اللهم صلي و سلم علي سيدنا محمد و على اله و صحبه و سلم.
نزلت تحت لقيت البنات واقفين لي زي الحرص الجمهوري اصلا كنت نازلة من السلم فرحانة اول ما شفتهم عملت روحي ببكي بس طوالي جو جارين علي رينا مالك و رينا في شنو ؟ وانا نزلت لي دمعتين كدا وقلت ليهم: فصلوني اسبووووع كامل عشان ...عشان ... بقيت اتشهق نظام ما قادرة اتم . سما قالت ليهم خلاص انسوا ارح الاستراحة تغسل وشها و بعداك نفهم منها الحاصل . كلهم هزوا راسهم موافقين على كلامها و بعداك مشينا اول ما وصلت الاستراحة فكيت الضحكة كلهم عاينو لي .ريم قالت وووووب علي جنت البت جنت رسمي . قلت ليهم وانا لسه بضحك صدقتوني يعني انو فصلوني وكان فصلوني حيفصلوني لشنو اجي اجي . فجأة لقيت البنات كلهم بيخبطوا فيني و داك ي النبذ و الشتيمة . بعد ما هدوا شوية شهد قالت لي بالجد العميد ناداك ليه؟ قلت ليها عشان سببين الاول موضوع الاستاذ الجديد دا و تاني سبب انو (لحدي هنا كنت بتكلم عادي) انا مسااافرة رووووووسياااااا (و بديت اصرخ وهم نفس الحاجة طبعا) بعداك حكيت ليهم الحصل بالتفصيل . الاء قالت لي ي بنت المحظوظة قلت ليها احم احم هوووي انا ماشة بيتنا تعبت خلاااص . ودعتهم و طلعت على البوابة اتخيلوا نسيت عربيتي مرة واحدة اتذكرتها وانا هناك وانا بفكر فيها لقيت في زول بناديني ي رينا ي رينا . اتلفت لقيتو وليد جاي علي سلمت عليهو قال لي : خلاص خلصتي . قلت ليه yes قال لي طيب اوصلك للعربية في طريقي. قلت ليهو لالا ما ينفع والله . (مستحييل كنت اقبل انتو ما شفتو الجامعة كلها كانت بتعاين لينا ) قال لي ليه بس ،مافيها حاجة . قلت ليهو معليش بس ما بقدر حامشي بامجاد اصلا الحتة ما بعييدة . قال لي امممم تمام يلا طيب اشوفك يوم تاني. ومشى .حسيت بيهو اتضايق بس يلا بينسى ان شاء الله .
ركبت امجاد و مشيت لقيت عربيتي سليمة قاعدة في محلها يقيت ابوس فيها عديل من الشوق ركبت و دورتها وطوالي على البيت دخلت ونفس السيناريو سلمت على امي وابوي و اكلت حاجة استحميت وصليت ونمت. صحيييت على صوت تلفوني رديت بدون ما اعاين للرقم قلت الووو رد علي السلام عليكم (هنا انا قمت واتصلحت في السرير وصحصحت كويس) قلت وعليكم السلام و الرحمة قال لي رينا محمد قلت ليهو ايوة اتفضل قال لي معاك دكتور وليد قلت ليهو دكتور وليد ؟ (معليش الغباء عارفة صاحية من النوم ي دوووب اعمل شنو) قال لي الدكتور الحيشتغل معاكم بدل دكتور خالد ، العميد اداني رقمك ،مفروض كان يكون عندك فكرة عن الموضوع . قلت ليهو ايوة ايوة متذكرة طيب ي دكتور وليد انا بكرة ما عندي محاضرات ممكن اجي الجامعة عشان اوريك كل حاجة . قال لي خلاص تمام واسف حاتعبك معااي. قلت ليهو ياااخ ما تقول كدة عادي . (دا مالو ظريف كدا) وقفلت منو و قعدت اقرا (اولة الدفعة وكدة)
$في مكان اخر $
انت ي ولدي ما داير تعرس.. ي امي هسا انا مالي عايش مبسوط معاكم ما محتاج اني اعرس.
بس انا ي ولدي عايزة اشوف عيالك و عايزة اطمن عليك. باس يدها وراسها اطمني ي امي اطمني قريب بتزوج ان شاء الله .
ي ربيييي ديل منو ؟ بتعرفوا لقداااام
#ابقوا_قراااااااااااب
#نتلاقى
