وحين ينكسر قلبك لايغنيك الف جبر لاتگولون علية ضعيفة ماعندج عقل ماعندج دين بس خليكم بالصورة باعو الموضوع من منظوري بنت مطلقة وامهة مطلقة ابوها مدمن وزوج حقير ساقط زاني رح تگولولي ماعرفتي ماسالتي عنة رح اگللكم اكو هواي ناس متزينة بزينة الدين والوقار والأخلاق لكن مايخفيه القلب ومايفعله خلف الأبواب الموصدة اني مااعلم علم الغيب المفروض الناس الحوالية الي خلو حياتي جحيم الي خلوني أشعر بالنقص طول حياتي الي اهتمو بزينتي ومظهري ونسو يكبرون دماغي ويوعوني ..
اي وگفت عاجزة وافكر حياتي شون رح صير قررت انتحر للمرة الثانية عمود انهي عذابي الي بقيت اصارع الحياة بي عمود ابقى وابدي من جديد ..
انتهت بلحظة..
ظل تلفوني يدگ محد يرد ...ظلو يدگون الباب علية لحد ماكسرو بلحظة تمنيت ابني يسامحني ..
متت.. لاممتت..رجعوني للحياة ..شفت دموع امي ..وخوف خالتي ..وتوتر اخوية ..
شفت الي كنت مااشوفة ..
بس روحي مكسورة قريبا رح ينقلب حزنهم غضب وعتاب وليش قبلت.
جواب ..هو اني اصلا عندي خيار ..اني دائما مسيرة ..
طلعت من المستشفى ..ورحت لبيت امي تعاركت ويا زوجهة ومقبلت اترك البيت او هي تتركة ..
كلها يومين انفتح موضوع وياي ..
ليش سويتي هيج بروحج..
ريڤال: كمت ابچي ..
دتبچين من ورا ذاك الحقير ..خلص بأجر اخوج يرفعلج دعوى وانفصلي عنة وخلصي ..
ريڤال: بس ماما..
صدگ ..خابرت علا ..كالت جاية اليوم خطية شصار بيهة من سمعت بيج..
ريڤال: هسة تذكرتني ..اخر مرة خابرتني كالتلي لاتزوجين لاتستعجلين ودمرين حياتج وانتي بعدج مامتجاوزة تجربتج السابقة..
وسدت التلفون ومحجت وياي ..
علا: السلام عليكم ..
ام ريڤال: هلو حبيبتي شونج ..تفضلي..
علا: حمد الله ع سلامتج ..سوت حركة امي افتهمت انو لازم تخلينا وحدنا ..
اي هاي امچ راحت ..كليلي ليش هيج سويتي بروحج..
ريڤال: شسويت ..
علا: باعي هاي سالفة ..تسممت وغسلت معدتها متمشي علية ..فااحسن الج..احچيلي..
بچيت وارتميت بحضنها ..
شبيج ريڤو .. حبيبتي احچيلي شنو الصار ..
علا ..مصيبة ..مصيبة ..
ليش خير ياستار شنو الصار ...
علي ..يهددني..
بشنو يهددج الساقط..
اي ..ساقط شون عرفتي..
علا: والله ياريڤو ..سيماهم في وجوههم بس لاانتي ولاخالاتي عرفو ..
اي ..علا ..يهددني بصور ماخذهم الي بغرفة النوم وإني طالعة من الحمام..
علا: عزا العزاج ولج انتي شون تقبلين ..
ريڤال: قشمرني ع زوجتة محلوة وجسمهة محلو ويذكرني من ماموجود يمي.
