الرحلة كانت طويلة شديييد تقريبا يوم كامل. كان عندنا ترانزيت في الدوحة بس ما قعدنا كتير الطيارة كانت جاهزة طوالي اتحركنا .و طبعا انا من الدوحة لروسيا قضيتو نوووم بس💤💤 و هبة جنبي نايمة برضو . وصلنا روسيا والتلج كان نازل ياااخ كانت حاجة ما بتتوصف💔💔😢 وصلنا الفندق و انا طلبت اني اكون في غرفة براي عشان اخد راحتي و كدا😏😏 جانا دكتور شادي قال لينا صبايا اليوووم دا كلو حناخدو راحة و الفسح و النزهات من بكرة تمام😍😍قربت اقول ليهو كان انت ماشي معانا انا ما ماشى لكن استغفرت ربي و سكت😤😤😤
مشيت على غرفتي واول حاجة عملتها اني رقدت في السرير ولا غيرت هدومي اصلا طوالي نمت 💤💤 تعب وكدا😆 صحيت على الباب بتاع الغرفة بيضرب مشيت فتكات لقيتها هبة قالت لي ي بت انتي لسه نايمة😒😒 قلت ليها المفترض اكون نايمة😑 قالت لي زحي لي ادخل .
زحتني و دخلت. قلت ليها انتي اصلا جوة ي حياتي . فتحت شنطتي طلعت لي لبسة كدا كبدية سادة و طويلة و معاها بنطلون جينز . قالت لي يلا قدامي ادخلي الحمام استحمي والبسي عشان ننزل تحت. قلت ليها بس..قالت لي يلا بس معاك 😤😤جاية روسيا عشان تنومي انتي .😒😒 حمرت ليها و دخلت استحميت و طلعت عملت شعري 👧 كعكة لفوق دايرة امرق كدا قالت لي وين وين 😞 قلت ليها نازله خلاص جهزت . قالت لا ي مزة نازلة كدا من دون ولا نقطة ميك اب اقعدي لي هنا و ما عايزة اسمع صوت . جاية علبة المكياج حقتها و بس دايرة تبدا كدا قلت ليها دقيقة دقيقة احنا ماشين وين 😞😞 قالت لي نازلين ناكل
قلت ليها و عايزة تمكيجيني عشان الاكل رووحي ي شيخه . قالت لي ما على كيفك قلت ليها طيب بوافق بس اعملوا انا قالت لي خلاص هاك 😒😒😒😒 بديت اتمكيج بالجد كلامها صح وشي كعب شديييد اتظبطت كدا قالت لي والله لو كنت عملت ليك انا ما كان طلع سمح كدا 😍😍😍 خجلتني بكلامها🙈🙈قلت ليها بطلي بكش تعالى نتصور سيلفي . فضلنا نتصور اتصورنا قريب المية صورة 📷📷 حتى نزلنا و احنا نازلين بنتونس عاينت في تربيزات المطعم بتاع الفندق شفت وليد لابس ليهو قميص كبدي و بنطلون جينز نفس لبستي و شكلو كان مظبط دقنو جديد و شعرو برضو فضلت اعاين ليه لحدي ما اتلفت ولاحظ لينا قام على حيلو ابتسم ابتسامه خفيفه كدا 😍 😍😍 و قعد تاني و فضل يعاين لي لحدي ما وصلنا التربيزة حقتهم سلمنا على كل الموجودين و قعدنا كان هو نفسه مقابلني طوالي 🙈🙈و فضل القعدة كلها يعاين لي قام زفتون شادي قال لي رينا دا شنو الجمال دا الليلة😆 انا حمرت ليهو بس😒😒 هبة ردت قالت ليهو اصلا جميلة بس هي بتخفي جمالها ما بتطلعو لاي كان 😏 😏 ياااخ في اللحظة دي حبيتها حب. في ولد معانا اسمو ياسر قال لي لكن الليلة خطيييرة بالجد 😃😄 قلت ليهو شكرا خجلتني 🙈🙈🙈 هبة قالت ليهم على فكرة ي شباب انا موجودة جمبها و برضو سمحة لو شايفين 😒😒 قعدوا يضحكوا والفترة دي كلها وليد بيعاين لي بس و كل ما اضحك هو بيبتسم . عاينت ليهو قام صلح قعدتو و تاني فضل يعاين لي لكن المرة دي جوة عيوني ما عارفة بس حسيتو عايز يقول حاجه . بقيت كل ما اعاين ألقاه لسه مركز حتى لمن جابو الاكل برضو نفس القصة
بعد خلصت اكل رفعت رأسي لقيتو لسه بعاين دا مالو دا 😞😞خبطو في كراعو لمن بقا يكح
هبة قالت لي بتحت تحت : شكلو فلان دا مدردق فيك ي هناية😆😆 قلت ليها تدردقي في التلج البره دا . قالت لي والله فضل ياكلك بس 😆 قلت ليها هبة تلبي من ركشة حياتي 😡😡 قالت لي روقي روقي امشو بتطقيمتكم دي .😒😒💔 قلت ليها انا قايمة خلاص . قمت كدا شادي قال لي على وين ي دوب اكلنا خلينا نتونس شوية . 😑😑قلت ليهو آسفة والله ما بقدر تعبانة شديييد يلا اشوفكم بكرا . و انا طالعة سمعت صوت زول يناديني اتلفت لقيتو وليد وقفت ما عارفة فجأة حصل لي شنو و انا شايفاه جاي علي قلبي بقى بيضرب شديد💓💓💓💓 جا قال لي انتي كويسة 😊قلت ليهو الحمدلله بس ياهو تعب السفر ( تعب شنو انا الرحلة كلها نايمة😛) قال لي بكرة حتكوني معانا صح😊 قلت ليهو اكييد ان شاء الله 😏 قال لي اول اسبوع حنتفسح مع دليل سياحي و بعداك حنمشي برانا قلت ليهو اهااااا تمام طيب . بعداك سكتنا وهو فضل يعاين في الارض و كل شوية يحك جبهتو او رقبتو 😄. قلت ليهو طيب اشوفك بكرة 😃 قال لي ان شاء الله 😊 بعداك دخلت غرفتي رسلت لسما حكيت ليها و قلت ليها انا ما عارفة ي سما دا شنو البحصل لي دا 😢😢 قالت لي ي غبية دا اسمو حب😏💔💔 قلت ليها مستحيل اكون بحبه دا دكتوري في الجامعة 😭😭😢 قالت لي انها ويعني ي بت تتذكري لمن الغبية الاسمها سحر ديك كانت متلاصقة فيهو انتي اتنرفزتي كيف باقي اليوم كلو فضلتي زهجانة انا فهمتك بس قلت ما اتسرع و اتكلم معاك .😏😏💔💔💔 بعدين اقطعي وشك حمودي داير يضرب لي🙈 قلت ليها حمودي في عينك ي معفنة😒😒 .
قفلت منها و بقيت اقول معقولة انا بحبو 💔💔😢 معقولة 😢😢💔
قمت اتوضيت و صليت ركعتين و دعيت لربنا انو ما يعلق قلبي في حاجة ما حتكون حقتي في النهاية 😢😢💔 بعد خلصت حسيت برااااحة شديييدة غيرت هدومي و رقدت نمت على كدا.....
#نتلاقى
#ابقوا_حنااان_وقرااااب
😘😘😘😘😘😘😘😘😘😘
ي دوووب قصتنا ابتدت
