك
+:ما قادرة والله ي رينا
ما تخافي انا معاك امسحي دموعك دي بالله قلبي الصغير لا يتحمل اسا مش اخير لينا نسافر فرنسا نمشي نسلم على غريزمان و بالمرا نخطبو ليك حينسيك ابو سيف زاتوو (للناس الما بتعرفوا غريزمان دا لاعب في منتخب فرنسا ركزو معاهو حيقابلنا كتير لقدام ههه)
+:لا انا دايرة فاران (واحد فرنسي برضو)
عان دي لمن بقت تختار
قعدت تضحك قلت ليها : ايوه دي الضحكة ولا بلاش
بعداك وصلتها البيت ومشيت بيتنا و طوالي على غرفتي بهدومي زاتها نمت
#نتلاقى
#تصبحوا_على_خير
